Во близина на карбинското село Радање откриена ѕидана гробница од крајот на вториот век - Канал 5

Култура

Во близина на карбинското село Радање откриена ѕидана гробница од крајот на вториот век

Во близина на карбинското село Радање откриена ѕидана гробница од крајот на вториот и почетокот на третиот век.

Во близина на карбинското село Радање откриена ѕидана гробница од крајот на вториот век

Археолозите од Заводот за заштита на споменици и Музеј на град Штип на локалитетот „Беш тепе“ кај карбинското село Радање во изминатите 30 дена открија ѕидана гробница која датира кон крајот на вториот и почетокот на третиот век.

Митко Штерјов, раководител на археолошките истражувања, вели дека во самата гробница откриени се повеќе наоди од керамика и монети.

- Се работи за една индивидуа, кој бил голем великодостојник, кој владеел во овој простор. Инаку на овие простори откриени се околу десеттина могили. На овој локалитет биле пет, една е откриена во 1941 година, втора е уништена со правење на земјоделските комбинати, две успеавме да сработиме јас и колегата Ване Секулов од Заводот и Музеј од Струмица. Останува уште една на овој локалитет, изјави денеска Штерјов.

Археологот Секулов вели уникатноста на гробницата е во нејзината структура. Досегашните искуства на могилите на овие простори се прикриени само со земјена обвивка, но оваа е ѕидана и по тоа се разликува.

- Овде на ова место и во 2013 година кога се работеше, претходната могила, исто така се откри ѕидана, односно конструкција од реден речен камен, којашто беше со помали димензии од годинашната. Оваа се разликува од претходната што е многу поголема по димензии 16 на 12 метри, висока скора четири метри и особено се издвојува по тоа што кон врвот на могилата водат четри скали, кои се исто така направени од камен, вели Секулов.

Тој истакна дека на врвот на могилата пак бил направен посебен простор со редни камени, со правоаголна форма, каде што била поставена последната жртва на покојникот.

- Сакам да напоменам дека во оваа могила се погребани три индивидуи. Значи централниот гроб, заради кој се подигнала оваа могила и врз која е подигната камената конструкција. Се работи за голем гроб, димензиите му се 3,30 на 2,30 метри, длабок е половина метар и се разликува по тоа што во него не пронајдовме остатоци од кремација. Трите гроба се кремација, односно покојниците биле спалувани. Но овде е запазен ритуалот, односно гробната јама пред положувањето на покојникот била горена за да се исчисти од злите духови и во централниот дел од гробната јама е ископано посебно лежиште, каде била поставена урната, рече Секулов.

Археолиозите Секулов и Штерјов велат дека централниот гроб на оваа могила бил ограбен уште во времето на антиката, многу брзо после погребувањето. Штерјов најави дека по откриевањето на ваквите ретки наоди ќе достават проект до Министерството за култура и туризам, со цел да се конзервираат двете гробници и да се добие уште една туристичка понуда во Општина Карбинци, покрај археолошкиот локалитет „Баргала“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Кетрин Зета-Џонс: Бракот со Даглас ќе пропаднеше ако престаневме да работиме

Кетрин Зета Џонс (56) откри дека нејзиниот брак со Мајкл Даглас (81) е успешен веќе 26 години. Клучот, тврди, е што времето го поминуваат одделно, посветено на кариерата. 

Кетрин Зета-Џонс: Бракот со Даглас ќе пропаднеше ако престаневме да работиме

Холивудската двојка се заљубила пред речиси три децении, а Даглас наводно и рекол на првата средба: „Јас ќе бидам татко на твоите деца“.

Двојката која има две деца Дилан (26) и Керис (23) исто така помина низ тешки времиња. Тие накратко се разделија во 2013 година, кога на Даглас му беше дијагностициран рак на грлото, а Зета-Џонс се справуваше со биполарно растројство. Набрзо се смириле, а актерката за „The Sunday Times Culture“ објаснила како опстанала нивната врска.

„Мајкл ми вели: „Прифати ја работата, супер е“. Потоа може да лета и да ме посети. Многу е подобро отколку да се разбудите со прашањето: „Што сакаш за појадок, душо?“ Мислам дека нашиот брак немаше да опстане ако изгледаше така“, рече таа.

Посветеност на работата и семејниот живот

Додека Даглас се повлече од актерството во 2022 година по речиси 60-годишна кариера и рече дека ќе се врати само за „специјална“ улога, Зета-Џонс продолжува да работи. По успехот на серијата на Нетфликс „ Wednesday“, нејзиниот следен проект е главната улога во серијата „Kill Jackie“. Кога не снимаат, парот живее во Њујорк, каде што се преселиле откако живееле на Бермуди десет години.

Нивните деца, Дилан и Керис, исто така градат актерска кариера по завршувањето на факултетот. „Тие се обидуваат. Мора да ја следите вашата страст“, ​​рече Зета-Џонс.

Театарско деби на ќерката Керис

Керис, која дипломираше на Универзитетот Браун минатата година, дебитираше во театарот во Њујорк во јули. Таа глумеше во претставата на Чехов „Галеб“, која беше одиграна на крајот на јуни во Бруклин, а видеото од нејзиниот настап стана вирално на социјалните мрежи.

Семејна пријателка потврди дека нејзините родители се „многу горди“ на нејзиниот успех. Самата Керис зборуваше за списанието „People“ за нејзината желба да продолжи да глуми. „Пораснав во театар. Не студирав глума, но среќна сум што сум во креативна средина и се надевам дека ќе продолжам по тој пат“, вели таа.

Во 2018 година, таа го опиша растењето со познати родители за „Town & Country“: „Ме држат приземјена и ме потсетуваат: „Погледни околу себе. Животот што го имаш е извонреден“.

Извор: Индекс.хр

Тагови: Кетрин Зета-Џонс

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Објавена е листа на 10-те најдобри европски дестинации за есен

Европа нуди долга и разновидна есен, со пејзажи кои се движат од планински долини и шуми до лозја, од кои сите добиваат препознатливи сезонски бои.

Објавена е листа на 10-те најдобри европски дестинации за есен

Европа може да биде навистина убава за време на есента, па затоа е објавена листа од десет европски дестинации во кои навистина може да се ужива по летото.

10 европски дестинации за посета за време на есента:

1. Езерото Блед, Словенија

2. Баварските Алпи, Германија

3. Езерскиот округ, Англија

4. Трансилванија, Романија

5. Пертшир, Шкотска

6. Доломити, Италија

7. Долина на Лоара, Франција

8. Лапонија, Финска

9. Долина Дуро, Португалија

10. Национален парк Плитвички Езера, Хрватска

Извор: Индекс.хр

Тагови: Европа есен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Брод нападнат во близина на оманскиот брег, морнар исчезнат

Индија соопшти дека 13 членови на екипажот се спасени, додека едно лице сè уште се води како исчезнато по нападот врз брод во близина на оманскиот брег во Ормузскиот теснец.

Брод нападнат во близина на оманскиот брег, морнар исчезнат

Осудувајќи го нападот врз трговскиот брод МТ Ел Гаја, индиското министерство за надворешни работи соопшти дека 14 индиски членови на екипажот биле на бродот во времето на нападот, а еден сè уште се води како исчезнат.

„Нашата амбасада во Оман внимателно ја следи ситуацијата и проактивно се координира со оманските власти во тековната операција за пребарување и спасување. Им благодариме на оманските власти за нивната поддршка во спасувањето на нашите државјани“, соопшти министерството.

Повикувајќи на „итна деескалација и дијалог и дипломатија за да се донесе мир во регионот“, Њу Делхи рече дека „таргетирањето на трговските бродови, морнарите, цивилите и цивилната инфраструктура во регионот е неприфатливо“.

Ситуацијата во теснецот не се смирува

„Исто така, повикуваме на итно враќање на слободната и безбедна пловидба и протокот на трговија преку меѓународните водни патишта во регионот“, соопшти министерството.

Британскиот орган за поморски трговски операции (UKMTO) соопшти рано во неделата дека брод што минувал низ Ормускиот теснец бил погоден од неидентификувана муниција.

Во соопштението објавено на интернет се вели дека нема достапни информации за состојбата на екипажот, обемот на штетата или потенцијалното влијание на бродот врз околната средина.

Поморскиот орган соопшти дека е во тек истрага и им советува на бродовите да продолжат да пловат со претпазливост и да пријавуваат каква било сомнителна активност.

Сообраќајот низ критичниот Ормуски теснец останува далеку под нивоата забележани пред почетокот на војната меѓу САД и Иран во февруари оваа година, поради тековните безбедносни ризици и нападите врз трговски бродови што минуваат низ регионалните води.

Извор: Индекс.хр

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер