Во Холандија се зголемува бројот на пациенти кои преживуваат рак - Канал 5

Здравје

Во Холандија се зголемува бројот на пациенти кои преживуваат рак

Пред триесет години, 51 процент од пациентите со рак живееја четири години по дијагнозата, а тој број сега се зголеми на 72 проценти.

Во Холандија се зголемува бројот на пациенти кои преживуваат рак

Бројот на пациенти со рак во Холандија се зголемува, а истовремено расте и процентот на пациенти кои се уште се живи четири години по поставување на дијагнозата, покажува најновиот извештај на Холандскиот центар за рак (ИКНЛ) што го објавија денеска локалните медиуми.

Бројот на луѓе кои го преживеале ракот се зголемува во просек за околу еден процент годишно, што значи дека има околу илјада повеќе од нив секоја година, покажува извештајот на ИКНЛ, објавува „Nl Times“.

Пред триесет години, 51 процент од пациентите со рак живееја четири години по дијагнозата, а тој број сега се зголеми на 72 проценти.

Службеникот на ИКНЛ, Ото Висер, ваквото драстично подобрување го припишува на новите истражувања, додавајќи дека е јасно дека новите третмани и лекови навистина функционираат.

Бројот на постари пациенти кои ја преживуваат болеста значително се зголемил во последните 15 години, иако во таа категорија е сè уште значително помал отколку кај помладите луѓе.

Пациентите под 65 години имаат десет проценти поголеми шанси за преживување на ракот отколку постарите.

Можеби ќе ве интересира: Онколог потенцира шест навики, кои го зголемуваат ризикот од канцер

Висер посочи на напредокот на методите на лекување, како што се поуспешни операции, поширока употреба на хемотерапија или трансплантација на матични клетки, кои првенствено се насочени кон помладите пациенти бидејќи тие подобро ги толерираат таквите интензивни третмани од постарите лица.

Истражувањата, исто така, покажуваат дека некои видови рак се многу полесни за лекување, при што пациентите со рак на кожа, дојка, простата и тестиси имаат највисока стапка на преживување од 90 проценти.

Пациентите со рак на панкреас и метастатски канцер, кај кои лекарите не знаат каде започнала болеста, имаат најмали шанси за преживување, а помалку од 10 проценти од пациентите со овие видови рак преживуваат, покажува извештајот на Холандскиот центар за рак -ИКНЛ.

Тагови: пациенти рак Холандија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен.

Сообраќајот на државните патишта се одвива непречено, по суви коловози.

ВРЕМЕН РЕЖИМ НА СООБРАЌАЈ: На ден 23.06.2026 г. сообраќајот на патниот правец Прилеп- Битола близу железничката пруга Лознани е спроведен времен режим на сообраќај, сообраќајот ќе се одвива со пренасочување од магистралниот кон регионалниот пат заради изведување на градежни работи на терен.

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Нестабилно време со дожд, грмежи и засилен ветер

Под влијание на циклонска активност од југоисток денес ќе имаме нестабилно време со дожд, грмежи и засилен ветер.

Нестабилно време со дожд, грмежи и засилен ветер

Локално процесите ќе бидат поинтензивни со пообилен пороен дожд, грмежи, силен ветер и појава на град. Минималната температура ќе биде во интервал од 14 до 20, а максималната ќе достигне од 27 до 35 степени.

Во Скопје времето ќе биде нестабилно со дожд, грмежи и засилен ветер. Во делови од котлината ќе има услови за појава на краткотрајно невреме. Минималната температура ќе се спушти до 17, а максималната ќе достигне до 32 степени.

Денес ќе се задржи нестабилно време со дожд, грмежи и засилен ветер. Поради големата енергија во атмосферата локално процесите ќе бидат поинтензивни со пообилен пороен дожд, силен ветер и појава на град. Во четврток и петок ќе има изолирана појава на нестабилност, а за време на викендот и почетокот на следната седмица времето ќе биде претежно сончево и топло.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Моника Зајкова и Бране Петрушевски во „Само вистина“

Вечерва во „Само вистина“ гости ќе бидат Моника Зајкова и Бране Петрушевски.

Моника Зајкова и Бране Петрушевски во „Само вистина“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер