Во Охрид наредните два дена ќе се одржува изборот на најдобар бармен - Канал 5

Забава

Во Охрид наредните два дена ќе се одржува изборот на најдобар бармен

 Наредните два дена во Охрид ќе одржи 10. јубилејно издание на „Вигор Бармен купот“, најголемото натпреварување од тој вид во Македонија.

Во Охрид наредните два дена ќе се одржува изборот на најдобар бармен

Учесниците на натпреварувањето што ќе се одржува во кафе-барот „Куба Либре“ во Охрид ќе приготвуваат коктели во категоријата „класика“, а реномирано жири составено од еминентни експерти од Хрватска ќе ги оценуваат нивните техники на подготовка и самите коктели. Жирито ќе ги оценува и бојата, вкусот и мирисот на секој коктел, што дополнително го прави натпреварувањето своевиден коктел-предизвик.

Според агендата, атрактивното натпреварување започнува утре во 10:30 часот со пријавување и регистрација на натпреварувачите, а полуфиналето почнува напладне. Пред самиот почеток на натпреварувачкиот дел презентација ќе имат неколку од најдобрите македoнски бармени кои ќе ги прикажат своите таленти и вештини. Купот завршува со финалето што ќе се одржи на 3 октомври во 12 часот.

Интересно за публиката, покрај тоа што ќе бидат забавувани од Мартин Најтинајн, е тоа што сите коктели кои ќе се направат за време на натпреварот може да бидат бесплатно дегустирани. Задолжени за музичкиот дел од настанот ќе бидат Robbie Ray the LED Robot и Mirror Man. Исто така, публиката ќе ја забавува и Марио Мајцен, повеќекратен хрватски шампион во флер - атрактивно подготвување коктели.

Актуелен шампион во приготвување коктели во категоријата „класика“ е Васил Пеевски од Скопје, победник на ланскиот куп одржан во Куманово.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Граѓаните одлучуваат за еколошките приоритети на Центар , анкета за почиста и поздрава животна средина

Општина Центар  ги повикува граѓаните активно да се вклучат во изработката на новиот Локален Еколошки Акционен План (ЛЕАП 3) за периодот 2026–2032 година.

Герасимовски: Граѓаните одлучуваат за еколошките приоритети на Центар , анкета за почиста и поздрава животна средина

Локалната самоуправа започна со подготовка на новиот стратешки плански документ од областа на животната средина, во кој ќе се идентификуваат актуелните еколошки предизвици и ќе се понудат решенија за нивно надминување.

„Општина Центар спроведува анкета со која граѓаните можат да ги дадат своите мислења за еколошките проблеми и предлозите за подобрување на животната средина. Вашите одговори се важни за да ги утврдиме приоритетите и да ги насочиме идните активности кон подобри услови за живеење во Општина Центар“, порача градоначалникот Герасимовски.

Анкетата е анонимна, а може да ја пополните на линк: Вклучи се во изработката на новиот Локален Еколошки Акционен План (ЛЕАП 3) за Општина Центар-Скопје | Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерот за Европа на Франција, Бенжамин Хадад

На маргините на Самитот на лидерите на Берлинскиот процес, што се одржува во Црна Гора, министерот за надворешни работи и надворешна трговија, Тимчо Муцунски, денеска оствари средба со министерот за Европа на Франција, Бенжамин Хадад.

Средба на министерот Муцунски со министерот за Европа на Франција, Бенжамин Хадад

Во фокусот на разговорите беа билатералната соработка, европската перспектива на нашата земја и поддршката од Франција на нашиот европски пат.

Министерот Муцунски ја истакна цврстата посветеност на Владата на реформските процеси и полноправното членство во Европската Унија, како и потребата од забрзување на процесот на европска интеграција.

На средбата беа разменети мислења и за актуелните регионални случувања и за улогата на нашата земја како одговорен и конструктивен партнер во регионот и пошироко во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп најави крај на војната во Украина: „Поблиску сме од било кога “

Крајот на војната во Украина се приближува, „можеби поблиску од кога било досега“, изјави денеска американскиот претседател Доналд Трамп.

Трамп најави крај на војната во Украина: „Поблиску сме од било кога “

Одговарајќи на прашање од новинарите во Белата куќа за тоа како Русија го ослободила Американецот Стивен Хабард, Трамп изјави дека тоа е резултат на директни разговори со рускиот претседател Владимир Путин.

„Побарав да го ослободат Стивен Хабард, и тој сега е на пат кон дома. Не дадов ништо за возврат“, рече Трамп.

На прашањето дали е соодветно што специјалниот пратеник на САД, Стив Виткоф, го нарече Путин „хуманитарец“, Трамп одговори дека тоа било кажано „во тој конкретен контекст“ и додаде дека тој лично „не би зазел страна“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер