Во Чикаго ја обоија реката во чест на празникот Сент Патрик (ВИДЕО) - Канал 5

Свет

Во Чикаго ја обоија реката во чест на празникот Сент Патрик (ВИДЕО)

Денеска, 17 март, е Денот на Свети Патрик, а милиони Американци го слават на различни начини, од учество во паради до пиење пиво.

Во Чикаго ја обоија реката во чест на празникот Сент Патрик (ВИДЕО)

Сепак, ниедна прослава не е толку необична како онаа во Чикаго, каде што реката традиционално се бои зелено. Оваа година, реката Чикаго стана зелена во сабота, 14 март, пред денешниот празник.

Градските власти истураат специјална зелена боја во реката Чикаго во близина на мостот Колумбус Драјв. За само неколку минути, реката добива светла ирска зелена боја, која е најинтензивна во текот на првиот час и останува неколку часа пред водата да се врати во нормална состојба. Оваа година, бојата се протегаше сè до улицата Орлеанс. Иако формулата на бојата е тајна, позната е дека е еколошка и нетоксична.

Традиција создадена случајно

Сè започна во шеесеттите години од минатиот век, кога тогашниот градоначалник Ричард Џ. Дејли предложи езерото Мичиген да се обои зелено, но тој проект се покажа како премногу амбициозен. Набргу потоа, водоинсталатерите од локалниот синдикат, барајќи протекување во цевките, користеле портокалова боја која станувала смарагдно зелена во контакт со вода. Еден пријател на градоначалникот, кој го водеше синдикатот, му кажал за ова откритие, по што заедно одлучиле дека ќе ја обојат реката Чикаго наместо езерото за Денот на Свети Патрик.

YouTube video

Првпат е направено во 1962 година и оттогаш боењето на реката стана заштитен знак на прославата во Чикаго. Туристичкиот одбор „Избери Чикаго“ го опишува овој настан како една од најуникатните прослави на Денот на Свети Патрик во светот. „Годишното боење на реката Чикаго е сакана традиција повеќе од половина век, настан што многу луѓе сакаат да го доживеат. Обично се одржува во саботата пред Денот на Свети Патрик“, според заедницата.

„Брилијантната зелена боја трае само неколку часа, затоа не заборавајте да здогледате и да направите неколку фотографии пред да се упатите кон локалниот паб на зелено пиво“, додадоа тие. За сите оние кои се надеваа дека ќе ја видат зелената река денес, веројатно е предоцна. Како што забележа туристичката заедница, бојата трае само неколку часа, што значи дека реката Чикаго веќе се вратила во својата вообичаена боја досега.

Тагови: река Чикаго

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Тепачка на трибините на мечот Иран - Нов Зеланд

Голема навивачка тепачка го одбележа натпреварот од Светското првенство меѓу Иран и Нов Зеланд одигран во Лос Анџелес. 

Видео: Тепачка на трибините на мечот Иран - Нов Зеланд

Првото коло од Светското првенство донесе интересен дуел меѓу Иран и Нов Зеланд, кој на крајот заврши без победник со резултат 2:2.

Нов Зеланд двапати имаше предност во текот на средбата, но Иран се врати двата пати и успеа да освои вреден бод на почетокот од Мундијалот.

Иако двете селекции имаа свои можности за победа, на крајот мораа да бидат задоволни со поделбата на бодовите.

Покрај на зелениот терен овој дуел бил интересен и на трибините.

По натпреварот се појавија видеа од инциденти на трибините, каде што беа снимени судири меѓу навивачите, што фрли дополнителна сенка врз воведниот натпревар.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Во тек обнова на чешми за пиење вода

Во Општина Карпош во моментов се обновуваат чешмичките за пиење вода на неколку локации на локалната самоуправа. 

О. Карпош: Во тек обнова на чешми за пиење вода

Изминатите денови, старите чешмички беа заменете со нови во населбата Бардовци, Карпош 3 и Влае на плоштадот Делфина. Станува збор за веќе постоечи чешми кои беа нефункционални, скршени и не беа во состојба за користење.

Целта на оваа акција е карпошани да имаат достапна вода за пиење на локациите каде што се поставени чешмите, каде можат да се разладуваат во овие топли летни денови.

Промената на чешмите ја врши фирмата ,,Хидротек”, а средствата се обезбедени во рамки на Програмата на Секторот за екологија и енергетска ефикасност.

Карпош продолжува секојдневно со инвестирање и преземање активности за подобрување на квалитетот на животот на своите жители.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Претседателот Филипче на одбележување на 83 годишнината од масакрот на младинците во Ваташа

Денеска присуствуваме на одбележувањето на 83-годишнината од масакрот, убиството на младинците тука во Ваташа од страна на бугарскиот окупатор. 

СДСМ: Претседателот Филипче на одбележување на 83 годишнината од масакрот на младинците во Ваташа

Ова нѐ учи дека политиките на омраза и на поделба единствено до што водат се трагедии.

Затоа имаме обврска денес, во денешно време, да ги зајакнуваме демократијата, владеењето на правото и сите вредности и политики коишто произлегуваат од ужасите на Втората светска војна.

Благодарам.

Изјава за медиуми, претседател на СДСМ, д-р Венко Филипче

YouTube video

Скопје, 16.06.2026

СДСМ

Тагови: Венко Филипче

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер