Во лабораторија е создаден вештачки живот, расте и се дели како бактерија - Канал 5

Технологија

Во лабораторија е создаден вештачки живот, расте и се дели како бактерија

Вештачките клетки, формирани со комбинирање на компоненти на микоплазма со хемиски синтетизиран геном можат да растат и да се делат на клетки со слична форма и големина, исто како што прават повеќето бактериски клетки.

Во лабораторија е создаден вештачки живот, расте и се дели како бактерија

Биотехнологот Крег Вентер и неговите колеги од институтот во Сан Диего во 2016 година објавија дека создале синтетички „минимални“ клетки. Геномот во секоја клетка содржел само 473 гени за кои се сметало дека се клучни за животот. Овие клетки биле именувани како JCVI-syn3.0 и може да растат и да се делат на агар (хранлива подлога) и да формираат клеточни колонии.

Но, кога повнимателно ги анализирале вештачките клетки, Вентер и неговите колеги забележале дека тие не се делат подеднакво и рамномерно и не создаваат идентични „клетки потомци“ како што прават бактериите што природно се појавуваат. Наместо тоа, тие произвеле потомство со бизарни форми и големини, пишува New Scientist.

"JCVI-syn3.0 клетките ги исфрлија сите делови од геномот за кои сметаа дека не се важни за раст. Но, нивната идеја за она што е потребно за раст е во корист на создавање на убави колонии кои растат на хранлив медиум, а не создавање клетки што растат и се делат на познат начин “, рече молекуларниот биолог Елизабет Стричалски од Националниот технолошки институт на САД.

Стричалски и нејзините колеги вовеле други гени во синтетичките клетки, а потоа следеле како тие влијаат на растот на клетките. Тие забележале седум гени кои влијаеле на клетките да се поделат на вообичаен начин.

Кога ги додале овие гени на JCVI-syn3.0, забележале дека овие клетки сега имаат вообичаена поделба и раст.

"Минималната клетка има многу гени чии функции се непознати. Иако не знаеме точно што прават, тие се неопходни за да може клетката да живее. Во основа, ова е многу возбудлива област за идно истражување", смета Стричалски

„Ова истражување е неверојатно важно за да разбереме како функционира животот и кои гени се потребни за функционално управување со клетките“, рече биотехнологот Дру Енди од Универзитетот Стенфорд.

Студијата наречена Genetic requirements for cell division in a genomically minimal cell е објавена во списанието Cell.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Помалку часовник, повеќе уметничко дело: Глечерите на Алјаска во вашите раце (ФОТО)

Францускиот луксузен бренд „Louis Vuitton“ претстави уникатен џебен часовник инспириран од глечерот Марџери во Алјаска.

Помалку часовник, повеќе уметничко дело: Глечерите на Алјаска во вашите раце (ФОТО)

Часовникот е направен како уникатно уметничко дело и нема да биде достапен за продажба. Наменет е исклучиво за одбрани колекционери кои нарачуваат вакви модели директно од производителот.

Дизајнот е инспириран од ледените пејзажи и дивиот свет на Националниот парк „Glacier Bay“. Бројчаникот содржи подвижни елементи во форма на пингвини, орки и китови, заедно со препознатливите куфери „Louis Vuitton“ кои дополнително го нагласуваат уметничкиот карактер на часовникот.

Компанијата нагласува дека ова е сосема уникатен примерок, направен само во еден примерок, поради што е повеќе колекционерско уметничко дело отколку класичен луксузен часовник.

Извор:Б92

Тагови: часовник

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русите потврдуваат: Имаме застрашувачко оружје

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти.

Русите потврдуваат: Имаме застрашувачко оружје

Нападите извршени од руските сили на 11 јули со оружје со долг дострел и висока прецизност врз воено-индустриските објекти во Киев ја потврдија способноста на руските вооружени сили сигурно да погодат какви било цели во Украина, соопшти руското Министерство за одбрана.

„Денешните успешни напади врз два објекти од воено-индустрискиот комплекс во Киев и инфраструктурата на морските пристаништа Одеса, Чорноморск и Измаил во регионот Одеса ја потврдија способноста на руските вооружени сили сигурно да погодат какви било цели низ цела Украина“, се вели во соопштението, според ТАСС.

Се вели дека анализата на употребата на оружје со висока прецизност од страна на руските вооружени сили ја потврдила способноста сигурно да ги пробијат системите за воздушна и ракетна одбрана „што му ги обезбедиле на Зеленски неговите западни спонзори“.

„Групни напади со прецизно оружје се извршуваат со висока ефикасност против украинските пристанишни објекти, како и разни бродови што испорачуваат оружје и воена опрема на режимот на Зеленски“, нагласи министерството.

Најмалку 11 лица, вклучувајќи и едно дете, беа повредени во ракетен напад врз Киев во текот на ноќта, соопштија украинските власти претходно денес.

Според началникот на Воената администрација на градот Киев, Тимур Ткаченко, и градските власти, пријавени се штети во неколку делови од градот.

Тагови: оружје русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пожар во сендвичара во Центар (ВИДЕО)

Пожар избувнал вечерва во сендвичарата Бејкинг Бред во центарот на Скопје.

Пожар во сендвичара во Центар (ВИДЕО)

На местото на настанот интервенирале екипите на противпожарната бригада и МВР.

Се уште не е познато како настанал пожарот.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер