Во февруари следната година ќе започнат дупчења за природен гас во Јонското море - Канал 5

Балкан

Во февруари следната година ќе започнат дупчења за природен гас во Јонското море

 Почеток на морски истражувачки дупчења во северозападниот дел на Јонското море, во февруари следната година.

Во февруари следната година ќе започнат дупчења за природен гас во Јонското море

Почеток на морски истражувачки дупчења во северозападниот дел на Јонското море, во февруари следната година, со цел 200 милијарди кубни метри природен гас, предвидува договорот што во Министерството за животна средина и енергетика на Грција го потпишаа групацијата „Energean“, како оператор на конзорциумот „ExxonMobil“ – „Energean“ – „Helleniq Energy“ и компанијата „Stena Drilling“, јави дописничката на МИА од Атина.

Договорот за дупчење во Блокот 2 во Јонското море, беше потпишан во присуство на министерот за животна средина и енергетика на Грција, директорите на „Energean“, „Stena Drilling“ и на „Helleniq Energy“, како и амбасадорите на САД и на Шведска во Грција.

Министерот за животна средина и енергетика Ставрос Папаставру нагласи дека станува збор за „историски момент за земјата, која го спроведува националниот план за зајакнување на енергетската безбедност и брзиот развој на секторот за јаглеводороди“, но и дека „конечно ги претвора во реалност очекувањата, студиите и планирањето од повеќе децении“, објаснувајќи дека првото истражувачко дупчење ќе биде во февруари 2027 година.

-Моментот е историски и затоа што, доколку се потврдат силните индикации за присуство на природен гас и дозволат комерцијална експлоатација, тоа ќе ја доведе нашата земја до скок во економскиот развој и геополитичката сила. Поконкретно, земјата ќе биде енергетски посилна и поотпорна, ќе имаме особено зголемени јавни приходи-најмалку 40 отсто од добивката ќе оди во државата, повеќе и поквалитетни работни места, стекнување на знаење и висока специјализација, како и инвестиции и развој на инфраструктура, истакна Папаставру и додаде дека сите активности ќе се спроведуваат со целосно почитување на екосистемите и локалните заедници.

Извршниот директор на групацијата Energean, Матиос Ригас, изрази увереност дека првото истражувачко морско дупчење во Грција по 40 години ќе се спроведе во најдобри услови.

- Уште еднаш нагласуваме дека шансите за успех се 16 отсто, но сепак целта е околу 200 милијарди кубни метри природен гас. Со оглед дека нашата земја троши околу шест до седум милијарди кубни метри годишно, јасно е колку значаен би бил успешниот исход за Грција, за економијата и граѓаните, посочи Ригас.

Амбасадорката на САД во Грција Кимберли Гилфојл рече дека соработката меѓу „ExxonMobil“, „Energean“, „Helleniq Energy“ и „Stena Drilling“, претставува „силен пример за тоа што може да се постигне преку соработка“, додавајќи дека се комбинираат американската иновација, грчката експертиза и шведската технологија и „докажува дека кога Соединетите Американски Држави и нивните блиски сојузници соработуваат, се постигнуваат реални резултати“.

- Денешниот договор ја одразува нашата заедничка посветеност за зајакнување на енергетската безбедност и диверзификација на изворите на снабдување сега и во иднина. Нашата тесна соработка ја покажува довербата во економскиот развој на Грција, во регулаторната рамка на транспарентност што ја има воспоставено Грција, како и во силните врски меѓу американските и грчките компании. Овој договор за дупчење ги истакнува можностите што ги нуди регионот и ја зајакнува улогата на Грција како кредибилен енергетски партнер и столб на стабилност, рече американската амбасадорка.

Тагови: Јонското море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

На најпосетената плажа на светот дневно доаѓаат по 200.000 луѓе- се жалат дека не можат да стигнат до морето (ВИДЕО)

Плажата Дамеиша во Шенжен, Кина, се смета за најпосетувана во светот.

На најпосетената плажа на светот дневно доаѓаат по 200.000 луѓе- се жалат дека не можат да стигнат до морето (ВИДЕО)

Песочната плажа е долга само 1,8 километри, но во шпицот на сезоната ја посетуваат 200.000 луѓе истовремено, според „Одити Централ“.

За време на летните викенди, плажата е преполна со капачи, а некои туристи пријавуваат дека едвај можат да стигнат до водата. Поради ограничениот простор, луѓето се збиени, а песокот не е видлив од пешкирите и чадорите.

Ситуацијата е уште потешка во текот на топлите денови, кога побарувачката за место на плажата значително се зголемува.

За да се избегне пренатрупаност, властите во Шенжен воведоа задолжителен систем за резервации и ограничен пристап на 80.000 посетители дневно помеѓу мај и октомври.

Пристапот е бесплатен, а плажата е лесно да се најде, со неколку автобуски линии и метро станица во непосредна близина. Овие карактеристики ја прават исклучително популарна и кај локалното население и кај туристите.

YouTube video

И покрај гужвите и негативните критики на интернет, Дамеиша продолжува да привлекува многу посетители секое лето. Фотографиите од преполната плажа честопати стануваат вирални на интернет, додека критиките од туристите се поделени.

Некои се жалат дека не можеле ниту да стигнат до морето поради гужвите, додека популарноста на местото продолжува да расте.

Дамеиша е дел од крајбрежната туристичка област на Шенжен, каде што посетителите можат да најдат и други атракции, ресторани и места за забава.

Во близина е Сјаомеиша, уште една позната плажа во градот, што ја прави оваа област една од главните дестинации за оние кои сакаат да избегаат од градските гужви и да поминат време покрај морето.

Тагови: морето плажа

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Енди Грин во „ѕвер“ од 1.600 КС на чист водород напаѓа три светски рекорди (ВИДЕО)

Британскиот возач Енди Грин, единствениот човек што го пробил звучниот ѕид со автомобил, се враќа во Солените рамнини Бонвил во САД за да сруши повеќе светски рекорди за брзина.

Енди Грин во „ѕвер“ од 1.600 КС на чист водород напаѓа три светски рекорди (ВИДЕО)

Тој вози JCB Hydromax со 1.600 коњски сили што работи на чист водород, објави Тајмс.

Официјалниот обид се спроведува под надзор на ФИА. На неодамнешната тренинг сесија, Грин достигна брзина од 592 километри на час, објавувајќи дека ги срушил претходните рекорди во неколку различни категории.

Мотор од градежна механизација за екстремни брзини

Возилото долго речиси десет метри е напојувано од два прилагодени мотори земени од тешката градежна механизација на JCB. За разлика од стандардните електрични возила со горивни ќелии, овој систем го меша водородниот гас со воздух и го пали директно во цилиндрите.

Компанијата инвестираше повеќе од 134 милиони долари во развој на технологијата, која е без штетни издувни гасови. Претседателот на компанијата, Ентони Бамфорд, вели дека пустинскиот проект ја докажува применливоста на водородот во тешката индустрија каде што батериите се премногу тешки и непрактични.

YouTube video

Висок ризик на пресушеното солено езеро

Главниот предизвик за време на возењето е слабото прилепување на пресушеното солено езеро во Јута. Грин се потпира на падобран за да го запре чудовиштето при екстремни брзини, додека возењата се планирани за рано наутро пред да се зголеми пустинската топлина.

Водородот се складира под висок притисок и е екстремно запалив, што создава дополнителни безбедносни предизвици за тимот. 64-годишниот возач вели дека внимателно управуваат со сите ризици за да го демонстрираат максималниот дострел на горивото во пракса.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Газда на албански клуб влезе во соблекувалната со торба пари, настана хаос (ВИДЕО)

Фудбалскиот клуб Динамо од Тирана се квалификуваше во плејофот на Конференциската лига откако ја елиминираше латвиската Ауда со вкупен резултат од 4:1.

Газда на албански клуб влезе во соблекувалната со торба пари, настана хаос (ВИДЕО)

За влез во групната фаза од натпреварувањето, албанскиот тим сега го чека кипарскиот Пафос, клуб кој претходно го елиминираше Хајдук од Сплит.

Наградата за пласманот и бонус од половина милион евра

Еуфоријата во клубот дополнително ја поттикна претседателот Ардијан Барди. По победата против Ауда, тој влезе во соблекувалната со торба полна со пари за да ги награди играчите за пласманот во плејофот, а веднаш објави и нов, уште поголем бонус. Доколку тимот успее да го елиминира Пафос, играчите ќе ја поделат сумата од 500.000 евра. Снимките од соблекувалната покажуваат огромна прослава додека низ собата летаа банкноти.

Голем предизвик во плејофот

И покрај славеничката атмосфера и финансиската мотивација, Динамо влегува во дуелот со Пафос како аутсајдер. Кипарскиот клуб претставува најтешкиот тест за тимот од Тирана во овие квалификации, а натпреварите ќе го покажат вистинскиот потенцијал на тимот на европската сцена. Првиот натпревар од плејофот помеѓу Динамо и Пафос се игра овој четврток, а домаќин ќе биде албанскиот клуб. Навивачите со нетрпение го очекуваат настапот на својот тим во еден од клучните натпревари во сезоната.

Тагови: соблекувалната

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер