Хрватска одбележува 25 години од операцијата „Бура“ која во земјата се слави како ослободување на делови од територијата, додека во соседна Србија за организиран прогон на српското население. Главните церемонии се во градот Книн кој за време на војната во Хрватска беше дел од т.н Книнска краина во која мнозинството од граѓаните беа Срби, од каде тамошниот претседател Андреј Пленковиќ кој изрази жалење за цивилните жртви, но упати и порака дека операцијата била неопходна за да се стави крај на војната.
,,Жалиме за жртвите на воените злосторства извршени од хрватска страна, секој таков чин е болна, грда лузна на праведното лице на Татковинската војна. Важно е хрватските Срби во акцијата „Бура“ да не го гледаат само егзодусот на нивниот народ, туку и крај на војната.
Пред присутните се обрати поранешниот генерал Анте Готовина за кој помина седум години во притвор во Хаг, под обвинение за воени злосторства. Готовина за операцијата меѓудругото кажа дека ја одредила иднината на Хрватска.
,,Помина четврт век од ‘Бура’, операција што ја одреди иднината на нашата татковина. Под водство на претседателот Фрањо Туѓман, во особено неповолни околности, ја градевме хрватската војска способна да се одбрани, да стави крај на наметнатата војна и да создаде услови за мир.
Српскиот претседател Александар Вучиќ кој вчера присуствуваше на ден на сеќавање на жртвите од операцијата, порача дека сака помирување, но не и понижување.
,,Но, немојте да не терате да го славиме заедно со вас убиството на Србите и да ни говорите како тоа се големи чекори напред. Немојте, бидејќи оваа бегалска колона зад мене која покажува како било 4,5 и 6 август 1995 година, сведочи низ што се помина нашиот народ.
На церемонијата во Книн за прв пат присуствува претставникот на српското малцинство во хрватска, Борис Милошевиќ кој е и дел од тамошното Собрание. Во акцијата Бура, од хрватска беа протерани околу 250 илјади Срби, а околу 2000 лица се водат како убиени и исчезнати.