Во Италија пронајдени 24 совршено зачувани бронзени статуи, стари 2.300 години (ВИДЕО) - Канал 5

Во Италија пронајдени 24 совршено зачувани бронзени статуи, стари 2.300 години (ВИДЕО)

Италијански археолози во Тоскана откопаа 24 прекрасно сочувани бронзени статуи за кои се верува дека датираат од античко римско време.

Во Италија пронајдени 24 совршено зачувани бронзени статуи, стари 2.300 години (ВИДЕО)

Статуите се откриени под урнатините од кал на античка бања во Сан Касијано деи Бањи, град на врвот на ридот во провинцијата Сиена, околу 100 милји северно од Рим. Тие ги прикажуваат Хигеја, Аполон и други грчко-римски богови, а се проценува дека се стари околу 2300 години.

Повеќето од статуите, кои биле пронајдени под бањите заедно со околу 6.000 бронзени, сребрени и златни монети, датираат од 2 век п.н.е. и 1 век од нашата ера. Во тој период областа преминала од етрурско во римско владеење. Еден експерт изјавил дека откритието би можело да ја „преработи историјата“, пишува Би-Би-Си.

Археологот Јакопо Таболи, доцент на Универзитетот за странски граѓани во Сиена, смета дека статуите биле потопени во термални води за време на еден вид ритуал.

„Им ги давате на водата затоа што се надевате дека водата ќе ви врати нешто“, рече тој.

Статуите, зачувани од водата, ќе бидат пренесени во реставраторски центар во блиското место Гросето, пред на крајот да бидат изложени во новиот музеј во Сан Касијано.

Масимо Осана, генерален директор на италијанските државни музеи, рече дека откритието е „секако едно од најзначајните откритија на бронзени дела што некогаш биле пронајдени во историјата на античкиот Медитеран“.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СДСМ: Тепачот на Сара, насилникот од Охрид бил пуштен на слобода поради врски со ВМРО-ОКГ

Вчера во Охрид се случи уште еден грозоморен чин на брутално насилство врз млада девојка. Сара. Безмилосно е претепана, фрлена на улица и оставена да умре. Сторителот е син на високи вмровски функционери.

СДСМ: Тепачот на Сара, насилникот од Охрид бил пуштен на слобода поради врски со ВМРО-ОКГ

Вчера во Охрид се случи уште еден грозоморен чин на брутално насилство врз млада девојка. Сара. Безмилосно е претепана, фрлена на улица и оставена да умре. Сторителот е син на високи вмровски функционери.

За среќа, девојката преживеала.

Потресно е сведоштво на мајката на Сара, која се наоѓа во болница.

Изразуваме целосна поддршка и солидарност со Сара и целото нејзиното семејство. Таа заслужува заштита, мир и услови за закрепнување. Не страв дека повторно ќе биде нападната.

Според јавното сведоштво на мајката, осомничениот бил пуштен на слобода, додека нејзината ќерка стравува за сопствената безбедност.

Имало обиди за прикривање на случајот и влијание врз медицинската документација.

Само затоа што насилникот е син на Љубинка Корабоска, поранешна претседателка на Државната комисија за спречување на корупцијата (ДКСК), предложена на таа функција од ВМРО-ДПМНЕ, и на Гоце Корабоски, инспектор во УЈП, за кого се зборува дека има блиски релации со Мицкоски.

Ова е последица заштитата којашто Панче Тошковски им ја овозможува на криминалците на власт, неказинивоста, контролата над судството и обвинителството и партизацијата на системот од страна на ВМРО.

Телохранител на Мицкоски кој ја тепаше сопругата па беше ослободен, во Богданци млада девојка беше жива запалена, за 5 тони дрога нема одговорност, Симо наместо во затвор е пуштен за гласови, во Куманово сериски убиец, секој ден жртви на насилство.

Нема пари за електронски алки а има за Гета од 5,53 милиони евра.

Неказнивоста ги охрабрува насилниците. Пропустите на МВР и штитењето на криминалот имаат фатални последици.

Затоа бараме веднаш да се утврдат сите пропусти, влијанија и обиди за заштита на осомничениот насилник.

Бараме одговорност од сите и нивно разрешување од позииите. Бараме итна и ефективна заштита на Сара.

Како жени, нема да молчиме туку силно ќе се спротиставиме.

Нема да прифатиме жените во Македонија да живеат во страв, а насилниците да се чувствуваат недопирливи само затоа што се блики до ВМРО.

Пред нас е борба со мафијата – против злоупотребите на ВМРО, против злоупотреба на моќта, врските и притисоците, против неказнивоста.

Бандата ќе одговара.

Прес конференција на Форумот на жени на СДСМ, Кети Штерјова

YouTube video

Скопје, 16.11.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Одделот за внатрешна контрола на Министерството за внатрешни работи ги испитува околностите под кои битолчанецот приведен за физичко и психичко насилство врз 21-годишната партнерка, избегал низ прозорец од СВР Битола и веќе пет дена е во бегство.

Внатрешна контрола на МВР испитува како од СВР Битола избега приведен насилник, кој веќе пет дена е во бегство

Девојката на 10 ноември пријавила дека била физички нападната од партнерот, кој ја давел и ја удирал, по што побарала лекарска помош.

По пријавата, насилникот дошол во СВР Битола во придружба на родител, но, кога му било соопштено дека ќе биде задржан, скокнал низ прозорецот и избегал од полициската станица.

Бидејќи пријавениот сè уште не е пронајден, девојката е сместена во шелтер-центар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

СВР Битола го лиши од слобода лицето пријавено за семејно насилство

Денеска полициски службеници од СВР Битола, во координација со бранителот на лицето К.У.(24) и Основното јавно обвинителство Битола, презедоа мерки лицето доброволно да се предаде во СВР Битола.

СВР Битола го лиши од слобода лицето пријавено за семејно насилство

Денеска во 12:00 часот, К.У. доброволно се предал и е лишен од слобода. Со него се врши службен разговор од страна на инспектори од криминалистичката полиција при СВР Битола.

Против него, на 11.11.2026 година, е поднесена кривична пријава поради постоење основи на сомнение за сторени кривични дела „Загрозување при семејно насилство“ по член 144 став 3 и „Телесна повреда при семејно насилство“ по член 130 став 2 од Кривичниот законик.

Се преземаат понатамошни мерки и активности во координација со надлежното Основно јавно обвинителство Битола.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер