Во март раст од 2,1 отсто на трошоците на живот и од 2,6 отсто на цените на мало на годишно нив

Трошоците на животот во март во однос на февруари годинава се зголемени за 0,5 отсто, а цените на мало за 0,6 отсто, додека во однос на март лани бележат зголемување од 2,1 отсто, односно од 2,6 %, објави денеска Државниот завод за статистика.

Пораст на трошоците на животот во март 2021 година, во споредба со претходниот месец, е забележан кај маслото и маснотиите за 3.5 отсто, свежото и разладеното овошје за 2.1 отсто, минералната вода, газираните пијалаци, соковите од овошје и зеленчук за еден процент, шеќерот, џемот, медот, чоколадата и кондиторските производи за 0.8 отсто, свежиот и разладениот зеленчук, освен компирите и другите коренести плодови за 0.4 отсто, месото и жестоките пијалци за 0.2 проценти.

Во март, исто така, пораст на индексите на трошоците на животот е регистриран и кај собирањето на отпадните води за 8.2 отсто, течните горива за домаќинствата за 7.4 отсто, фотографската и кинематографската опрема и оптичките инструменти за 6.8 проценти, горивата и мазивата за сопствените превозни средства за 5.8 отсто, информатичката опрема за обработка на податоците за 5.5 отсто, моторните возила за 3.0 отсто, гасот за домаќинствата за 2.3 отсто, малите електрични апарати за домаќинствата, фризерските салони и центрите за разубавување за седум отсто, снабдувањето со вода за 0.5 отсто, мебелот и покуќнината за 0.3 проценти, материјалите за одржување и поправки на станот, теписите и другите подни покривки, резервните делови и приборот за сопствените превозни средства, другите апарати и производи за лична хигиена за 0.2 проценти.

Намалување на трошоците на животот во март во однос на февруари е забележано кај рибата и морските плодови за 0.6 отсто и конзервираното овошје за 0.3 отсто. Исто така, намалување на трошоците на животот е регистрирано и кај медиумите за снимање за 0.9 отсто, опремата за прием, снимање и репродукција на звук и слики за 0.7 отсто, обувките за 0.5 отсто, домашните миленици и сродните производи за 0.4 отсто и облеката за 0.2 отсто.

Обновено: Пронајдена е исчезнатата жена од Скопје, сeмејството се заблагодарува

Пронајдена е исчезнатата жена од Скопје. Синот на Павлина им се заблагодарува на сите на помошта. 

Синот на Павлина им се заблагодарува на сите граѓани, а особено на полицајците од полициската станица Пролет, кои помогнале во пронаоѓањето на неговата мајка.

Јутјубер се расфрла со милиони по победата во боксерски меч (ВИДЕО)

Јутјуберот Џејк Пол објави нова фотографија на својот Инстаграм профил откако го доби третиот боксерски меч.

„1,5 милиони платени прегледи на натпреварите, собрани 75 милиони долари“, напиша тој во објавата покрај фотографијата на која позира со банкноти расфрлани низ тревникот.

24-годишната YouTube ѕвезда неодамна се фрли во боксерските води кревајќи голема прашина. Додека едни веруваат дека тој има место меѓу професионалните боксери, други веруваат дека за Пол тоа е само шоу, глуми и собира пари и дека неговата боксерска кариера ќе заврши штом влезе во ринг со професионален боксер.

Ќерката на Алек Болдвин и Ким Бесинџер се пофали со новата тетоважа на задникот (ФОТО)

Ирланд Болдвин ја покажа новата тетоважа на задникот, позирајќи во бикини.

25-годишната ќерка на Алек Болдвин и Ким Бесинџер се пофали на Инстаграм со новата тетоважа. „Ставив нова тетоважа затоа што сум импулсивна“, напиша таа покрај фотографијата во костим за капење, за која од вчера доби повеќе од 18.000 лајкови.

Тетоважите не и ’се туѓи на младата манекенка и актерка, со оглед на тоа што на рацете има разни дизајни. Уште во 2015 година, на нејзиниот зглоб и беше истетовиран зборот Écureuil (верверица на француски јазик), што е наводно прекарот што и го дал нејзиниот славен татко.

Ирланд исто така не се срами да го покаже своето тело, а во неколку наврати дури и Алек Болдвин реагирал на социјалните мрежи за тоа.

притисни ентер