ЕП ги одобри Програмата за европската одбранбена индустрија, новите правила за безбедност на играчките и проширувањето на мандатот на Европол - Канал 5

Европа

ЕП ги одобри Програмата за европската одбранбена индустрија, новите правила за безбедност на играчките и проширувањето на мандатот на Европол

Со Законот за зајакнување на одбранбената индустрија на ЕУ, усвоен со 457 гласови „за“, 148 „против“ и 33 „воздржани“, се предвидува воспоставување на Програма за европска одбранбена индустрија (ЕДИП).

ЕП ги одобри Програмата за европската одбранбена индустрија, новите правила за безбедност на играчките и проширувањето на мандатот на Европол

Европратениците на денешното продолжение од овонеделната парламентарна сесија во Стразбур ги одобрија Законот за зајакнување на одбранбената индустрија на ЕУ, новите правила за безбедност на детските играчки и регулативата за зајакнување на мандатот и ресурсите на Европол во борбата против шверцот со мигранти и трговијата со луѓе.

Со Законот за зајакнување на одбранбената индустрија на ЕУ, усвоен со 457 гласови „за“, 148 „против“ и 33 „воздржани“, се предвидува воспоставување на Програма за европска одбранбена индустрија (ЕДИП), која треба да ги поттикне заеднички европски набавки за одбраната и одбранбеното производството, како и да ја зголеми на поддршката за Украина.

Законот предвидува издвојување на 300 милиони евра од вкупниот буџет на ЕДИП од 1,5 милијарди евра за Инструментот за поддршка на Украина, како и создавање на Фонд за забрзување на трансформацијата на синџирот на снабдување во одбраната (ФАСТ), за кој се предвидени најмалку 150 милиони евра.

Дополнително, со програмата им се овозможува на земјите членки да ги пренасочат преостанатите средства од Инструментот за закрепнување и отпорност (РРФ), создаден за справување со последиците од Ковид пандемијата, за поддршка на проекти од одбранбената индустрија.

Европратениците ги усвоија и новите правила кои имаат за цел да го намалат бројот на небезбедни детски играчки што се продаваат во ЕУ и да ги заштитат децата од ризици поврзани со нив.

Новите правила со кои се ажурира постојната Директива за безбедност на играчките од 2009 година, се одговор на порастот на онлајн трговијата за купувањето на играчки произведени надвор од ЕУ и зголемената употреба на дигиталните технологии.

Со новите правила забраната за користење на канцерогени и мутагени материјали и на супстанции штетни за репродукцијата, се проширена и со забрана на хемикалии и супстанции кои можат да предизвикаат нарушување на ендокриниот систем, да им наштетат на органите за дишење, како и кои се токсични за кожата и другите органи. Се забранува и употреба на пер-и полифлуорирани алкилни супстанции (ПФАС) и на некои видови бисфеноли.

Измените предвидуваат и воведување на дигитален пасош за играчките од увоз, кој ја потврдува нивната усогласеност со релевантните безбедносни правила и ќе овозможи подобар надзорот на пазарот и поедноставни и поефикасни царинските проверки.

Новите правила ќе стапат во сила на 20-тиот ден по нивното објавување во Службениот весник на Европската Унија, по што земјите членки и индустриските актери ќе имаат преоден период од четири и пол години за нивна имплементација.

Европскиот парламент со 556 гласови „за“, 74 „против“ и 7 „воздржани“, го усвои и Законот за основање на Европски центар за борба против шверцот на мигранти (ЕЦАМС) во рамките на Европол, со што се зајакнуваат мандатот и ресурсите на европската полиција во борбата против шверцот на мигранти и трговијата со луѓе.

Центарот, за кој се предвидени 50 милиони евра во периодот 2025-2027 година и ангажирање на 50 дополнителни припадници на Европол, ќе придонесе за зголемена стратешка, оперативна и техничка поддршка за земјите од ЕУ во разбивањето на криминалните мрежи вклучени во шверцот на мигранти и трговијата со луѓе.

Со законот им се овозможува на офицерите за врска во трети земји да се вклучуваат во истрагите на Европол со споделување информации во врска со шверцот на мигранти и трговијата со луѓе, а европската полиција добива и надлежност да им помага на националните полиции на земјите членки за поефикасна обработка на биометриските податоци.

Законското решение, исто така, ги поттикнува Европол и земјите членки да соработуваат во справувањето со кривичните дела извршени преку социјалните мрежи.

Европратениците во текот на денешното гласање, меѓу другото, ги поддржаа и предлозите за институционални реформи за зголемување на конкурентноста на ЕУ и извештаите за „постојаното поткопување на владеењето на правото од страна на Унгарија и нејзиното континуирано кршење на вредностите на ЕУ“ и за забрзување на процедурите за одобрување и овластување за биолошки контролни агенси.

Тагови: ЕП

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Месечни стипендии до 5.000 денари за учениците од Центар

Месечни стипендии до 5.000 денари за учениците од Центар,  поддршка за талентот, успехот и развојот на младите.

Герасимовски: Месечни стипендии до 5.000 денари за учениците од Центар

Општина Центар ги повикува учениците од општинските основни училишта да аплицираат за стипендии во три категории: култура, наука, техника и посебни вештини, како и спорт. Дополнително се доделуваат стипендии на осум талентирани ученици од семејства со висок социјален ризик.

