Во Франција почна одбележувањето на Денот Д - Канал 5

Во Франција почна одбележувањето на Денот Д

Францускиот претседател Емануел Макрон денеска го отвори тридневниот настан по повод 80-годишнината од истоварувањето на сојузниците во Нормандија на 6 јуни 1944 година. 

Во Франција почна одбележувањето на Денот Д

На комеморацијата ќе присуствуваат западни државници, а целта е да се покаже единство против војната во Украина.

Шефот на француската држава денеска претседаваше со првата церемонија во Плимелек, во Бретања, во спомен на француските припадници на отпорот од Бретања и првите падобранци на Слободната Франција во рамките на британските специјални сили. САС, ноќта меѓу 5-ти и 6-ти јуни ја започнале операцијата „Оверлорд“, чија цел била да се стави крај на Втората светска војна.

Бајден, кој утрово пристигна во Париз, ќе се приклучи на церемониите утре на Нормандија во северозападниот дел на земјата за 80-годишнината од Денот Д, каде што ќе бидат и британскиот крал Чарлс Трети, германскиот канцелар Олаф Шолц, италијанскиот претседател Серџо Матарела, и Зеленски.

Во попладневните часови, Макрон треба да оди во Сен Ло во Нормандија за да одржи говор за цивилните жртви на бомбардирањето на сојузниците. Тој град беше уништен 90 отсто ноќта меѓу 6 и 7 јуни. Севкупно, имаше меѓу 50.000 и 70.000 цивилни жртви во бомбардирањата на сојузниците, од кои 10.000 беа само во Нормандија.

-Предвидено е Бајден да зборува на официјалните церемонии на плажата Јута и плажата Омаха каде се истоварија „73.000 храбри Американци“ за да „го отворат патот за ослободување на Франција и Европа“, соопшти претходно Белата куќа.

На маргините на таа програма, тој треба да разговара со украинскиот претседател Зеленски за да види „како САД можат да продолжат да ја продлабочуваат својата поддршка“, се додава во соопштението на Белата куќа. Бајден и Зеленски ќе се сретнат и на маргините на самитот на Г7 што ќе се одржи во Италија од 13 до 15 јуни.

Од понеделник, околу 50 американски ветерани, од кои некои учествуваа во операциите на 6 јуни 1944 година, пристигнаа во Нормандија.

Вчера Макрон на социјалната мрежа „Х“ напиша „херои добредојдени во Франција“.

Русија, поранешен сојузник на САД и Велика Британија против нацистичка Германија, беше поканета на церемонијата пред десет години, но овојпат беше официјално исклучена поради инвазијата врз Украина.

Француското претседателство не крие дека сака да го покаже единството на Западот во време кога нов голем конфликт повторно ја погодува Европа.

На 7 јуни, Бајден треба да одржи говор во Поен-ду-Ок во Нормандија за „важноста од одбрана на слободата и демократијата“, се вели во соопштението на Белата куќа.

В сабота Бајден ќе биде во прва официјална посета на Франција кога Макрон ќе му приреди свечен прием во Елисејската палата и кога двајцата државници ќе имаат билатерални разговори.

Истоварувањето на Нормандија, со кодно име „Операција Оверлорд“, беше најголемата поморска инвазија во историјата на војувањето. Сојузничките десантни сили се состоеле од 73.000 американски, повеќе од 60.000 британски и над 20.000 канадски војници, поддржани од француски командоси.

Истоварувањето по должината на 80-километарското крајбрежје започна со десант со падобранина 23.000 луѓе, голем артилериски напад од воздух и од море, по што на 6 јуни 1944 година следеше успешен амфибиски десант на стратешки важниот мост Пегаз, во близина на Кан, град во северозападна Франција. /МИА

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ВМРО-ДПМНЕ: Бројките се немилосрдни и ги демантираат СДС

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%.

ВМРО-ДПМНЕ: Бројките се немилосрдни и ги демантираат СДС

СООПШТЕНИЕ, РЕАКЦИЈА НА СДС

Нејасно е зошто СДС упорно отвора теми во јавноста кои никако не им одат во прилог.

Се занимаваат со статистички податоци кои се лесно проверливи и кои немилосрдно ја покажуваат нивната безидејност. Зборуваат за платите, а не подалеку од вчера, и Државниот завод за статистика потврди дека платите во Македонија растат.

Најновите податоци на ДЗС за месец септември го потврдуваат растот на реалната нето-плата. Имено, реална нето-плата е кога од нето-платата ќе се одземе инфлацијата за тој месец, а за месец септември 2026 година, реалната нето-плата порасна за 5,2%.

Од друга страна, пак, доколку истата се спореди со септември 2022 година, период на власт на СДС, кога порастот на реалната нето-плата бил негативен, односно -5%, тогаш доаѓаме до интересен заклучок.

Значи, во услови на историска енергетска криза, нашата Влада успева реалната плата да ја зголеми за 5,2%, додека тие, владата предводена од СДС, во 2022, кога исто така имаше ограничена енергетска криза успеаја да ја намалат за -5%.

Ние не интервенираме со закони за минимална плата, туку оставаме пазарот на труд и законот за минималната плата да го регулираат порастот.

Бројките се немилосрдни и понекогаш статистиката повеќе зборува отколку се друго.

А ние како Влада предводена од ВМРО-ДПМНЕ и понатаму ќе продолжиме да креираме политики и да преземаме мерки за економска стабилност и раст, да креираме услови за бизнис клима која ќе донесе општествен развој, нови работни места, повисоки плати и подобар животен стандард за македонските граѓани.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Србија има нов милионер, падна седумка вредна 3,4 милиони евра

Во вечерашното извлекување на играта Лото,  во Србија беше извлечена добивка во вредност од 3,4 милиони евра. 

Србија има нов милионер, падна седумка вредна 3,4 милиони евра

Среќниот добитник го уплатил тикетот во Ниш.

Добитната комбинација е 3, 5, 8, 10, 11, 21 и 26, а еден играч ги погодил сите седум броеви и ја освои мултимилионската сума.

Покрај главниот добитник, уште 19 играчи погодиле шест броеви, а секој од нив добива по 124.188 динари(околу 1000 евра). Главната награда во играта „Лото плус“, која изнесуваше околу 3,77 милиони евра, не била извлечена.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Театар и музика во една вечер: МОТ со две претстави и концерт

Во рамки на 51. издание на Млад отворен театар (МОТ), денеска, 21 ноември, публиката ја очекува уште една фестивалска вечер исполнета со современи театарски и музички содржини. 

Театар и музика во една вечер: МОТ со две претстави и концерт

На програмата се две претстави од регионалната театарска сцена, како и концертот на косовско – швајцарската изведувачка на традиционални песни ARBËRESHË, за кој влезот е бесплатен.

Фестивалската вечер започнува во 20 часот, во салата „Фросина“ при МКЦ, со претставата „Закопани чуда“ на уметничката организација “Глумац има времена, глумица има времена” - ТАХТ од Хрватска, во режија на Нина Виолиќ.

Создадена според делото на Моника Херцег, оваа мултимедијална претстава е интимна сценска приказна за љубовта, сеќавањето и илузијата. Преку три симболични простори – Рајската градина, Мостот и Станот – публиката навлегува во еден живот исполнет со спомени, желби, нежност, страв и страст. Во претставата настапуваат Леон Лучев и Јелена Граовац Лучев. Претставата трае 90 минути и се изведува на хрватски јазик, со македонски наднаслови.

Во 22 часот, во Клуб МКЦ, следува „Смртен исход од атлетските повреди“ на Моје позориште од Босна и Херцеговина, во режија на Тара Маниќ, според истоимениот роман на Милица Вучковиќ.

Претставата претставува своевидна аутопсија на една љубовна врска, раскажана од перспектива на главната протагонистка Ева, која верува во љубовта од бајките, но се впушта во врска што постепено се претвора во простор на несигурност, изолација, гаслајтинг и насилство. Преку оваа интимна и вознемирувачка приказна, претставата ги отвора прашањата за манипулацијата, родовата надмоќ и границите на човечката издржливост. Во улогите се Џана Пињо, Ален Муратовиќ, Дариан Мехмедбашиќ и Мак Мисира. Претставата трае 100 минути, се изведува на босански јазик, со македонски превод.

Вечерта ќе биде заокружена со концертот на ARBËRESHË, со почеток во 22 часот во фоајето на сала Фросина. Родена во Швајцарија, со косовско-албански корени, а денес базирана во Приштина, ARBËRESHË создава автентичен музички израз во кој традиционалните песни од Косово, Албанија и Македонија добиваат нова звучна димензија. Преку спојот на гласот, гитарата, тапаните и древните инструменти, таа гради хипнотичко музичко патување кое ги поврзува балканското музичко наследство и современиот звук. Влезот е бесплатен.

Фестивалската програма продолжува и утре, 22 ноември, со претставата „Свињи“ на Театар „Златен Елец“ од Битола, со почеток во 20 часот, во салата „Фросина“ при МКЦ.

Во режија на Тамара Стојаноска, според текст на Томислав Зајец, „Свињи“ е претстава во која апсурдот, црниот хумор и гротеската создаваат сурова, поетична и вознемирувачка сценска алегорија. Преку приказната за две сестри, претставата ги истражува механизмите на моќта, насилството, осаменоста и траумите од детството, отворајќи прашања за тоа како средината и наследените модели на однесување го обликуваат човекот.

Во улогите настапуваат Илина Чоревска и Викторија Степановска Јанкуловска.

Билетите за театарските претстави се достапни онлајн на bileti.mkc.mk и на билетарницата на МКЦ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер