Во Лондон се продава куќа, широка само 2 метри- цената е 1,2 милиони фунти - Канал 5

Бизарно

Во Лондон се продава куќа, широка само 2 метри- цената е 1,2 милиони фунти

На лондонскиот пазар на недвижности се појави необичен парадокс – една од најтесните куќи во светот се продава за дури 1,2 милиони фунти, иако е широка само околу два метра.

Во Лондон се продава куќа, широка само 2 метри- цената е 1,2 милиони фунти

Куќата се наоѓа на улицата Пил, во престижниот кварт Кенсингтон, и на прв поглед повеќе личи на архитектонски куриозитет отколку на класичен дом. Сепак, цената покажува дека тука не се плаќа за квадратурата, туку за локацијата и престижот, пренесе Блиц.

Однадвор, изгледа како тесна „лента“ помеѓу поголеми згради, но ентериерот е изненадувачки функционален. Куќата има две спални соби, две бањи, кујна со трпезарија, дневна соба и приватна тераса.

Влезот води директно до кујната и трпезаријата, каде што е искористен секој сантиметар од просторот. На приземјето има и една спална соба со бања, додека горниот кат е резервиран за дневна соба со камин.

Иако просторот е ограничен, распоредот е внимателно осмислен – има доволно простор за основен мебел, но без луксузи како што се големи отворени простори или дополнителни простори за релаксација.

Терасата остава посебен впечаток, давајќи чувство на дополнителен простор и е една од највредните точки на куќата.

Зградата е изградена во 1930-тите и реновирана во 1950-тите, додека во последните десет години е дополнително адаптирана за да се искористи максимално секој дел од просторот.

Овој необичен имот во Лондон покажува дека на лондонскиот пазар, вредноста не се одредува според големината, туку според локацијата - и дека дури и „куќа од два метра“ може да вреди богатство.

Тагови: куќа Лондон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Вечерва, 3 октомври, со почеток во 20 часот, во кафе „Тигре“ во Битола ќе се одржи уметничкиот настан „Одраз“, на кој за првпат пред македонската публика ќе бидат претставени сликарски дела на македонската скулпторка и сликарка Наташа Божарова.</

„Одраз“ вечерва во Битола: Делата на Наташа Божарова првпат пред македонската публика, музички перформанс на Нико Ѓоргиевски од „Мизар“

Покрај сликарските дела, публиката ќе има можност да види и дел од скулптурите на Божарова, чиј скулпторски опус во најголем дел се наоѓа во Италија, додека дел од нејзините дела се наоѓаат во Македонија.

„Одраз“ ќе биде надополнет со музички перформанс на битолчанецот Нико Ѓоргиевски, македонски тенор и вокал на рок-бендот „Мизар“.

Ѓоргиевски ќе изведе интерпретации на дела од светската андерграунд музичка сцена кои влијаеле врз неговиот уметнички развој и музички израз.

Настанот ги обединува сликарството, скулптурата и музиката преку творештвото и уметничките влијанија што го обликувале патот на Наташа Божарова и Нико Ѓоргиевски.

„Одраз“

Вечерва, 3 октомври, во 20:00 часот

Кафе „Тигре“, Битола

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Рама: „Европската Унија ја лаже Украина“

Албанскиот премиер Еди Рама остро го критикуваше пристапот на ЕУ кон преговорите за пристапување на Украина во интервју за германскиот „Велт“.

Рама: „Европската Унија ја лаже Украина“

Рама зборуваше за процесот на пристапување на Западен Балкан. Тој истакна дека од Источна Германија не се барало да ги исполни барањата од сите 33 преговарачки поглавја во 1989 година.

Рама рече дека ЕУ веројатно ќе бара уште поголеми напори од земјите од Западен Балкан, но дека тие сепак сакаат да бидат нејзин дел.

„Украина е земја која е измамена“, рече Рама.

Рама додаде дека Украина никогаш нема да биде примена преку стандардниот процес на пристапување, со исполнување на сите критериуми, и дека сите се свесни за ова.

Тој рече дека реално решение би било Украина веднаш да се приклучи на преговорите и да добие полноправно членство врз основа на заслуги.

Тагови: Еди Рама

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

31-година од атентатот врз претседателот Глигоров, се уште нема разврска

Поминаа 31-година од атентатот со автомобил-бомба врз претседателот Киро Глигоров.

31-година од атентатот врз претседателот Глигоров, се уште нема разврска

На 3 октомври беше извршен атентат врз првиот претседател на Македонија, Киро Глигоров, кој со тешки повреди на главата ,го преживеа напaдот.

На местото на атентатот загина неговиот возач Александар Спировски, а беше повреден телохранителот на глигоров, Илчо Теовски. Како последица од повредите почина и случајниот минувач Христо Христоманов.

Истрагата утврди дека атентатот врз македонскиот претседател, бил добро подготвен и организиран. Остана непознато кој стоел зад атентатот, а истражната постапка која се води против непознат сторител се уште е отворена. Нападот беше извршен со автомобил-бомба во 1995 година во 9:50 часот на улицата „Македонија“ пред хотелот „Бристол“ во Скопје кога Глигоров со службено возило се движеше од неговата резиденција на работното место во Собранието. Киро Глигоров почина од природна смрт на 94 годишна возраст на 1 јануари 2012 година.

Тагови: Киро Глигоров

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер