Во ирански напад е погодена израелска рафинерија (ВИДЕО) - Канал 5

Свет

Во ирански напад е погодена израелска рафинерија (ВИДЕО)

Рафинерија за нафта во Хаифа беше оштетена попладнево од шрапнели од серија ирански ракетни напади што активираа сирени низ целиот Израел.

Во ирански напад е погодена израелска рафинерија (ВИДЕО)

Во серијата напади што започнаа во среда загинаа неколку лица, вклучувајќи двајца израелски цивили, три палестински жени и еден странски работник, објави „Џерусалим пост“.

Екипи за итна медицинска помош на „Маген Давид Адом“ беа испратени во рафинеријата, но немаше извештаи за повредени. Претходно во текот на денот, полицијата и медицинскиот персонал истражуваа неколку локации каде што паднале ракети по нападите во централен Израел, каде што исто така немаше повредени.

Сирените се огласија три пати во еден час во северен Израел пред 6 часот наутро во четврток, како одговор на нападите што ги започнаа Иран и либанскиот Хезболах. Службите за итни случаи соопштија дека нема повредени или поголеми штети во нападите.

Уште загинати во нападите

Во среда вечерта, странски работник на возраст од 20 години почина во израелскиот регион Шарон откако шрапнели од иранска ракета го погодија во главата, објави „Маген Давид Адом“. Во истиот бран напади, шрапнели оштетија и станбена зграда во Тел Авив, но никој не беше повреден.

Претходно, според Црвената полумесечина, три палестински жени беа убиени во ирански ракетен напад во близина на Хеброн на Западниот Брег. Палестинските медиуми објавија дека уште тринаесет лица се повредени, од кои едно потешко.

Израелската војска соопшти дека се верува дека ударот е предизвикан од касетна муниција - боева глава што се распаѓа во многу помали бомби што се расфрлаат низ поширока област. Шрапнели паднале на други локации во централен Израел и оштетиле едно возило.

Тагови: напад рафинерија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, нема подолги задржувања за влез и излез од државата

Сообраќајот на државните патишта се одвива непречено, по суви коловози.

Сообраќајот на државните патишта се одвива непречено, нема подолги задржувања за влез и излез од државата

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Перински ќе даде отчет за активностите и проектите

Министерот Перински ќе даде отчет за активностите и проектите кои Министерството за локална самоуправа ги реализираше во изминативе две години.

Перински ќе даде отчет за активностите и проектите

Денес во 11.30 часот, по повод две години Влада, министерот за локална самоуправа, м-р. Златко Перински, ќе одржи прес - конференција во Медија центарот на Владата.

Тагови: Златко Перински

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Продолжува амандманската расправа по предлог-законите за судска служба и за јавнообвинителска служба

Во Собранието денеска заседава комисијата за политички систем и односи меѓу заедниците.

Продолжува амандманската расправа по предлог-законите за судска служба и за јавнообвинителска служба

Во Собранието денеска заседава комисијата за политички систем и односи меѓу заедниците, на чиј дневен ред е продолжувањето на амандманската расправа за предлог-законот за судска служба и предлог-законот за јавнообвинителска служба, двата во второ читање.

За предлог-законот за судска служба се поднесени над 100 амандмани од пратеничките групи на СДСМ, Европски фронт и Левица, додека за законот за јавнообвинителска служба се доставени 27 амандмани од пратеничката група на СДСМ. Заменик-министерот за правда Ален Деребан во своето образложение истакна дека законските решенија се резултат на подолготраен и инклузивен процес, усогласен со актуелната правна рамка и реформските приоритети на државата. Тој посочи дека работните текстови биле изработени пред околу една година и ставени на јавна консултација преку ЕНЕР, при што пристигнале бројни забелешки од институции, експерти и засегнати страни, кои биле разгледани и делумно вградени во финалните предлози.

Тагови: собрание

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер