Во ЕУ се отстранети над 16,6 милиони фалсификувани играчки- може да предизвикаат задушување, посекотини и изгореници - Канал 5

Свет

Во ЕУ се отстранети над 16,6 милиони фалсификувани играчки- може да предизвикаат задушување, посекотини и изгореници

Во две големи операции спроведени во изминатите две години, од пазарот на Европската Унија се отстранети 16,6 милиони пакувања фалсификувани и штетни играчки, во вредност од 36,8 милиони евра.

Во ЕУ се отстранети над 16,6 милиони фалсификувани играчки- може да предизвикаат задушување, посекотини и изгореници

Во две големи операции спроведени во изминатите две години, од пазарот на Европската Унија се отстранети 16,6 милиони пакувања фалсификувани и штетни играчки, во вредност од 36,8 милиони евра, а 555 лица се пријавени кај судските и здравствените власти, објави Европол.

Во операцијата LUDUS IV (2023-2024), се запленети 8,4 милиони пакувања играчки, во вредност од околу 28,1 милиони евра, 125 лица се пријавени кај судските власти и 150 кај административните или здравствените власти.

Увезени по бродски патишта

Во втората операција LUDUS V (2024-2025), се запленети 8,2 милиони пакувања играчки, во вредност од околу 8,7 милиони евра, 86 лица се пријавени кај судските власти, а 194 лица се пријавени кај административните или здравствените власти.

Запленетите фалсификувани играчки се претежно увезени преку редовни бродски патишта, а многу од нив претставуваа разни опасности и ризици.

Додадено е дека овие фалсификувани играчки можат да предизвикаат задушување, давење, посекотини или изгореници и да ги изложат децата на хемиски супстанции, а некои дури можат да го оштетат слухот или видот кај децата.

Играчки кои се опасни по живот

Во рамките на Европската Унија, строги регулаторни стандарди го регулираат дизајнот, производството и продажбата на играчки и игри, што криминалците вклучени во фалсификувањето го избегнуваат.

„Лошата изработка и употребата на токсични материјали со низок квалитет може да предизвикаат сериозни, па дури и опасни по живот повреди кај децата што си играат со фалсификувани играчки. Ова е особено загрижувачко за фалсификуваните играчки наменети да се стават во устата на бебиња, бидејќи бебињата се директно изложени на овие супстанции. Други опасности доаѓаат од електронските играчки чии нивоа на звук можат да ги надминат законските граници на децибели, предизвикувајќи неповратно губење на слухот“, се вели во соопштението.

Заедничката иницијатива за справување со производителите и увозниците на фалсификувани играчки ја започнаа 26 земји, координирана од Европол и предводена од Франција, Шпанија и Романија со поддршка на EUIPO и OLAF.

Загуба за целата индустрија

Европол додава дека глобалниот пазар на играчки се проценува на дури 300 милијарди евра годишно и дека останува втората најфалсификувана индустрија во светот.

Поточно, додава, секторот за играчки има најголем просечен губиток на продажба од фалсификувана стока во ЕУ со околу 8,7 проценти од вкупната продажба и претставува околу 1 милијарда евра изгубена продажба и 3.600 помалку вработени во индустријата.

Тагови: ЕУ играчки

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска на „Табановце“презентација на системот на телесните камери за царинските службеници

Според најавата, воведувањето на системот на телесни камери е дел од активностите насочени кон зајакнување на транспарентноста, интегритетот и професионалните стандарди во работата на царинските службеници.

Денеска на „Табановце“презентација на системот на телесните камери за царинските службеници

Системот на телесни камери за царинските службеници, обезбеден како донација преку меѓународната програма за обука и помош при водење криминалистички истраги во рамки на кривичниот оддел при министерството за правда на САД, денеска официјално ќе биде промовиран на Граничниот премин Табановце.

Како што соопшти царинската управа, на промоцијата ќе се обратат директорот на царинската управа Бобан Николовски, министерката за финансии Гордана Димитриеска-Кочоска и вршителот на должност амбасадор на САД во земјава Никол Варнс.

Според најавата, воведувањето на системот на телесни камери е дел од активностите насочени кон зајакнување на транспарентноста, интегритетот и професионалните стандарди во работата на царинските службеници.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мицкоски во Вашингтон на средби со американски конгресмени: Фокус на стратешкото партнерство

Со средби со конгресмени, премиерот Мицкоски ја почна посетата на Соединетите Американски Држави..

Мицкоски во Вашингтон на средби со американски конгресмени: Фокус на стратешкото партнерство

Мицкоски прво оствари средба со претседателот на Поткомитетот за Европа во комитетот за надворешни работи на претставничкиот дом на САД, Кит Селф, а на средбата како што информира Мицкоски на фејсбук, разговарале за значењето на стратешкото партнерство меѓу Македонија и САД, за заедничките интереси и за можностите за понатамошно продлабочување на соработката.

На средбата со конгресменката Клаудија Тени, инаку копретседавач на македонската група за пријателство во конгресот на САД, се разговарало за традиционално силните и пријателски односи меѓу двете земји, како и за значењето на парламентарната соработка и размената на искуства меѓу двете земји..

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Сончево со мала до умерена локална облачност

Времето денес според Управата за хидрометеролошки работи ќе биде сончево со мала до умерена локална облачност.

Сончево со мала до умерена локална облачност

Ќе дува слаб до умерен ветер претежно од југоисточен правец. Минималната температура ќе биде во интервал од 8 до 16, а максималната ќе достигне од 25 до 32 степена.

Во Скопје, сончево со мала облачност. Ќе дува слаб ветер од променлив правец. Минималната температура ќе се спушти до 13, а максималната ќе достигне до 31 степен.

УХМР најавува дека до сабота ќе се задржи стабилно време. Во недела ќе има повремени врнежи од дожд и наместа услови за нестабилност со пороен дожд, појава на грмежи и засилен ветер. Локално пообилни врнежи се очекуваат во понеделник. Од вторник поради продор на постуден воздух од север ќе има опаѓање на дневната температура

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер