Во Охрид се спроведуваат финалните подготовки за Водици - Канал 5

Живот

Во Охрид се спроведуваат финалните подготовки за Водици

Во Охрид започнуваат финалните подготовки за организацијата на најмасовната манифестација во градот – Богојавленскиот водосвет и осветувањето на водите на Охридското Езеро за Водици. 

Во Охрид се спроведуваат финалните подготовки за Водици

Точно на пладне започнува пријавувањето на капачите кои ќе го бараат Чесниот крст во осветените езерски води.

Сите заинтересирани граѓани може да се пријават во црквите „Свети Никола Геракомија", „Успение на Пресвета Богородица – Каменско" и „Свети Великомаченик Георги", а евидентирањето на пријавените капачи ќе се врши заклучно со 18 јануари до 17 часот.

Пријавените капачи ќе можат да ги извршат потребните медицински прегледи во поставените шатори на охридскиот Црвен крст на 18 јануари од 19 часот и во утринските часови на 19 јануари, на денот на манифестацијата.

Од денеска стартуваат и активностите за чистење и украсување на Градскиот плоштад, крајбрежните делови на езерото на потегот кај Градското пристаниште, а нуркачи од „Амфора" ќе го чистат езерското дно во делот на пристаништето каде ќе влегуваат оние што ќе пливаат по крстот.

Поради непречено одвивање на сите активности во делот на организацијата на големиот црквно-народен собир од 18 јануари од 23 часот до 20 јануари до 16 часот нема да биде дозволено паркирање возила на потегот во близина на објектот на Капетанијата на пристаништата и паркингот во потегот на кружниот тек во центарот на Охрид. Организаторите на манифестацијата апелираат до сите сопственици навреме да ги отстранат своите моторни возила од локацијата, заради оа што потоа истите ќе бидат отстранувани од надлежните служби.

Што се однесува на самите содржини за манифестацијата, и оваа година Општинската организација на Црвениот крст на 19 јануари организира традиционалната крводарителна акција „Водици 2020". Крводарителската акција што годинава ќе се реализира под мотото „Една капка може да промени се" ќе се врши во периодот од 9 до 15 часот во Центарот за култура „Григор Прличев".

Инаку, за што поголема посетеност и привлекување гости во градот за празниците, Општина Охрид организира пригодна забавна програма, со големиот концерт на балканската музичка ѕвезда Петар Грашо што ќе се одржи во пресрет на празникот на 18 јануари со почеток во 20 часот на Градскиот плоштад „Свети Климент Охридски". На 20 јануари во рамки на манифестацијата Денот на рибарите на празникот Свети Јован Крстител, на Градскиот плоштад со почеток во 12 часот концерт ќе одржи македонската фолк ѕвезда Миле Кузманоски.

Инаку, оваа година се одбележува 30-годишниот јубилеј од првото масовно и организирано прославување на Богојавленските празници во Охрид каде осветувањето на водите има вековна традиција.

Со оглед на тоа што празникот е во викенд, се очекува во Охрид да пристигнат голем број гости од земјата и странство и да ги исполнат сместувачките капацитети. Со цел да ги поддржат Богојавленските чествувања и да придонесат за поголем број гости, охридските хотели и годинава нудат во периодот од 16 до 20 јануари нудат сместување по симболична цена од 15 евра на ден.

Празнувањето по повод верските празници Богојавление и Свети Јован Крстител во Охрид е една од најмасовните црковно-верски манифестации во овој дел од православието, како според бројот посетители на чинот на осветувањето на водите на Охридското Езеро, така и по бројот верници и гости кои влегуваат во студените езерски води за да го фатат Светиот крст. /МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер