Во Делчево се одржа фестивал за афоризам и карикатура „Пијанец 2016“ - Канал 5

Култура

Во Делчево се одржа фестивал за афоризам и карикатура „Пијанец 2016“

Во Делчево синоќа се одржи петтото издание на меѓународниот фестивал за афоризам и карикатура „Пијанец 2016“ на која учество зедоа познати балкански афористичари и карикатуристи.

Во Делчево се одржа фестивал за афоризам и карикатура „Пијанец 2016“
Како што истакна познатиот делчевски афористичар, Миле Ѓоргијоски, со ова јубилејно издание на фестивалот, Делчево се етаблира како град на хуморот и сатирата.

- Афоризмот и карикатурата се еден вид издувен вентил кој им е многу потребен на луѓето во ова време, а сатирата е, всушност, единственото нешто на кое луѓето можат да им веруваат. Најчитани се политичките афоризми, но и афоризмите кои ги сликаат машко-женските односи, односно, секојдневието кажано со уметничкиот речник на еден афористичар, рече Ѓорѓијоски.

Фестивалот започна со ликовна колонија за карикатура „Пијанец 2016“ на која учествуваа млади ликовни уметници од Делчево кои цртаа карикатури на тема „Внимавај човек“ под менторство на Миро Георгијевски и Јордан Поп Илиев (Македонија) и Јовчо Савов (Бугарија).

Во рамки на Пијанечките денови на карикатура и афоризам имаше меѓународна вечер на хумор и сатира на која учество зедоа со свои дела познати афористичари од Македонија, Србија и Бугарија, а беа промовирани илустираната антологија на еротски афоризми „Будење на петелот“ и „Времето е најдобар судија“ која е прва илустрирана книга афоризми на македонски автори.

- Меѓународната вечер на сатира во Делчево со богатата листа на учесници и со промоцијата на книгите, е доста значајна за македонската сатирична литература и традиција. Вечерва се промовирани и првите две книги од тој вид, издадени во Македонија, а „Будење на петелот“ е и прва антологија на еротски илустрирани афоризми досега издадени во светот, каде се застапени 110 автори од Србија, Република Српска, БИХ, Црна Гора, Хрватска, Бугарија, Полска, Русија и Македонија. Исто така и за книгата „Времето е најдобар судија, која е прва илустрирана книга од македонски автори. Ова е добра можност, нашите сограѓани директно да се запознаат со ова творештво и се надеваме дека овој настан сместен во делчевското културно лето е добра и квалитетна понуда а нашите сограѓани, истакна Тони Стоименовски од ЛЕР од Општина Делчево.

Инаку, најнаградуваниот македонски карикатурист Јордан Поп Илиев имаше своја изложба „50 години творештво“ на која симболично беа изложени 50 негови дела, а во рамките на фестивалот беше оргнаизирана и ретроспектива од позначајните дела на светските и домашните карикатуристи и афористичари учесници на делчевскиот фестивал во периодот од 2012 до 2016 година.

Фестивалот е во организација на Општина Делчево со финансиска поддршка од Минситерството за култура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Победата на Левица, Евреите во Берлин ја сметаат за закана

Израелскиот амбасадор во Германија, Рон Просор, предупреди на непосредна егзистенцијална закана за еврејската заедница во Берлин откако крајнолевичарската партија Левица победи на регионалните избори во германскиот главен град.

Победата на Левица, Евреите во Берлин ја сметаат за закана

Тој кажа дека Левица, наследничка на комунистичката партија што владееше со поранешна источна Германија, покажала „апсолутно неконтролиран антисемитизам“.

„ За еврејската заедница во Берлин, теоретската закана станува конкретна и непосредна егзистенцијална опасност“, рече Просор.

Со победата на Левица, нејзината водечка кандидатка, 45-годишната Елиф Ералп, би можела да стане првата градоначалничка на Берлин од редовите на оваа партија и прва со турско потекло.

Тагови: Берлин

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерката за надворешни работи на Канада, Анита Ананд

На маргините на Генералното собрание на Обединетите нации, министерот за надворешни работи и надворешна трговија, Тимчо Муцунски, денеска во Њујорк оствари средба министерката за надворешни работи на Канада, Анита Ананд.

Средба на министерот Муцунски со министерката за надворешни работи на Канада, Анита Ананд

Во годината кога се одбележуваат 30 години дипломатски односи, соговорниците ја потврдија цврстата основа на македонско-канадското партнерство и заедничкиот интерес за негово натамошно продлабочување.

Беше истакнато и значењето на бројната македонска заедница во Канада, која претставува важен мост и дополнителна вредност во односите меѓу двете земји.

На средбата стана збор и за унапредување на политичката и економската соработка, со посебен фокус на можностите за зголемување и диверзификација на трговската размена.

Двајцата министри ја потврдија блиската соработка и меѓусебната поддршка во рамките на мултилатералните организации, особено во Обединетите нации и НАТО, како и заедничката посветеност на стабилноста и меѓународната безбедност, соопштуваат од МНРиНТ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Унгарец во повеќе торби сокрил девизи, Царината спречи обид за нелегален внес на 200.000 евра на Табановце

Спречен обид за нелегално внесување на непријавени девизи во висина од 200 илјади евра, откако унгарски државјанин на влез во државава, на граничниот премин Табановце, спротивно на закон не ги пријавил кај царинските службеници.

Унгарец во повеќе торби сокрил девизи, Царината спречи обид за нелегален внес на 200.000 евра на Табановце

Поради постоење сомнеж, возилото било селектирано за контрола и извршен е детален преглед при што помеѓу менувачот во ташна била пронајдена црна платнена торбичка со девизни средства во вкупен износ од 65.000 евра. При понатамошниот преглед во ранец кој се наоѓал на задното седиште била пронајдена мала црна торбичка која била покриена со компјутер во која имало 37.650 евра. Во куфер кој исто така се наоѓал на задното седиште, помеѓу гардеробата била пронајдена уште една црна торбичка со 97.350 евра.

Од вкупно пронајдените непријавени парични средства во износ од 200.000 евра на патникот му се вратени 10.000 евра согласно Законот за девизно работење, додека останатите 190.000 евра се задржани со Потврда за задржани средства.

Против сторителот е поднесена соодветна прекршочна пријава, соопшти Царинската управа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер