Во Крива Паланка утре ќе пристигнат околу 800 Французи во рамки на „Еуроп раид 2019" - Канал 5

Автомобилизам

Во Крива Паланка утре ќе пристигнат околу 800 Французи во рамки на „Еуроп раид 2019"

Во Крива Паланка утре се очекува да пристигнат околу 800 француски државјани кои со 260 автомобили „Пежо 205" патуваат низ Европа во караванот наречен „Еуроп раид".

Во Крива Паланка утре ќе пристигнат околу 800 Французи во рамки на „Еуроп раид 2019"

Караванот возила шеста година по ред обиколува дел од Европа, минувајќи 20 држави за 23 дена, изминувајќи околу 10.000 километри.

Годинашната рута на "Еуроп раид" започна на 27 јули и ќе трае до 17 август, а учесниците ќе донираат 17,5 тона училишни материјали и прибор во школите на Босна и Херцеговина, Албанија, Бугарија и Македонија.

Крива Паланка е одбрана за посета и донација на околу 100-тина килограми училишен материјал како град познат по своите активности во областа на Франкофонијата.

-Општина Крива Паланка е подготвена за прием на посетителите од Франција, кои се очекува да пристигнат утре, 8 август. Најпрвин ќе присуствуваат на франкофонскиот музички хепенинг закажан за 16 часот, во дворот на основното училиште „Јоаким Крчовски", а во 20 часот гостите ќе проследат културно-уметничката програма на градскиот стадион каде ќе се стационираат и ќе кампуваат во текот на ноќта. Во рамките на овој настан посета на Крива Паланка ќе оствари францускиот амбасадор во Македонија, Кристијан Тимоние, кој ќе оствари средба со градоначалникот на Крива Паланка, Борјанчо Мицевски, информираат од општината.

„Еуроп раид" се организира по шести пат, со мисија во духот на човечката солидарност, да им помогне на деца кои немаат пристап до училиште или живеат во неповолни услови, донирајќи по најмалку 100 килограми училишна или спортска опрема во државите низ кои минува. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Бизарно

Реновирала куќа, стара 200 години и се шокирала од она што го пронашла над каминот (ВИДЕО)

Додека ја реновирала својата куќа од 1829 година, Клое Кемпстер немала поим дека зад еден дел од ѕидот се наоѓа сцена што била целосно скриена со децении.

Реновирала куќа, стара 200 години и се шокирала од она што го пронашла над каминот (ВИДЕО)

Таа ја купила старата куќа на границата на англиските окрузи Лестершир и Нортхемптоншир, во селото Котингем, која некогаш била пекара.

Изненадување зад гипс-картонот

Клое го документирала процесот на реновирање, а потоа следело неверојатно изненадување.

Зад гипс-картонот, таа пронашла голем мурал што прикажува идилична сцена од руралниот живот.

Во објавеното видео, го гледаме сопственичката како внимателно ја отстранува белата табла над каминот и го открива зачуваниот мурал, објавува „Мирор“.

Сцената наликува на лов

Таа прикажува пејзаж од природата, со двајца луѓе во црвени палта кои јаваат коњи.

Околу нив се неколку кучиња, а целата сцена наликува на лов на лисици, некогаш карактеристичен дел од животот во англиската природа.

„Не можевме да им веруваме на нашите очи кога го откривме неверојатниот мурал, датиран во 1967 година“, напиша Клое.

„Колку е ова убаво“

Објавата го привлече вниманието на корисниците на социјалните мрежи. Многумина беа воодушевени што муралот беше зачуван по сите овие години.

„Колку е убаво ова! И колку е убаво што беше безбедно покриен, што не беше уништен кога претходниот сопственик сакаше промена“, напиша едно лице.

„Ова е неверојатно! Јас само би ставил рамка врз него и би завршил со тоа“, додаде друго лице.

Тагови: камин куќа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Буданов се огласи за преговорите со Русија- откри кога ќе продолжат

Шефот на канцеларијата на украинската претседателска администрација, Кирил Буданов, изрази надеж дека мировните преговори со Русија, со посредство на САД, би можеле да бидат обновени до крајот на септември.

Буданов се огласи за преговорите со Русија- откри кога ќе продолжат

Шефот на канцеларијата на украинската претседателска администрација, Кирил Буданов, изрази надеж дека мировните преговори со Русија, со посредство на САД, би можеле да бидат обновени до крајот на септември, но оцени дека условите за прекин на огнот веројатно нема да бидат исполнети пред пролетта 2027 година.

Буданов во интервју за „Њујорк тајмс“ изјави дека се очекува процесот на преговори да продолжи по септемвриските парламентарни избори во Русија и неколку недели пред изборите за Конгресот на САД, кои ќе се одржат во ноември.

Шефот на украинската претседателска администрација изјави дека почетокот на нова рунда преговори би можел да биде означен со посетата на Киев на специјалните претставници на американскиот претседател Доналд Трамп, Стив Виткоф и Џаред Кушнер.

Буданов, сепак, нагласи дека иако преговорите би можеле да бидат обновени уште овој месец, „условите за прекин на огнот веројатно нема да бидат создадени до пролет“.

„Преговорите ќе доведат до нешто порано или подоцна. Не можете да водите војна цел живот“, рече Буданов.

Украинскиот претседател Володимир Зеленски претходно изјави дека Киев изнесе нови предлози во врска со мировниот процес и ги повика САД поактивно да се вклучат во неговото спроведување. Зеленски повторно ја отфрли можноста за територијални отстапки кон Русија во регионот Донбас.

На 3 септември, тој рече дека веќе се одредени прелиминарни датуми за посетите на Виткоф и Кушнер на Украина, додавајќи дека американските претставници треба да ја посетат и Русија.

Тагови: Буданов русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Морска пијавица направи хаос на плажа: Летаат лежалки, туристите багаат (ВИДЕО)

Моменти на страв беа забележани утрово во Скила, Италија, каде што морска пијавица, формирана на отворено море на Месинскиот теснец, стигна до брегот и зафати дел од плажата Марина Гранде.

Морска пијавица направи хаос на плажа: Летаат лежалки, туристите багаат (ВИДЕО)

Вртлогот, јасно видлив од брегот, брзо се приближи кон копното сè додека не стигна до самиот брег. Силата на ветерот крена и фрли чадори, лежалки и друга опрема за плажа во воздух, додека капачите и туристите се оддалечија од подрачјето погодено од овој феномен.

Морската пијавица потоа брзо го изгуби својот интензитет и се распрсна.

И покрај драматичните моменти, не се пријавени повредени или последици за луѓето, додека е регистрирана штета на опремата што се наоѓаше на плажата.

Погледнете како изгледаше:

Тагови: пијавица плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер