Во Кина, поради пандемијата, клучевите од новите автомобили се испорачуваат со дрон (ВИДЕО)

Социјалната дистанца е еден од најважните методи во борбата против ширењето на коронавирусот , а тоа многу сериозно го сфатија во Кина.

Додека овој вид живот ги комплицира некои работи што претходно ги земавме здраво за готово, сепак е можно. Точно, потребно е малку имагинација и знаење, а кога станува збор за продажба на автомобили, тука е најдобро она што го работи кинескиот гигант Гели.

Гели го претстави својот модел Icon преку социјалните мрежи, а потоа започна продажба во моментот на најголемото ширење на коронавирусот во кинеските региони. Воведувањето на онлајн продажба и испорака се испалтеше - 30 000 примероци се нарачани.

Се разбира, добриот маркетинг не застана тука, па тие воведоа систем за вентилација што не дозволува загадувањето од воздухот да навлезе во кабината. N95 сертифицираниот систем за прочистување на воздухот (IAPS) блокира најмалку 95% од многу мали (0,3 микрони) честички, а со тоа и во одреден дел и од коронавирусот.

И бидејќи производството во кинеските фабрики за автомобили е во голема мерка автоматизирано, не претрпе занчителна штета и покрај карантинот. Автоматизацијата и вештачката интелигенција овозможија производството да продолжи со минимален ангажман на луѓето.

И, конечно, испораката на автомобилите. Geely Icon се испорачува пред влезот на купувачот, целосно се дезинфицира, а клучот на сопственикот ќе му го достави од дрон.

Досега 110.000 корисници изразија интерес за овој вид испорака на автомобили, а 10.000 од нив веќе ја платиле и ја одобриле испораката.

Случајот со 24-годишната девојка од Јагуновце ,која почина на Инфективната клиника, „под лупа“ на ДСЗИ

Случајот со младата 24-годишна девојка од тетовско Јагуновце што почина на Инфективната клиника „под лупа“ на Државниот санитарен и здравствен инспекторат. 

Инспекторите ќе ја чешлаат документацијата, минувајќи ја „патеката на лекување“, па од матичниот лекар, преку болницата во Тетово до Инфективната Клиника, ќе утврдуваат дали лекарите постапувале соодветно, велат од ДСЗИ за Канал 5.

Со оваа истрага ќе биде познато како се однесувале лекарите, но официјалната причина за смртта останува непозната, оти обдукција никој не побарал. Од Институтот за судска медицина за Канал 5 потврдија оти до нив никој не упатил вакво барање.

Доколку не се направи исклучок за ваков специфичен случај, нема да има официјален извештај што дирекно ќе одговори на прашањето од што точно почина младата девојка која претходно не била хронично болна, а чија 18-дневна битка со вирусот, заврши фатално.

Од Инфективната клиника во телефонски разговор за Канал 5 велат дека се уште се во шок од трагичниот исход и уверуваат дека постапиле соодветно, односно дале се од себе за да го спасат животот на девојката.

Според првичните појаснувања на лекарите, кај девојката на почетокот се појавиле симтоми специфични за КОВИД 19, а по препорака на матичниот лекар четири дена примала инфузија. Поради тоа што немало подобрување девојката била хоспитализирана во општата болница во Тетово, каде што е потврдено дека е ковид позитивна. Таму лежела два дена, а поради тешкото дишење била пренесена на Инфективна во Скопје, каде завршила на кислородна поддршка.

Според лекарите од Инфективна, во текот на лекувањето се забележало извесно подобрување, но тоа траело кратко, по што следело повторно влошување на сотојбата со знаци за срцева слабост и белодробна тромбоемболија. На 12-тиот ден од хоспитализацијата во Инфективна, згаснува животот на 24-годишната девојка.

Гласаат 716 лица со Ковид-19 и во самоизолација, утре 8.852 болни и немоќни

Започна тридневното гласање за десетите  по ред парламентарни избори кое ќе финишира во среда...

Први кои денеска го остваруваат своето право на глас се болните од Ковид-19 и граѓаните што се наоѓаат во самоизолација...

Пред седиштето на Државната изборна комисија е Тамара Стојкова.

СЗО: Нов дневен рекорд на заразени со коронавирусот во светот

Во светот во последните 24 часа се регистрирани над 230.000 ново заразени со коронавирусот, што е нов дневен рекорд

Земјите од Балканот никако да ги стабилизираат новите високи бројки на новозаразени со коронавирусот. Здравствените власти во соседна Албанија потврдија 117 новозаразени, што прв троцифрен број на инфицирани за 24 часа. Ова го запали црвеното светло во институциите, а владата во Тирана поради стравот од голем наплив на пациенти донесе итна одлука повторно да ја адаптира болницата „Шефќет Ндроќи“ во Ковид центар.

За време на последните 24 часа, беа направени 585 тестови на лица кои беа суспектни дека се инфицирани од Ковид-19, од кои 117 се потврдени дека се позитивни, зголемувајќи го бројот од почетокот на пандемијата 3571 случај.

Србија која изминативе денови се справува со антивладините протести, се соочува и со понатамошно зголемување на заразените со коронавирусот. Здравствените власти објавија дека вчера се регистрирани нови 287 заразени, а дополнително загрижува и состојбата со болничките капацитети кои се речиси исполнети, а се најавува и адаптација на нови ковид центри. Епидемиолозите предупредуваат дека Србија набрзо не може да очекува стабилизирање на ситуацијата, односно се најавува дуплирање на бројот заразени.

Нови случаи во регинот се регистрараа и во Хрватска и Словенија, а ситуацијата се влошува и на глобално ниво... Во последните 24 часа во светот се регистрирани преку 230.000 новозаразени, што е воедно и нов црн рекорд. На врвот листата и понатаму се наоѓаат САД, а во рекордерите на денот за прв пат се најде Флорида, која изминатово деноноќие потврди 15.000 нови случаи.

Болниците речиси го исполнија капацитетот, имаме околу 19 илјади пациенти со полесна клиничка слика, четиристотини на интензивна, двесте на вентилатори. Очигледно е дека сме преоптеретени во овој момент, што има влијание и врз пациентите кои не се заразени, а за кои треба да се погрижиме.

Доза оптимизам донесоа научниците од Оксфорд кои пред неколку недели објавија дека ја започнале третата и конечна фаза од тестирањето на нивната вакцина против ковид 19, соопштија дека таа ќе прилично евтина, ќе чини колку едно еспресо, односно неколку евра. Светло на крајот на тунелот влева информацијата дека истата ќе биде достапна веќе во септември, а први кои би се вакцинирале се медицинскиот персонал, полицијата и армијата.

притисни ентер