Во Европскиот парламент денеска почнува дебатата по Извештајот за напредокот на Македонија - Канал 5

Македонија

Во Европскиот парламент денеска почнува дебатата по Извештајот за напредокот на Македонија

Во сенка на вчерашниот инцидент пред бугарската амбасада во Скопје, во ЕП почнува дебатата за Извештајот за напредокот на Македонија кон ЕУ. 

Во Европскиот парламент денеска почнува дебатата по Извештајот за напредокот на Македонија

Во пресрет на седницата бугарската претседателка Јотова изјави дека очекува, освен за палењето на возилата што го смета за напад на бугарската држава, европратениците да не дозволат да се тргне членот од Извештајот кој се однесува на историската комисија, која, како што потврди уште еднаш е клучен дел од протоколите од прреговарачката рамка за земјава.

- Имам загрижувачки сигнали од европратениците дека во последен момент во пленарната сала ќе се обидат да отстранат еден од текстовите што директно се однесува на работата на мешовитата историска комисија, кој работи веќе неколку години, согласно член 12 од Договорот за добрососедство, и со тоа да ја направат неговата работа и неговите заклучоци бесмислени во иднина. Колку што знам, во моментов се водат консултации меѓу поединечните парламентарни групи. Се надевам дека ќе се покаже разум, затоа што тоа прашање е дел од Протоколот кој е дел од Преговарачката рамка и задолжителното европско законодавство., рече Јотова.

Членот за кој говори Јотова стана дел од извештајот со амандман на бугарските европреатеници. Станува збор за амандманот 374 со кој историската комисија силно се повикува да постигне јасни и опопиливи резултати, а текстови, како што стои, да го одразуваат „толкувањето на историските факти и бројки од заедничката историја на двата народа“.

-Силно ја повикува Заедничката комисија за историски прашања на Бугарија и Македонија, формирана како резултат на Договорот за добрососедство со Бугарија, да постигне јасни и опипливи резултати; текстовите треба да го одразуваат толкувањето на историските факти и бројки од заедничката историја на двата народа врз основа на објективни, автентични и засновани на докази историски извори и документи, научно толкување и историски настани, како што е предвидено во вториот протокол од Договорот за добрососедство со Бугарија.- Амандман 374 поднесен од бугарските европратеници.

Европратениците попладнево расправаат за извештајот на Вајц за земјава, а утре точно на пладне ќе биде гласањето. Од Европскиот парламент претходно посочија дека ја реафирмираат нивната поддршка за македонските евроинтеграции, но дека напредокот во преговорите зависи од трајни и длабоки реформи, борба со корупцијата за која е нотиран недоволен напредок, почитување на договорите со Бугарија и Грција, како и спроведување на уставни измени.

Вајц предложи и да се побара од Европскито Совет да ги расчити дилемите околу значењето на Протоколите за преговарачкиот преоцес, но по противењето на бугарските европратеници, тој не се најде во финалната верзија.

Тагови: ЕП Томас Вајц

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Џорџ и Амал Клуни пристигнаа на Брач, летото ќе го поминат во својата вила

Холивудскиот актер Џорџ Клуни и неговата сопруга, адвокатката Амал Клуни, утрово пристигнаа на островот Брач

Џорџ и Амал Клуни пристигнаа на Брач, летото ќе го поминат во својата вила

Според локалните медиуми, холивудската ѕвезда, актерот Џорџ Клуни и неговата сопруга, адвокатката Амал планираат летово, поточно целиот јули да го минат на Јадран во својата куќа на островот Брач во Хрватска.

Холивудскиот актер Џорџ Клуни и неговата сопруга, адвокатката Амал Клуни, утрово пристигнаа на островот Брач, каде што ќе престојуваат во својата вила во текот на наредните недели.

Според извештаите на локалните медиуми, двојката планира да остане на островот во текот на целиот јули, а можеби и до средината на август.

Додека Џорџ ќе го помине времето работејќи на своите мемоари, Амал наводно има намера да се посвети на градинарство и релаксација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо: Ова е моето последно Светско првенство

Капитенот на Португалија, Кристијано Роналдо, потврди дека ова Светско првенство е негово последно. 

Роналдо: Ова е моето последно Светско првенство

Роналдо има 41 година; тој повеќе нема да настапува на Светското првенство, додека за Европското првенство (ЕУРО) останува да видиме.

– Ова ќе биде моето последно Светско првенство. Што и да се случи, ќе си заминам со чиста совест бидејќи на репрезентацијата ѝ го дадов сето она што го имав – изјави Роналдо.

Вечерва од 21 часот во европскиот судир на гигантите Португалија на Роналдо игра против актуелниот европски шампион Шпанија.

– Да не верувавме дека можеме да го освоиме Светското првенство, немаше ни да бидеме овде. Ова беше убаво искуство и напредуваме од натпревар во натпревар. Невозможно е да се игра врвно на секој меч, што може да се види и од тимовите кои веќе се елиминирани. Тимот е смирен, добро трениравме и подготвени сме за многу тежок противник.

Тагови: Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Европската комисија за системот EES: Најавени се промени поради застојот на границите

Портпаролот на Европската комисија, Маркус Ламер, денес на редовната прес-конференција изјави дека Комисијата воведува дополнителна флексибилност и поддршка за членките на ЕУ во спроведувањето на системот EES .

Европската комисија за системот EES: Најавени се промени поради застојот на границите

Портпаролот на Европската комисија, Маркус Ламер, денес на редовната прес-конференција изјави дека Комисијата воведува дополнителна флексибилност и поддршка за членките на ЕУ во спроведувањето на системот EES со цел да се ублажат, како што изјави, привремените застои на границите.

Ламер, исто така, изјави дека ЕУ веќе работи со земјите-членки за решавање на оперативните проблеми, вклучително и недостатокот на персонал и потребата од повеќе техничка опрема на граничните премини.

Според него, придобивките од воведувањето на системот EES се веќе видливи.

„Имаме нов систем што ни помага да ги идентификуваме биометриските податоци и да ги вкрстиме. Ова не беше можно со претходниот систем, кога се користеа печати. ​​А сега, за само неколку месеци, веќе имаме 1.000 лица идентификувани како безбедносни ризици, кои како резултат на тоа не влегле во ЕУ. Сепак, секако внимателно следиме како новиот систем функционира во пракса и вложуваме максимални напори за да го ограничиме влијанието врз патниците кои доаѓаат од земји надвор од ЕУ“, рече тој.

Ламер ги отфрли наводите на новинарите дека новиот систем систематски го продолжува времето на чекање за патниците и создава проблеми и за граѓаните на ЕУ, нагласувајќи дека многу проблеми на границите постојат независно од примената на EES, додека во исто време рече дека тоа носи значајни придобивки за безбедноста на граѓаните на ЕУ.

Во случаи на пренатрупаност, националните власти имаат овластување привремено да ја суспендираат дополнителната биометриска регистрација на лице место, како што се фотографирање и земање отпечатоци од прсти, но со задолжителна имплементација на стандардни гранични контроли, забележува Ламер.

Тагови: ЕУ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер