Во 2025 година ЕБОР инвестирала повеќе од 800 милиони евра во Србија - Канал 5

Балкан

Во 2025 година ЕБОР инвестирала повеќе од 800 милиони евра во Србија

Во 2025 година ЕБОР инвестирала повеќе од 800 милиони евра во Србија

Европската инвестициска банка (ЕБОР) соопшти дека инвестирала повеќе од 800 милиони евра во разни проекти во Србија во 2025 година, во рекордни 42 проекта при што 84 отсто од вкупните инвестиции биле насочени кон приватниот сектор, со посебен фокус на зајакнување на отпорноста и конкурентноста на малите и средни претпријатија (МСП).

Во текот на 2025 година, ЕБОР одбележа значаен јубилеј во Србија, досега (од 2001 година) кумулативните инвестиции во таа држава го надминаа износот од 10 милијарди евра.Како што е наведено, во текот на 2025 година, речиси половина од вкупните инвестиции на ЕБОР во Србија беа пласирани преку мрежа на партнерски финансиски институции, локални банки и компании за лизинг, првенствено во корист на малите и средни претпријатија.

Тие средства се достапни преку широк спектар на целни финансиски производи, насочени кон поттикнување на инвестициите во зелената и дигиталната транзиција, подобрување на пристапот до финансирање за бизниси предводени од млади и жени и зајакнување на трговските активности.

Регионалниот директор на ЕБОР за Западен Балкан, Матео Коланџели, изјави дека во 2025 година е одржано многу високо ниво на инвестиции, со уште поголем процент насочен кон приватниот сектор, особено МСП.

„Со повеќе од 800 милиони евра инвестирани во текот на 2025 година, вкупниот износ што ЕБОР го инвестираше во Србија досега надмина 10 милијарди евра, што сведочи за силата и квалитетот на нашите партнерства во земјата. Со континуираното зајакнување на нашиот регионален центар во Белград, ние остануваме посветени на понатамошно проширување на нашите активности со цел да ја зајакнеме отпорноста и конкурентноста на српската економија“, рече Коланџели.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Њоки

Во понеделник (28.09.2026) во емисијата гостин ни бeше Анета Љумаковска.

„Гответе со Дракче“ - Њоки

Состојки за денешниот рецепт:

400 гр. њоки

100 мл. павлака за готвење

5 - 6 сушени домати

1 чешне лук

малку пармезан

масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Селекторот на Португалија: Ако Роналдо сака да се врати, ќе се врати

Селекторот на португалската репрезентација, Жорже Жезус, изјави дека Кристијано Роналдо може да се врати во националниот тим доколку одлучи да го стори тоа.

Селекторот на Португалија: Ако Роналдо сака да се врати, ќе се врати

41 годишниот Роналдо кој со децении беше капитен на Португалија, го напушти репрезентативниот камп за време на Лигата на нациите, откако натпреварот против Норвешка го мина на клупата за резерви и потоа дозна дека нема да биде во почетниот состав ниту против Данска.

Напаѓачот на Ал-Наср има одиграно 234 натпревари и постигнато 146 гола за Португалија – што претставуваат светски рекорди во двете категории.

По напуштањето на кампот, тој на социјалните мрежи напиша: „Кога ќе дојде време, ќе им ја кажам на Португалците целата вистина за причините поради кои ја напуштив репрезентацијата, на која отсекогаш сум ѝ бил целосно посветен“.

Селекторот Жезус зборуваше за ситуацијата со Кристијано на пресот по синоќешниот натпревар против Норвешка, во кој Португалија обезбеди пласман во четвртфиналето на Лигата на нации.

„Ако сака да се врати во репрезентацијата, ќе се врати“, рече Жезус, кој исто така му беше тренер на Роналдо во Ал-Наср.

„Можеме да разговараме пред следниот повик, но Крис е тој што ја носи одлуката. Кристијано треба да ја заврши својата репрезентативна кариера под свои услови; тој е тој што ќе одлучи како ќе замине“, изјави селекторот.

Жезус се потсети и на нивниот претходен договор. „Кога го објавив првиот состав, му реков: 'Ми требаш; те сакам покрај себе, без разлика дали играш или не'. И истото му го кажувам и сега.“

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Крвава забава во САД: Има загинати; испукани најмалку 50 куршуми

 Две лица загинале, а 35 се повредени откако дојде до пукање на улична забава во американската сојузна држава Џорџија, соопштија денеска локалните власти. 

Видео: Крвава забава во САД: Има загинати; испукани најмалку 50 куршуми

Дваесет и петмина од повредените се пренесени во болница, објави „Си-би-ес њуз“ (CBS News).

Пукањето се случило во раните утрински часови во градот Вајена, а замениците на шерифот слушнаа истрели околу 1:25 часот по локално време додека патролираа низ областа.

Од Бирото за истраги на Џорџија соопштија дека, кога полицајците пристигнале на местото на настанот, затекнале повеќе лица кои биле застрелани.

Две лица кои се здобиле со смртоносни повреди биле пронајдени на неколку блока од местото каде што, според истражителите, започнало пукањето.

Шерифот на округот Дули, Крег Пиви, изјави дека повеќе од 1.000 луѓе се собрале на улицата Пајн за да ја прослават годишнината од собирот на поранешни ученици и локални жители, при што биле испукани најмалку 50 истрели на две различни локации. Надлежните не објавија информации за можен осомничен или за евентуален мотив за пукањето, ниту пак јавно ги идентификуваа загинатите и повредените.

Тагови: САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер