Мадридски АС пренесува дека има двајца тренери кои Реал ги смета за наследници на Зидан доколку легендарниот Французин добие отказ или се повлече од функцијата.
Првиот е Раул Гонзалес, поранешен напаѓач на мадридскиот клуб. Раул поминал 16 години во Реал за време на својата играчка кариера и е втор стрелец во историјата на клубот од Мадрид со 323 погодоци. По завршувањето на играчката кариера, тој бил тренер на јуниорите на Реал, а денес е тренер на вториот тим.
Другиот кандидат е поранешниот менаџер на Тотенхем, Маурисио Покетино. Аргентинецот е без клуб, а Реал веќе се обидел да го донесе во 2018 година кога мадридскиот тим на крајот го презеде Џулен Лопетеги.
"Проблемот со Покетино е тоа што тој не е реалист како Раул и тој сигурно би барал подолг договор за да биде побезбеден. Сепак, Реал во последно време им даваше договори на тренерите дека во случај на отказ добиваат само плата од тековната сезона и последната година од договорот.
Зидан се врати во Реал во март минатата година и минатата сезона го освои шпанскиот шампионат.