Висина на стипендиите во категориите култура, наука, техника и посебни вештини, изнесува 4.000 и 4.500 денари месечно, додека за спортските стипендии се предвидени 3.500, 4.500 и 5.000 денари месечно, во тек на осум месеци во тековната учебна година.

„Го исполнивме предизборното ветување за зголемување на ученичките стипендии за 50 проценти. Со оваа мерка обезбедуваме поголема поддршка за знаењето, креативноста, талентот и спортскиот дух на нашите ученици. Тие се нашата иднина и заслужуваат услови во кои ќе можат да се развиваат и да ги остваруваат своите амбиции“, порача градоначалникот на Општина Центар, Горан Герасимовски.

Секој ученик може да аплицира само во една категорија.

За пријавување потребно е да се достават потврда од училиште дека е редовен ученик/чка, кратка биографија, контакт од родител или старател, фотокопии од свидетелства, добиени дипломи, признанија и награди, како и потврди од надлежните федерации или акредитирани организации, согласно категоријата за која се аплицира.

Документите се поднесуваат во Архивата на Општина Центар-Скопје или по пошта на адреса: ул. „Михаил Цоков“ бр. 1, Скопје, со соодветна назнака за категоријата.

Крајниот рок за поднесување на документите е 23.9.2026 година.

Огласите се објавени на веб-страницата на Општина Центар, каде што се наведени сите услови и потребни документи за аплицирање:

ОГЛАС за доделување стипендии на талентирани ученици од областа на културата од општинските основни училишта на територијата на Општина Центар-Скопје за учебната 2026/2027 година | Општина Центар

ОГЛАС за доделување спортски стипендии на талентирани спортисти од општинските основни училишта на подрачјето на Општина Центар во учебната 2026/2027 година | Општина Центар

ОГЛАС за доделување стипендии на талентирани ученици од областа на науката, техниката и посебните вештини од општинските основни училишта на територијата на Општина Центар-Скопје за учебната 2026/2027 година | Општина Центар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Иџе во Бузет: Големо финале на европскиот шампионат на ридски патеки

Игор Стефановски - Иџе е подготвен за последниот предизвик во сезоната.

Иџе во Бузет: Големо финале на европскиот шампионат на ридски патеки

Овој викенд, од 18 до 20 септември, Бузет, Хрватска, ќе биде домаќин на големото финале на FIA Европскиот шампионат на ридски патеки (FIA EHCC).

По одличниот настап и успешниот старт со новиот прототип „Нова прото“ во Словенија, Иџе сега го насочува фокусот кон култната трка 45- Buzetski dani 2026, која традиционално привлекува голем број врвни европски возачи.

Официјалната листа на пријавени брои дури 242 возачи, а во Категорија 2, во која од оваа сезона настапува Иџе со новиот болид, се пријавени најдобрите имиња од европската елита.

„Очекуваме добар резултат и сакаме таму да ја продолжиме оваа убава европска приказна. Бузет има посебно место во мојата кариера“, вели Иџе, кој со нетрпение го очекува настапот. Стефановски ветува спектакл за верната публика во Бузет.

Бузет има посебно значење за неговата кариера. Токму на оваа патека минатата сезона Иџе ја возеше својата 200-та трка во кариерата, а сезоната во FIA Европскиот шампионат на ридски патеки ја заврши со одлично трето место во Група 1.

Оваа година предизвикот е уште поголем. Со преминувањето на Ново прото, Игор Стефановски - Иџе и официјално се пресели во Категорија 2, најпрестижната и технолошки најнапредната категорија во европскиот автомобилизам на ридски патеки.

Последниот викенд од европскиот шампионат носи нова битка, силна конкуренција и уште еден спектакл на легендарната патека во Бузет. Иџе е подготвен. Бузет и неговата публика го очекуваат. Македонија ќе има нова шанса да навива за својот шампион.

Тагови: Игор Стефановски Иџе

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Конгресот на САД изгласа построги санкции против Русија

Претставничкиот дом на САД  гласаше со 262 гласови „за“ и 159 „против“ за усвојување на закон за санкции и царини со цел зголемување на економскиот притисок врз Русија поради нејзината инвазија во Украина.

Конгресот на САД изгласа построги санкции против Русија

Претставничкиот дом на САД гласаше со 262 гласови „за“ и 159 „против“ за усвојување на закон за санкции и царини со цел зголемување на економскиот притисок врз Русија поради нејзината инвазија во Украина, испраќајќи го законот до претседателот Доналд Трамп за негов потпис.

Ова веројатно е најзначајната иницијатива на САД за поддршка на Украина откако Трамп се врати на функцијата: По Сенатот, и претставничкиот дом сега ги одобри новите санкции. Законот сега се нарекува „закон за санкции на Русија и Иран од Линдзи Греам од 2026 година“, во чест на покојниот републиканец од Јужна Каролина кој го предложи пред година ипол.

Десетици демократи се одвоија од раководството на нивната партија и им се придружија на повеќето републиканци во поддршката на законот.

Законот е насочен кон руската енергетска и одбранбена индустрија, како и кон руската „флота во сенка“ од танкери кои ги заобиколуваат западните санкции и пловат низ меѓународните води што е спротивно на меѓународното право вклучитело и поморското, и се соочи со отпор бидејќи го овластува Трамп да воведе високи царини на Кина, Индија и други земји за да ја намалат нивната зависност од руската нафта и гас и да ги продолжат санкциите кон Иран.

Тагови: Конгрес русија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер