ВМРО-ДПМНЕ: Трендафилов, Деановски и Пешевски, заедно имаат месечни примања околу 5000 евра - Канал 5

ВМРО-ДПМНЕ: Трендафилов, Деановски и Пешевски, заедно имаат месечни примања околу 5000 евра

Триото Трендафилов, Деановски и Пешевски, заедно имаат месечни примања околу 5000 евра, или над 3 милиони денари годишно, немаат претстава како му е на обичниот работник.

ВМРО-ДПМНЕ: Трендафилов, Деановски и Пешевски, заедно имаат месечни примања околу 5000 евра

Триото Слободан Трендафилов, Трпе Деановски и Иван Пешевски, кои се продолжена рака на триото СДС, ДУИ и Левица, продолжуваат да работат по нивните насоки.

Дека работниците немаат веродостоен претставник во ССМ се докажува секојдневно од страна на ова трио, кое одработува за политиките на опозицијата.

Синдикалците на батерии не го интересира работникот, туку ги интересираат нивните милионски примања кои ги добиваат во вид на плата и други додатоци.

Овие лажни синдикалци работат исклучиво по насока на опозицијата, а доказ за тоа е нивниот молк. Прашањето е зошто Пешевски, на минатата власт, која самиот тој вели дека за една година од 2023 до 2024 ги зголемила трошоците за живот за 200 евра, не излегоа на протест и тогаш да им побараат на истите тие кои ги бранат денес, зголемување на минималната плата за 200 евра? Зошто тогаш ССМ на чело со Трендафилов, не повика на протести, туку само мудро премолчуваа.

Трендафилов, Пешевски и Деановски ги интересираат само парите и поволностите кои следуваат во нивните синдикати, добивајќи ги парите од истите оние работници, кои поради нивната дволичност изминативе години, имаат ниски примања.

СДС го насади ова трио по синдикатите, местејќи ги на позиции со огромни плати, кои ги добиваат од работниците кои земаат минимални плати, а потоа лицемерно бараат неаргументирано и неанализирано зголемување на платите.

Милионските суми кои ги добиваат во само една година, директно од работниците кои членуваат во синдикатите, се во вид на плати кои се за 3 или 4 пати поголеми од минималната плата, а плус на тоа добиваат и останати финансиски додатоци, во вид на договори на дело.

Прочитани се синдикалците на батерии. Владата ги зголемува платите на сите полиња, а тие ниту еднаш не го поздравија тоа!

ВМРО-ДПМНЕ

НБА плејоф: Минесота поведе, први победи за Орландо и Милвоки

Кошаркарите на Минесота поведоа во серијата до четири победи во плејофот на Западната конференција во НБА лигата со триумф над Лос Анџелес Лејкерс, додека Орландо и Милвоки ја намалија негативата на 1-2 во плејофот на Источната конференција.

НБА плејоф: Минесота поведе, први победи за Орландо и Милвоки

Минесота поведе во серијата со 2-1, откако синоќа во Минеаполис го победи ЛА Лејкерс со 116-104 во третиот натпревар од плејофот на Западната конференција. Џејден Мек Дениелс постигна 30 поени, а Ентони Едвардс го заврши натпреварот со поен помалку.

Леброн Џејмс беше најефикасен во редовите на Лејкерс со 38 поени, а Лука Дончиќ додаде 17 поени со осум асистенции и седум скокови.

Орландо намали на 1-2 во серијата по победата над Бостон со 95-93 во третиот натпревар од првото коло од плејофот во Источната конференција. Франц Вагнер беше најдобар стрелец на Орландо со 32 поени.

Милвоки, исто така. го намали дефицитот на 1-2 во серијата до четири победи откако на домашен терен беше поуспешен од Индијана со 117-101.

Гари Трент Јуниор и Јанис Антетокунмпо постигнаа по 37 поени за Милвоки, а Трент постигна девет тројки во 12 обиди и со тоа го израмни рекордот во плејофот на франшизата поставен од Реј Ален во финалето на Источната конференција во 2001 година. /МИА

Нафтена индустрија на Србија доби трето одложување на воведување санкции од САД

Нафтена индустрија на Србија (НИС) доби трето одложување на воведување санкции од САД поради мнозинскиот руски капитал во таа компанија. 

Нафтена индустрија на Србија доби трето одложување на воведување санкции од САД

Овојпат, воведувањето на санкции беше одложено за дури два месеца, односно до 27 јуни. Рокот на претходно одложените санкции изминува в понеделник - 28 април.

„Добри вести за граѓаните на Србија. Србија успеа да добие ново одложување на санкциите за НИС, овојпат за два месеца, до 27 јуни. Благодарност до нашите американски партнери за разбирањето на ставот на Србија“, напиша Вучиќ на својот Инстаграм профил buducnostsrbijeav.

Во средата, компанијата НИС поднесе ново барање до Министерството за финансии на САД за издавање посебна лиценца со која се одложува целосното спроведување на санкциите, а целта е да се овозможи компанијата непречено да работи и по 28 април.

Прв пораз сезонава на ПСЖ во Франција

 Надежите на ПСЖ дека ќе ја заврши актуелната сезона во француското фудбалско првенство без пораз завршија, откако синоќа претрпе шокантен пораз од Ница на домашен терен со 3-1.

Прв пораз сезонава на ПСЖ во Франција

Гостите поведоа преку Морган Сансон (34 минута), а Фабијан Руиз до крајот на полувремето израмни за ПСЖ (41), но Ница во продолжението постигна два гола преку Сансон (46) и Јусуф Ндајишимије (70).

Со ова заврши серијата на ПСЖ од 30 натпревари без пораз во француското првенство, во кое клубот од Париз веќе ја одбрани шампионската титула.

Пораз од Ница за составот предводен од Луис Енрике доаѓа пред полуфиналниот дуел против Арсенал во вторник во Лигата на шампиони. /МИА

притисни ентер