Во Милано ќе бидат изложени над 80 ремек дела, што биле запленети од мафијата - Канал 5

Свет

Во Милано ќе бидат изложени над 80 ремек дела, што биле запленети од мафијата

Повеќе од 80 дела од класична и современа уметност конфискувани од италијанската мафија се изложени во Милано.

Во Милано ќе бидат изложени над 80 ремек дела, што биле запленети од мафијата

Меѓу нив се делата на шпанскиот надреалистички уметник Салвадор Дали и американскиот поп-арт уметник, Енди Ворхол.

Уметничките дела често биле „валута“ во илегалната трговија со дрога и оружје, пренесува порталот „Милано.Зоне“.

Некои уметнички дела, кои во минатото им припаѓале на криминалци, сега се изложени како дел од изложбата наречена „SalvArti“.

Посетителите ќе можат бесплатно да ја погледнат изложбата до 26 јануари, а потоа овие дела ќе бидат изложени во главниот град на Калабрија, Реџо Калабрија, во периодот од 8 февруари до 27 април следната година.

Директорката на Националната агенција за управување со имот, Марија Розарија Лагана, изјави дека станува збор за предмети што може да се продаваат, но одлучено е да останат во музеите, бидејќи имаат голема вредност.

„Делата, кои можеа да останат скриени во мрежите на организираниот криминал, конечно се вратени во заедницата и имаат симболична улога во борбата против криминалот“, рече таа, истакнувајќи дека целта на изложбата е да се укаже на „лукавата природа на мафијата“ и во исто време промовираат култура.

„Тоа е ренесанса на овие дела. Како археолозите да ги ископале од земјата и да ги изложат за сите да ги видат“, додаде таа.

Повеќе од 20 дела изложени во кралската палата во Милано биле запленети во 2016 година од шефот на влијателната мафијашка група „Ндрангета“, со седиште во Калабрија, на југот на Италија.

Меѓу нив е и литографијата на Дали , Ромео и Јулија, која се наоѓа во просторија посветена на дела конфискувани од судот во главниот град Реџо Калабрија.

Во близина на литографијата на Дали има масло на платно „Пјаца д’Италија“ од италијанскиот мајстор Џорџо де Кирико.

Околу 60 други дела изложени на изложбата биле запленети во 2013 година во согласност со одлуката на римскиот суд, кој пресудил во случајот на огромна измама поврзана со меѓународна мрежа за перење пари.

Меѓу нив е и екранот на американскиот поп-арт уметник Ворхол со наслов „Летна уметност во парковите“.

Националната агенција за управување со средства, исто така, организира аукции на предмети запленети од италијанските судови, вклучувајќи ги и престижните мотоцикли Ферари и Харли Дејвидсон.

Одземениот недвижен имот, како што се куќи, станови и земјоделско земјиште, агенцијата бесплатно ги доделува на јавни институции и непрофитни организации.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Џип удри во луѓе во Лос Анџелес, тројца загинати

Најмалку три лица загинаа, а тројца други се сериозно повредени откако џип влета во група пешаци во населбата Норт Холивуд во Лос Анџелес, пренесува Ројтерс. 

Џип удри во луѓе во Лос Анџелес, тројца загинати

Инцидентот се случил нешто пред 18:00 часот по локално време. Полицијата сè уште работи на утврдување на точните околности – конкретно, дали возачот намерно удрил во луѓето или станува збор за несреќен случај.

„Мораме точно да утврдиме што се случило и што довело до оваа трагедија“, изјави Кетрин Барџер, членка на Одборот на супервизори на округот Лос Анџелес. „Ќе ја следам истрагата и ќе барам дополнителни информации како што ќе излегуваат на виделина нови факти“, додаде таа.

Според претставници на полицијата и противпожарната служба во Лос Анџелес, три лица загинале на самото место, додека двајца пешаци и возачот на теренско возило биле пренесени во болница.

Градоначалничката на Лос Анџелес, Карен Бас, изјави дека теренско возило излетало на тротоарот и удрило во група улични продавачи и минувачи. Таа додаде дека службите за итни случаи се на терен и дека нејзиниот кабинет соработува со надлежните градски служби.

„Срцето ми се крши за семејствата на сите погодени“, напиша таа на платформата X, додавајќи дека ќе сподели дополнителни информации штом ќе станат достапни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

НБРМ: Компаниите што редовно исплаќале плати преку „АЛТА банка“ АД Битола ќе можат да вршат исплата на плати и придонеси

Народната банка продолжува со постепено олеснување на условите за клиентите на „АЛТА банка“ АД Битола.

НБРМ: Компаниите што редовно исплаќале плати преку „АЛТА банка“ АД Битола ќе можат да вршат исплата на плати и придонеси

Со најновата измена на Решението за администрација се овозможува исплата на плати, заедно со уплата на соодветните даноци и придонеси, за компаниите што во последните три месеци редовно исплаќале плати преку платежните сметки во Банката.

Оваа можност се однесува на компаниите за кои исплатата на плати преку „АЛТА банка“ АД Битола претставува воспоставена практика, односно кои континуирано ја користеле Банката за оваа намена и во трите месеци пред донесувањето на одлуката. Исто така, износот на средствата кои може да се користат од платежната сметка на фирмата во „АЛТА банка“ за исплата на платите може да биде повисок до 5% во однос на вкупниот износ на платите исплатени во октомври. На овој начин се овозможува продолжување на постојните текови на исплата и исполнување на обврските кон вработените и државата, а истовремено се задржува контролата врз одливите на средства од Банката.

Со измената се овозможува и физичките лица во целост да располагаат со новите приливи на своите сметки во „АЛТА банка“ АД Битола, доколку средствата доаѓаат од платежни сметки отворени кај други банки и даватели на платежни услуги. Тоа значи дека граѓаните можат без ограничување на износот да ги користат средствата коишто дополнително ќе им бидат уплатени врз оваа основа.

Народната банка внимателно ја следи состојбата во „АЛТА банка“ АД Битола и продолжува со приспособување на мерките, имајќи ги предвид условите за работење на Банката и потребите на нејзините клиенти. Притоа, приоритет остануваат заштитата на интересите на клиентите и постепеното олеснување на ограничувањата, со задржување на соодветната контрола врз одливите на средства.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Републиканците го блокираа импичментот на Пит Хегсет, демократите најавуваат нов

Републиканците во Претставничкиот дом на САД го блокираа обидот за импичмент на министерот за Одбрана Пит Хегсет.

Републиканците го блокираа импичментот на Пит Хегсет, демократите најавуваат нов

Со 211 гласа „за“ и 204 „против“ беше усвоен предлогот за упатување на осумте точки за импичмент до правосудниот комитет.Иницијативата ја поднесе републиканскиот конгресмен Томас Маси, но не доби поддршка од ниту еден друг републиканец.

Демократите го обвинуваат Хегсет за злоупотреба на функцијата и незаконско наредување воени операции во Иран и Јемен.Во обвиненијата се споменуваат и американските напади врз бродови на Карибите, како и заробувањето на венецуелскиот претседател Николас Мадуро. Хегсет ги отфрли обвинувањата, оценувајќи дека обидот за негов импичмент е политичка фарса.Тој ја бранеше воената политика на администрацијата на Доналд Трамп и тврдеше дека неговите наредби биле законски.

Трамп и потпретседателот Џ.Д. Венс јавно застанаа во одбрана на министерот.Демократите, кои по среднорочните избори ќе ја преземат контролата врз Конгресот, најавуваат дека ќе разговараат за нова иницијатива.

Незадоволството од војната во Иран беше и еден од факторите што влијаеја врз изборните резултати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер