Свет

Австралија на шест месеци им забрани влез на ирански туристи

Австралија привремено го суспендира влезот во земјата за иранските државјани со туристички визи, објави министерот за внатрешни работи во среда.

Тој објасни дека постои ризик привремените посетители од Иран „нема да можат или веројатно нема да сакаат да ја напуштат Австралија кога ќе им истече визата“. Забраната, која стапува на сила во четврток, ќе се применува во следните шест месеци, објавува CNN.

Сепак, некои Иранци сè уште ќе можат да патуваат во Австралија. Забраната не се однесува на оние со долгорочни визи, ниту на лицата кои имаат деца или сопружници во земјата.

„Владата дејствува во национален интерес во услови на брзо менување на глобалните услови“, рече министерот Бурк. Според неговите податоци, околу 7.000 ирански државјани моментално имаат австралиска туристичка виза.

Критики за спречување на барателите на азил

Одлуката доаѓа кратко откако Австралија им додели политички азил на седум члена на женската фудбалска репрезентација на Иран претходно овој месец. Сепак, пет спортистки во меѓувреме се предомислија и го повлекоа своето барање за статус на бегалец.

Сенаторот Дејвид Шубриџ, портпарол за имиграција на австралиските зелени, го нарече потегот на владата „брутална и неправедна одлука насочена кон спречување на Иранците да бараат заштита на австралиска почва, како што направија членовите на иранската женска фудбалска репрезентација“.

„Огромното мнозинство луѓе кои бараат азил од авторитарни земји го прават тоа со обезбедување виза, а потоа аплицирање за азил по пристигнувањето“, рече Шубриџ. „Бројот на хуманитарни визи доделени на луѓе додека се уште се во Иран е занемарлив, бидејќи самиот процес на аплицирање јасно би ги означил како цели за иранската влада“, додаде тој.

Тагови: Австралија туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Француски суд: Ле Пен може на претседателските избори, но ќе носи електронска алка

Апелацискиот суд во Париз ја потврди пресудата на Марин Ле Пен за злоупотреба на средства од Европскиот парламент, но ја скрати нејзината забрана за вршење јавна функција, со што ѝ го отвори патот повторно да се кандидира на претседателските избори.

Лидерката на крајната десница, сега може да учествува на изборите следната година, но под услов да носи електронска нараквица една година, што претходно изјави дека не го прифаќа. Судот ѝ изрече тригодишна затворска казна – две години условно и една година со електронски надзор. Ле Пен се кандидираше за претседател три пати. Таа стана главен ривал на Емануел Макрон, откако двапати се кандидираше и два пати загуби од него.

Тагови: ле пен

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре променливо облачно со сончеви периоди

Времето утре ќе биде променливо облачно со сончеви периоди.

Во попладневните и вечерните часови ќе има локална појава на нестабилност со пороен дожд и грмежи. Ќе дува слаб до умерен ветер од северозападен правец, кој попладне наместа долж Повардарието повремено ќе засилува. Минималната температура ќе биде во интервал од 9 до 20, а максималната ќе достигне од 29 до 36 степени.

Во Скопје, променливо облачно со сончеви периоди. Попладне во делови од котлината ќе има услови за појава на нестабилност со пороен дожд и грмежи. Ќе дува слаб до умерен ветер од северозападен правец. Минималната температура ќе се спушти до 18, а максималната ќе достигне до 34 степени.

Следува период на претежно стабилно време. Ќе дува умерен, наместа повремено засилен северен ветер. Во четврток и во недела се очекува локална појава на нестабилност со пороен дожд, грмежи и засилен ветер.

Тагови: променливо облачно

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ѓорѓиевски: Град Скопје со помош за Венецуела - Скопје, град на солидарноста!

Град Скопје доделува финансиска помош во висина од 1.200.000 денари за справување со последиците од земјотресот.

„Скопје многу добро знае што значи болка по разорен земјотрес.

Нашиот град ја носи таа лузна длабоко во својата историја, но ја носи и најсилната порака, дека кога е најтешко, човечноста мора да биде најгласна.

По катастрофалниот земјотрес во 1963 година, Скопје не остана само.

Светот подаде рака, народи од сите континенти помогнаа градот повторно да се роди од урнатините, а меѓу првите земји кои застанаа со помош и солидарност беше токму Венецуела.

Тоа Скопје не го заборава.

Токму затоа, денес, кога народот на Венецуела се соочува со последиците од земјотресот, Град Скопје возвраќа со човечност, почит и поддршка.

Град Скопје доделува финансиска помош во висина од 1.200.000 денари за справување со последиците од земјотресот, како искрен чин на солидарност кон пријателскиот народ на Венецуела.

Изразуваме длабоко сочувство до семејствата на жртвите, а на повредените им посакуваме брзо закрепнување.

Нашите мисли се со сите граѓани кои минуваат низ овие тешки моменти.

Скопје беше изградено од солидарноста на светот, меѓу кои беше и Венецуела.

Затоа Скопје денес е светски град.

Скопје памети.

Скопје сочувствува.

Скопје помага.“- објави на Фејсбук, градоначалникот на Град Скопје, Орце Ѓорѓиевски.

Тагови: Орце Ѓорѓиевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.