Во февруари следната година ќе започнат дупчења за природен гас во Јонското море - Канал 5

Балкан

Во февруари следната година ќе започнат дупчења за природен гас во Јонското море

 Почеток на морски истражувачки дупчења во северозападниот дел на Јонското море, во февруари следната година.

Во февруари следната година ќе започнат дупчења за природен гас во Јонското море

Почеток на морски истражувачки дупчења во северозападниот дел на Јонското море, во февруари следната година, со цел 200 милијарди кубни метри природен гас, предвидува договорот што во Министерството за животна средина и енергетика на Грција го потпишаа групацијата „Energean“, како оператор на конзорциумот „ExxonMobil“ – „Energean“ – „Helleniq Energy“ и компанијата „Stena Drilling“, јави дописничката на МИА од Атина.

Договорот за дупчење во Блокот 2 во Јонското море, беше потпишан во присуство на министерот за животна средина и енергетика на Грција, директорите на „Energean“, „Stena Drilling“ и на „Helleniq Energy“, како и амбасадорите на САД и на Шведска во Грција.

Министерот за животна средина и енергетика Ставрос Папаставру нагласи дека станува збор за „историски момент за земјата, која го спроведува националниот план за зајакнување на енергетската безбедност и брзиот развој на секторот за јаглеводороди“, но и дека „конечно ги претвора во реалност очекувањата, студиите и планирањето од повеќе децении“, објаснувајќи дека првото истражувачко дупчење ќе биде во февруари 2027 година.

-Моментот е историски и затоа што, доколку се потврдат силните индикации за присуство на природен гас и дозволат комерцијална експлоатација, тоа ќе ја доведе нашата земја до скок во економскиот развој и геополитичката сила. Поконкретно, земјата ќе биде енергетски посилна и поотпорна, ќе имаме особено зголемени јавни приходи-најмалку 40 отсто од добивката ќе оди во државата, повеќе и поквалитетни работни места, стекнување на знаење и висока специјализација, како и инвестиции и развој на инфраструктура, истакна Папаставру и додаде дека сите активности ќе се спроведуваат со целосно почитување на екосистемите и локалните заедници.

Извршниот директор на групацијата Energean, Матиос Ригас, изрази увереност дека првото истражувачко морско дупчење во Грција по 40 години ќе се спроведе во најдобри услови.

- Уште еднаш нагласуваме дека шансите за успех се 16 отсто, но сепак целта е околу 200 милијарди кубни метри природен гас. Со оглед дека нашата земја троши околу шест до седум милијарди кубни метри годишно, јасно е колку значаен би бил успешниот исход за Грција, за економијата и граѓаните, посочи Ригас.

Амбасадорката на САД во Грција Кимберли Гилфојл рече дека соработката меѓу „ExxonMobil“, „Energean“, „Helleniq Energy“ и „Stena Drilling“, претставува „силен пример за тоа што може да се постигне преку соработка“, додавајќи дека се комбинираат американската иновација, грчката експертиза и шведската технологија и „докажува дека кога Соединетите Американски Држави и нивните блиски сојузници соработуваат, се постигнуваат реални резултати“.

- Денешниот договор ја одразува нашата заедничка посветеност за зајакнување на енергетската безбедност и диверзификација на изворите на снабдување сега и во иднина. Нашата тесна соработка ја покажува довербата во економскиот развој на Грција, во регулаторната рамка на транспарентност што ја има воспоставено Грција, како и во силните врски меѓу американските и грчките компании. Овој договор за дупчење ги истакнува можностите што ги нуди регионот и ја зајакнува улогата на Грција како кредибилен енергетски партнер и столб на стабилност, рече американската амбасадорка.

Тагови: Јонското море

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од утре бензините поскапуваат за 1,5 денари, дизелот за половина денар

Од 16.6.2026 година од 00:01 часот ЕУРОСУПЕР БС - 95 ќе се точи за  87,50, 98 за 90 денари по литар а дизелот за 87,50 денари.  

Од утре бензините поскапуваат за 1,5 денари, дизелот за половина денар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,10% во однос на одлуката од 8.6.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 2,178%, кај дизелот за 4,441%, кај екстра лесното масло за 5,099% и кај мазутот намалувањето е за 3,635%.

Курсот на денарот во однос на доларот во изминатиот период по кој беа формирани цените со претходната пресметка е повисок за 0,5395%.

РКЕ во оваа пресметка ги вкалкулира референтните износи на акцизите за ЕУРОСУПЕР БС-95, ЕУРОСУПЕР БС-98 и ЕУРОДИЗЕЛ (Д-Е V), со оглед на истекот на Одлуката за изменување на Одлуката за определување на видот на енергентите, временскиот период и начинот на пресметка на акцизата.

Од 16.6.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 87,50 (денари/литар)

Моторен бензин ЕУРОСУПЕР БС - 98 90,00 (денари/литар)

Дизел гориво ЕУРОДИЗЕЛ БС (Д-Е V) 87,50 (денари/литар)

Масло за горење Екстра лесно 1 (ЕЛ-1) 86,50 (денари/литар)

Мазут М-1 НС 46,223 (денари/килограм)

Малопродажната цена на бензинот ЕУРОСУПЕР БС-95 се зголемува за 1,50 ден/лит.

Малопродажната цена на бензинот ЕУРОСУПЕР БС-98 се зголемува за 2,00 ден/лит.

Малопродажната цена на ЕУРОДИЗЕЛ (Д-Е V) се зголемува за 0,50 ден/лит.

Малопродажната цена на Екстра лесното масло за домаќинство на (ЕЛ-1) се намалува за 2,50 ден/лит.

Малопродажната цена на Мазутот М-1 НС се намалува за 1,074 ден/кг и сега ќе изнесува 46,223 ден/кг.

Напоменуваме дека ова се максималните цени на нафтените деривати од 00:01 часот на 16.6.2026 година. Трговците на големо и трговците на мало со нафтени деривати и горива за транспорт можат да ги формираат цените на одделни нафтени деривати и горива за транспорт и пониско од највисоките утврдени цени.

Тагови: РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нова бомба на АКТ: Омилените фирми-тендераши на власта си имаат омилени фирми, МГ Проект и МБМ Архитекти

АКТ веќе објави тендерски скандали вредни над 100 милиони евра, како едни исти, омилени фирми на власта добиваат тендери.

Нова бомба на АКТ: Омилените фирми-тендераши на власта си имаат омилени фирми, МГ Проект и МБМ Архитекти

Три од овие омилени фирми се издвојуваат:

-Ленди Груп ДООЕЛ Скопје, која добила 74 тендери во вредност од 17,6 милиони евра за период од две години.

-Пирамид билдинг солушнс, со 51 тендер вреден 16 милиони евра.

-Масев ДООЕЛ со 93 тендери во вредност од 18 милиони евра.

Денеска објавуваме уште еден аспект на целата бизнис-шема, уште еден скандал.

Овие омилени фирми за тендери на власта имаат само 2 исто така омилени фирми со заеднички проектанти и надзор.

Во десетици општини и институции низ државата се повторува ист образец: истите изведувачи добиваат милионски тендери, а над нив работат само две фирми – „МГ Проект“ и „МБМ Архитекти“.

Еве неколку примери за тоа како се врзани.

1.Ленди Груп и МГ Проект

Во Кисела Вода, каде до скоро беше градоначалник Орце Ѓорѓиевски: изведувач на градежни работи е омилената фирма „Ленди Груп“, а за стручен надзор – МГ Проект.

Реконструкција на улици, партерно уредување на салата „Расадник“ и други проекти.

Општина Илинден: изведувач е омилената Ленди Груп, а за надзор, погодувате, МГ Проект. Апсолутен рекордер со 100 микродоговори.

2.Пирамид билдинг и МБМ Архитекти

Општина Аеродром: изведувач е омилената фирма Пирамид билдинг, а главен договор за надзор има МБМ Архитекти.

Општина Гази Баба: омилената фирма Пирамид билдинг, а МБМ Архитекти има два клучни договори: еден за надзор над изградба на објекти и еден за надзор над патна инфраструктура.

3.Истото важи и за Мастеф

Компанијата за урбана опрема и игралишта работи исклучиво под надзор на МБМ Архитекти и МГ Проект.

Општините Кисела Вода, Аеродром, Брвеница, Неготино, Министерството за спорт. За сите проекти каде работи Мастеф, се знае кои се надзор и проектанти.

Овие две фирми имаат подолга историја на работење во Македонија со проектирање и надзор, но никогаш претходно во вака структурирана шема поврзана со парите од унгарскиот кредит и омилените изведувачи на ВМРО-ОКГ.

Тоа го потврдуваат и бројките за профитот и склучените договори само во изминатите две години, во кои ВМРО-ОКГ има апсолутна власт во државата и во кои се реализира унгарскиот заем (со кинески пари).

Па така, МГ Проект во овој период успева да склучи договори со вкупна вредност од 2,4 милиони евра.

А МБМ Архитекти за овој период успева да склучи договори вредни 2,9 милиони евра!

Во проценти, ако пресметаме, од 2024 година имаат раст од неверојатни 288,65%!

Случајно е тоа што едни исти фирми добиваат тендери и едни исти омилени фирми вршат надзор и проектирање?

Ништо не е случајно.

Сè е бизнис-шема за Мицкоски и ВМРО-ОКГ, буквално сè.

Почитувани граѓани,

Дали гледате што се прави?

Дали гледате како се вртат милиони евра, ваши пари, преку тендери?

Нема пари за плати, нема пари за земјоделците, пари има само за тендери и бизнис-шеми.

А кога ќе снема пари и за тендери, е тогаш ќе сакаат предвремени избори.

Прашањето е до кога ќе молчи обвинителството и нема да презема ништо?

СДСМ најавува испитување на сите постапки и одговорност, од прв до последен!

Прес конференција на АКТ, Јон Фрчкоски – член на Извршниот одбор

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Москва ѝ порача на Европа: Не можете да ни поставувате ултиматуми

 Рускиот министер за надворешни работи Сергеј Лавров изјави денес, по средбата со белорускиот претседател Александар Лукашенко во Минск, дека во сегашната ситуација Европејците извлекуваат погрешен заклучок дека Русија во моментов губи на фронт

Москва ѝ порача на Европа: Не можете да ни поставувате ултиматуми

Како што додаде, затоа Европејците мислат дека можат да поставуваат ултиматуми со надеж дека Москва ќе ги прифати.

„Рускиот претседател (Владимир) Путин веќе зборуваше за ова во своите неодамнешни говори на разни настани. Овие пресметки се сосема погрешни и илузорни“, рече Лавров.

Тој истакна дека со Лукашенко разговарал за конфликтот во Украина, објави РИА Новости. Лавров рече дека ситуацијата поврзана со украинската криза била во фокусот на разговорите со Лукашенко, наведувајќи дека Русија мора да направи сè што е можно за „правдата да победи“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер