Во шумски пожари лани уништени над 500 000 хектари во ЕУ, најголемиот бил во северна Грција - Канал 5

Свет

Во шумски пожари лани уништени над 500 000 хектари во ЕУ, најголемиот бил во северна Грција

Во текот на минатата година Европа, Блискиот Исток и Африка се соочија со едни од најголемите шумски пожари регистрирани од 2000 година, при што беа опожарени над 500 000 хектари земјиште.

Во шумски пожари лани уништени над 500 000 хектари во ЕУ, најголемиот бил во северна Грција

Во текот на минатата година Европа, Блискиот Исток и Африка се соочија со едни од најголемите шумски пожари регистрирани од 2000 година, при што беа опожарени над 500 000 хектари земјиште, се наведува во извештајот на Заедничкиот истражувачки центар на Европската комисија.

- Во последниве години катастрофалните шумски пожари станаа вообичаени во Европската Унија и соседните земји, а исклучок од тоа не беше ни 2023 година. Пожарот во близина на градот Александруполис во грчкиот регион Тракија, беше најголемиот поединечен шумски пожар регистриран во ЕУ откако Европскиот информативен систем за шумски пожари (ЕФФИС) почна да ги следи состојбите во 2000 година, се наведува во Извештајот.

Центарот посочува дека шумските пожари без преседан што ја зафатија Европа во последните четири години ги покажуваат непобитните ефекти на климатските промени, поради кои огнените стихии стануваат се почести и поинтензивни.

Климатските промени, како што се наведува во документот, не само што придонесуваат за зголемен опсег на областите погодени од шумски пожари, па тие сега се појавуваат и во реони во кои вообичаено ги немало во таков обем, туку прават и огнените стихии да бидат поинтензивни и сезоната на пожари да се прошири и надвор од традиционалниот летен период.

- Зголемената зачестеност и интензитет на шумските пожари во продолжените сезони на пожари, претставуваат нов предизвик за противпожарните служби низ Европа и на глобално ниво, бидејќи гаснењето на огнот од воздух станува посложено, а копнените операции стануваат потешки, па понекогаш дури и невозможни, посочува Центарот.

Според прелиминарните проценки, опожарените површини во Европа до средината на септември годинава се под просекот од последните две децении, првенствено како резултат на обилните врнежи што зафатија големи делови на континентот во текот на пролетните и летните месеци.

- Во септември, во Португалија избувнаа повеќе шумски пожари истовремено. Ова придонесе штетата од шумските пожари во 2024 година да биде над просекот на ЕУ во последните децении. Сепак, генерално, 2024 година може да се смета за помалку тешка сезона на шумски пожари, бидејќи во неа се бележи намалување на штетите од разорните пожари по три последователни години на раст, се вели во документот.

Во извештајот натаму се оценува изминатите години дека Европската комисија и земјите членки на ЕУ ги подобриле своите капацитети за превенција и подготвеност за гаснење на пожарите, што резултира за помали штети низ блокот во текот на оваа година.

Центарот наведува дека за справување со шумските пожари во Европа, но и на глобално ниво, неопходно е да се минимизира палењето оган во близина на шумите, да се мониторираат состојбите во критичните региони за појава на пожари и да се спречи складирањето на високоризични видови горива во шумските реони.

Според извештајот, речиси 96 отсто од пожарите во ЕУ се предизвикани од човечки фактот, па затоа едукативните кампањи и подигањето на свеста кај населението се од суштинска важност за намалување на шумските пожари.

- Како што се заострува климатската криза, од клучно значење е населението на Европа да се подготви за почести и поинтензивни шумски пожари. Мерките за превенција мора да ги опфатат сите делови од населението, вклучително и руралните заедници кои се во директен контакт со природата, како и особено ранливото население кое живее на рабовите на дивината и градовите, се додава во Извештајот.

Според еврокомесарката за иновации, истражување, култура, образование и млади Илијана Иванова, зголемената закана од шумски пожари, предизвикани од климатските промени, бара „заеднички одговор базиран на докази“.

- Заедничкиот истражувачки центар на Комисијата игра клучна улога во овој напор со унапредување на системите за рано предупредување и обезбедување критични податоци за информирање на политиката и заштита на ранливите региони, оцени Иванова.

Имајќи предвид дека речиси сите шумски пожари се предизвикани од човечкиот фактор, според еврокомесарката. превенцијата и едукацијата се клучни за нивно намалување.

- Со поттикнување на поголема соработка низ ЕУ и со користење на научните сознанија, можеме подобро да ги заштитиме нашите шуми, биодиверзитетот и нашите заедници од зголемените ризици од шумските пожари, заклучи Иванова.

Еврокомесарот за климатска акција, Вопке Хукстра оцени дека шумските пожари што ја зафатија Европа во 2023 година, покажале дека ЕУ не е доволно подготвена да се соочи со ваквите ризици.

- Климатските промени ја зголемуваат зачестеноста и сериозноста на шумските пожари. Мора да инвестираме повеќе за подобро да се подготвиме и да ги спречиме овие шумски пожари, рече Хукстра.

Тој посочи дека врз основа на наодите во неодамна објавената студија под наслов „Европска проценка на климатскиот ризик“, ЕУ во моментов работи на подготовка на нов амбициозен план за климатска адаптација.

- Исто така, ќе ја процениме потребата од ново законодавство за климатска отпорност и подготвеност. Соочени со забрзаното глобално затоплување и зголемените ризици од шумски пожари, мора да се погрижиме сите да имаме просперитетна, безбедна и сигурна иднина, додаде Хукстра.

Еврокомесарот за управување со кризи Јанез Ленарчич, пак, посочи дека ЕУ е подготвена да помогне во случај на голем шумски пожар во Европа и ширум светот, меѓу другото, и со испраќање на воздухопловни и копнени противпожарни сили во рамките на Механизмот за цивилна заштита на Унијата.

- Новиот договор со Канада за производство на 12 амфибиски авиони за гаснење пожари што ќе го сочинуваат столбот на постојаната флота „РескЕУ“, означува уште еден важен чекор во подобрувањето на капацитетот и подготвеноста на ЕУ за борба против пожарите, паралелно со националните капацитети за одговор на земјите членки на ЕУ, истакна Ленарчич.

Сепак, според него, способноста за одговор на пожарите е само едната страна на медалот, додека другата е потребата да се работи на зајакната подготвеноста и адаптација.

- Затоа ЕУ, исто така, ги поддржува земјите членки со проекти за превенција од шумски пожари, упатства за добри практики и пренесување на искуства, додаде Ленарчич.

Европскиот информативен систем за шумски пожари (ЕФФИС) е мрежа преку која 43 земји разменуваат информации за шумските пожари и ги проценуваат нивните ефекти во Европа, а овозможува и размена на искуства за добрите практики во превенцијата од пожари, нивното гаснење, реставрацијата на опожарените подрачја и за други активности поврзани со справувањето со огнените стихии.

Од 2015 година, ЕФФИС ги користи и услугите на Програмата на ЕУ за сателитски мониторинг на Земјата „Коперник“, преку која обезбедува информации и податоци за состојбите на Планетата и нејзини одделни области со помош на снимки од сателити.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Четири мечки до смрт растргнале мајка и ќерка – со ДНК анализа е утврден ужасот на нападот

Трагично пешачење во канадската покраина Британска Колумбија заврши со смртта на мајка и нејзината ќерка, кои беа нападнати од четири гризли мечки. 

Четири мечки до смрт растргнале мајка и ќерка – со ДНК анализа е утврден ужасот на нападот

Истражителите користеа ДНК анализа за да потврдат кои животни стојат зад ужасниот напад, а експертите се сомневаат дека жените биле плен, што го прави овој случај особено редок, објави Би-Би-Си.

Џенифер Балкарас (48) и нејзината 20-годишна ќерка, Села Рид, отидоа на кратко попладневно пешачење на почетокот на ноември во областа Вајт Касл во западна Канада. Кога не се вратија дома, нивното семејство пријави дека се исчезнати.

Потрагата заврши трагично. Телата, или поточно останките, на двете жени беа пронајдени во близина на планинарска патека, на околу 150 метри оддалеченост.

По нападот, истражителите зедоа примероци од ДНК од животните за кои се сомневаше дека учествувале во трагедијата. Резултатите потврдија дека четири гризли мечки - возрасна женка и нејзините три младенчиња, стари околу една година, се одговорни за смртта на мајката и ќерката.

Сите четири мечки подоцна беа еутанизирани за да се заштити јавноста, соопшти Службата за заштита на Британска Колумбија (BCCOS).

Истрагата, исто така, откри особено вознемирувачка можност - дека нападот не бил резултат на изненадувачка средба или одбранбена реакција од страна на животните, туку дека мечките ги сметале жените за плен.

„Нашата истрага, исто така, покажа дека ова веројатно бил предаторски напад, за кој можам да ви кажам дека е многу редок“, изјави инспекторот на BCCOS, Џеф Тајр, за АП.

Експертите велат дека ваквите напади се исклучително невообичаени, бидејќи мечките генерално не напаѓаат луѓе за да ги јадат.

Според проценките на Министерството за животна средина, земјиште и паркови на Британска Колумбија, во канадската покраина живеат помеѓу 10.000 и 13.000 гризли мечки. Видот е наведен како загрозен во покраината.

Средбите меѓу луѓето и гризли мечките што завршуваат со напади се релативно ретки, но ризикот се зголемува кога луѓето го изненадуваат животното или кога тоа ги брани своите младенчиња или извор на храна.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Паника среде лет: Се заканувал со бомба, па се обидел да влезе во пилотската кабина, авионот итно приземјен (ВИДЕО)

Дражавјанинот на Хондурас, Рони Александар Гомез-Алберто, кој двапати бил депортиран од Соединетите Американски Држави, бил уапсен откако наводно се обидел да влезе во пилотската кабина на авион на „Јунајтед ерлајнс“ и тврдел дека има бомба. 

Паника среде лет: Се заканувал со бомба, па се обидел да влезе во пилотската кабина, авионот итно приземјен (ВИДЕО)

Инцидентот се случил во понеделник вечерта за време на летот од Њуарк до Њу Орлеанс, а неговото однесување ги натерало пилотите да издадат предупредување за киднапирање, објави „Фокс њуз“.

Летот 2174 безбедно слета на меѓународниот аеродром „Луис Армстронг“ во Њу Орлеанс, каде што го пречекала полицијата. Гомез-Алберто подоцна бил уапсен, а Министерството за внатрешна безбедност на САД потврдило дека е обвинет за обид за влегување во пилотската кабина.

Според одделот, Службата за имиграција и царинска контрола (ICE) поднела барање за негово притворање по неговото апсење.

„На 10 ноември 2026 година, ICE поднела барање за притворање на Рони Александар Гомез-Алберто, државјанин на Хондурас кој нелегално е присутен во Соединетите Американски Држави, откако се обидел да влезе во пилотската кабина за време на летот“, изјавил портпарол на Министерството за внатрешна безбедност за „Фокс њуз“.

Според американските власти, Гомез-Алберто првпат бил уапсен во септември 2011 година откако нелегално ја преминал границата во близина на Ел Индио, Тексас. Тој бил повторно уапсен во октомври 2014 година, во близина на Колумбус, Ново Мексико. По двете апсења, тој бил депортиран од Соединетите Американски Држави.

Тој повторно бил уапсен од страна на Граничната патрола во 2019 година откако се обидел нелегално да влезе во земјата во близина на Сан Исидро, Калифорнија. Сепак, тој бил ослободен од притвор во јануари 2020 година откако судија за имиграција наредил негово ослободување во исчекување на постапката за депортација.

Локалните медиуми, повикувајќи се на Канцеларијата на шерифот на округот Џеферсон, објавија дека осомничениот е обвинет и за пренесување лажни информации за планирано палење и терористичка закана, како и за нарушување на јавниот ред.

Министерството за внатрешна безбедност конкретно изјави дека тој упатил закана со бомба за време на летот, што предизвикало тревога кај екипажот и патниците.

Јунајтед ерлајнс потврди дека авионот слета безбедно и дека полициските сили го пречекале авионот по пристигнувањето.

„Летот 2174 на „Јунајтед“ од Њуарк до Њу Орлеанс слета безбедно по инцидент во кој беше вклучен еден патник. Полицијата го пречека авионот по пристигнувањето“, соопшти компанијата.

Авионот „Боинг 737 MAX 9“ превезуваше 46 патници и шест члена на екипажот.

Портпаролот на Министерството за внатрешна безбедност изјави дека властите ќе продолжат да преземаат мерки против лицата кои се нелегално во Соединетите Држави и кои вршат кривични дела.

Тагови: авион Бомба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Жена е прегазена за време на кражба на автомобил- разбојникот ја остави во критична состојба (ВИДЕО)

Неидентификувана жена е сериозно повредена кога разбојник ја прегазил за време на кражба на автомобил во вторник наутро (10 ноември) во населбата Бара Фунда, во западниот дел на Сао Паоло. 

Жена е прегазена за време на кражба на автомобил- разбојникот ја остави во критична состојба (ВИДЕО)

Таа претрпела тешка трауматска повреда на мозокот, морала да биде интубирана и била однесена во болницата Санта Каса.

Безбедносна камера го снимила моментот кога осомничениот разбојник се приближил до жртвата, ја презел контролата врз автомобилот и ја прегазил додека бегал, објави „Глобо“.

Злосторството се случило на улицата Хозе Крис, во близина на плоштадот Паскоал Мартинс и авенијата Маркес де Сао Висенте. Воената полиција била повикана околу 6:35 часот наутро.

Видеото го прикажува разбојникот како се приближува до жената, која штотуку излегла од аптека и влегувала во својот автомобил.

Осомничениот ја преминува улицата и се крие зад дрвја, чекајќи жената да влезе во возилото. Потоа ѝ се приближува и седнува на задното седиште.

Кога го забележува нападот, жената излегува од возилото. Разбојникот потоа седнува на возачкото седиште, но жртвата се обидува да го спречи грабежот. Следува физичка пресметка, при што мажот ја турка. Таа паѓа и ја удира со главата на земја. Потоа крадецот го става автомобилот во рикверц и ја удира со својот автомобил.

Луѓето на блискиот паркинг се обидуваат да го спречат да избега, викајќи му да застане, но осомничениот успева да избега со автомобилот.

Вработен на паркингот, кој бил сведок на инцидентот, рекол дека жената се обидела да ја зграби вратата од автомобилот за да го спречи крадецот да избега.

„Таа се обидела да ја повлече вратата, но тој успеал да се врати во рикверц токму кога таа ја зграбила. Потоа била фрлена назад со сета сила, ја удрила главата и ја изгубила свеста“, рекол сведокот.

Според него, луѓето на местото на настанот истрчале за да го спречат возачот да ја прегази жената.

„Трчавме за да не ја прегази. Малку забавил, потоа малку забрзал и скршнал, но и покрај тоа, гумата сепак ја зафатила главата. Потоа продолжил да вози“, рекол сведокот.

Жената била однесена во болница со тешка трауматска повреда на мозокот и крварење од увото. Таа мораше да биде интубирана пред да биде префрлена во болницата Санта Каса во Сао Паоло.

До последното ажурирање, немаше информации за тоа каде се наоѓа крадецот и украдениот автомобил.

Тагови: автомобил разбојник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер