Во Кривичен продолжува судењето против таткото на Васил Јованов - Канал 5

Македонија

Во Кривичен продолжува судењето против таткото на Васил Јованов

Претходното рочиште беше одложено поради отсуство на обвинетиот.

Во Кривичен продолжува судењето против таткото на Васил Јованов

Судењето против Зоран Јованов, татко на Васил Јованов, кој во јануари годинава, управувајќи автомобил без возачка дозвола и под дејство на алкохол, удри во пешакот Фросина Кулакова која почина на самото место, продолжува денеска пред Основниот кривичен суд во Скопје.

Јованов се гони за „загрозување на безбедноста на сообраќајот со опасно дејствие или средства“ откако обвинителството на изминатото рочиште врз основа на новоприбавени докази го измени обвинителниот предлог кој првично беше „предизвикување општа опасност“.

Претходното рочиште беше одложено поради отсуство на обвинетиот, за кого судот констатираше дека бил неуредно повикан. Судијката Снежана Марковска информираше дека е испратено барање до МВР за ажурирани адресни податоци и за уредна достава на поканата.

Покрај обвинетиот, на рочиштето не се појавија ниту неговиот адвокат Сашо Дуковски, ниту сведокот Софија Черепналковска, која, според информација од нејзиниот татко, се наоѓала во странство.

Судот тогаш донесе одлука за повторно испраќање на покани до обвинетиот и неговиот бранител, заедно со изменетиот обвинителен предлог.

Тагови: Васил Јованов

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Времето истекува за Нина – без итна помош може да биде предоцна

Нина е дете кое секој ден го живее во болка. Нејзината состојба поради болеста се влошува, телото слабее, а ризикот од неповратни последици расте.

Времето истекува за Нина – без итна помош може да биде предоцна

Лекарите се јасни – нема време за чекање.

Постои шанса за лекување во САД што може да ѝ го промени животот, но без потребните средства, таа шанса исчезнува.

Потребни се најмалку 100.000 евра, а значителен дел од сумата сè уште недостасува.

Ова не е обичен апел.

Ова е трка со времето.

Да помогнеме едно мало дете да порасне. Да ѝ дадеме право на живот без болка.

Медиуми, јавност – Ве молиме објавете и споделете.

Секој ден доцнење значи помала шанса за Нина.

Да не дозволиме болката да победи.

Да не дозволиме да биде доцна.

Благодариме на сите кои ќе придонесат за спас на нашата НИНА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Работници при ископ на канализациска цевка во Белгија, пронашле злато вредно 9 милиони евра.

Белгиската полиција ги повика трагачите по богатство да се држат настрана од градилиштето северозападно од Брисел, каде што работниците оваа недела открија златни монети и златни прачки во вредност од 9 милиони евра. 

Работници при ископ на канализациска цевка во Белгија, пронашле злато вредно 9 милиони евра.

Богатството е пронајдено пред четири дена за време на реновирањето на објект во градот Дендермонде, во Источна Фландрија. Полицијата соопшти дека работниците ги повикале откако откриле „големо количество злато“.

Тие објавија фотографии на својата Фејсбук-страница на кои се гледаат околу 50 прачки и куп златни монети. Белгиските медиуми објавија дека богатството, проценето на 9 милиони евра, било пронајдено во ѕидовите на подрумот за време на реновирањето на куќа во сопственост на локалната хуманитарна организација „CAW Источна Фландрија“.

Градежен работник, со кого разговараше фламанскиот јавен сервис VRT, изјави дека првичната реакција на работниците била неверување и вчудоневиденост. „Наидовме на тоа додека копавме за канализациска цевка“, објасни човекот, кој беше претставен само како Кобе. „Секако дека не очекувавме да најдеме злато“, додаде тој.

Тагови: злато

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУ: Контролите од мобилна Царина на Охридско езеро со позитивен ефект

Контролите од мобилна Царина на Охридско езеро со позитивен ефект – евидентирана зголемена наплата на давачки за пловила внесени со привремен увоз .

ЦУ: Контролите од мобилна Царина на Охридско езеро со позитивен ефект

Одделението за оперативни работи во координирана акција со МВР изврши контрола врз 38 пловни објекти на Охридското езеро. Извршени се проверки на статусот на пловилата и лицата кои ги управуваат, а согласно Царинскиот закон, Законот за внатрешна пловидба и останатите регулативи со кои е регулиран увозот, прометот и управувањето на пловните објекти.

„Во изминатиот период се забележува зголемена активност на платени увозни давачки за пловни објекти кои биле внесени со привремен увоз, што укажува дека контролите даваат ефект“, вели управникот на Царинарница Битола, Ѓоко Трпоски.

Целта на царинските контроли е проверка на царинскиот статус на пловните објекти кои се внесени во државата, особено на пловилата регулирани со привремен увоз кои согласно царинските прописи можат да се употребуваат во државата, согласно законски утврдениот рок, по што доколку не извршат повторен извоз и не ја напуштат државата треба да го регулираат правниот статус и пловилото увозно да го оцаринат.

Началникот на Одделението за оперативни работи, Душан Размовски, потенцира дека мобилните тимови ќе продолжат со зајакнати контроли, при што секое непочитување на законските одредби ќе резултира со соодветни прекршочни санкции, вклучувајќи и одземање на пловниот објект.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер