ВМРО-ДПМНЕ: СДС се без црвени линии, за Филипче се е на продажба па и националните интереси само поради власт - Канал 5

Македонија

ВМРО-ДПМНЕ: СДС се без црвени линии, за Филипче се е на продажба па и националните интереси само поради власт

СДС нема никакви црвени линии. 

ВМРО-ДПМНЕ: СДС се без црвени линии, за Филипче се е на продажба па и националните интереси само поради власт

Венко Филипче е спремен да ги распродава националните интереси исто како неговиот ментор Заев, само за да си ја зачува фотелјата на Бихачка и да дојде до власт.

СДС на чело со Филипче подготвени се да распродадат сè што е македонско, идентитетот, јазикот, историја и културата само поради една цел, за да дојдат на власт.

Скандалозната изјава на Рубин Земон, во која се релативизира македонскиот идентитет и се омаловажува ликот и делото на Гоце Делчев, не е изолиран инцидент, туку огледало на политиките што СДС ги спроведува со години. Тоа е континуитет на понижување и негирање на сопствените национални вредности и македонските граѓани.

Изјавата на Рубин Земон е олицетворение за вистинскиот пристап на СДС кон македонските национални интереси под раководство на Филипче.

Филипче и СДС наместо да ги бранат државните позиции, тие прифаќаат услови од оние што ја блокираат Македонија и директно го попречуваат нејзиниот пат кон Европската Унија.

За СДС, македонските национални интереси не се света обврска, туку средство за политичко пазарење. Не им пречи ниту фактот што нема никаква гаранција дека евентуални нови отстапки ќе бидат последни на патот кон ЕУ.

Филипче не само што не се оградува од ваквите ставови, туку и ги поттикнува, поставувајќи луѓе со вакви позиции на највисоки партиски функции и испраќајќи порака дека е подготвен на нови и уште подлабоки отстапки.

Рубин Земон е само уште една потврда дека за Филипче и СДС не постои граница кога станува збор за националните интереси. Сè е на продажба, само да се добие власта, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД воведуваат нови санкции за поддршка на воените програми на Иран

САД денес објавија нов пакет санкции насочени кон 11 лица и субјекти за поддршка на воените програми на Иран.

САД воведуваат нови санкции за поддршка на воените програми на Иран

Според соопштението од американската влада, санкционираните имале за цел да помогнат во набавката на оружје за Корпусот на иранската револуционерна гарда и редовната иранска армија, а штабот е во Кина, Хонг Конг, Иран и Белорусија.

Цел на Министерството за финансии

Канцеларијата за контрола на странски средства (OFAC) на Министерството за финансии на САД означи девет лица и компании со седиште во Кина и Хонг Конг. Тие се обвинети за учество во мрежа што ја олеснувала набавката на оружје за иранската војска.

Санкционирана е и компанија од Хонг Конг, за која се вели дека работи во рамките на тајната банкарска мрежа на Иран. Во посебен потег, Стејт департментот на САД санкционираше две компании и неколку лица од Иран и Белорусија. Според соопштението на Министерството за финансии, овие мерки се поврзани со активностите на Иран поврзани со конвенционалното оружје.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воен хеликоптер се урна во Пакистан, нема преживеани (ВИДЕО)

Пакистански воен хеликоптер се урна во среда во делот на Кашмир контролиран од Пакистан, при што загинаа сите во леталото. Војската соопшти дека техничка грешка е причина за несреќата, објави „Euronews“.

Воен хеликоптер се урна во Пакистан, нема преживеани (ВИДЕО)

„Хеликоптер Ми-17 на воздухопловните сили на Пакистан се урна во близина на Музафарабад денес за време на полетувањето поради техничка грешка“, се вели во соопштението на медиумското крило на војската. Во соопштението се додава дека „сите лица во леталото постигнале шехада (мачеништво)“, но не се наведува точен број на жртви.

Несреќата се случила во близина на Музафарабад, регионалниот главен град, за време на протестите и штрајкот организиран од Заедничкиот акционен комитет Авами, неодамна забранет сојуз на неколку групи. Војската не соопшти дали има некаква врска помеѓу несреќата и протестите.

Истрага на несреќата

Сведоци рекоа дека леталото се урна кратко по полетувањето од хелиодромот. Итните служби брзо се упатија кон местото на настанот и ги однесоа жртвите во блиската болница. Војската соопшти дека „екипите за спасување и опоравување веднаш стигнале на местото на несреќата“ и дека е наредена истрага за да се утврди точната причина за несреќата.

Официјални реакции

Пакистанскиот претседател Асиф Али Зардари и премиерот Шехбаз Шариф изразија сочувство за несреќата и им оддадоа почит на жртвите. Во одделни изјави, тие им изразија сочувство на семејствата на жртвите. Началникот на пакистанската армија, фелдмаршал Асим Мунир, исто така, изрази длабока тага за загубата на животи и сочувство до семејствата на починатите, се вели во соопштението.

Спорен регион

Пакистанската војска и влада го сметаат Кашмир за исклучително чувствителна област по години чести судири и војни со Индија. Кашмир, регион со муслиманско мнозинство, е целосно побаруван и од Индија и од Пакистан, но е поделен меѓу нив откако стекнаа независност од британската власт.

Тагови: Пакистан хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

На вечерашната седница на ЦК на ВМРО-ДПМНЕ беа потврдени одлуките за новите претседатели на ОК на ВМРО-ДПМНЕ, дополнително беа усвоени нови 3 членови на ИК на ВМРО-ДПМНЕ.

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

Нови членови на ИК на ВМРО-ДПМНЕ се Миле Лефков, Бобан Стефковски и Зоранчо Јованчев.

Миле Лефков е пратеник во македонското собрание, кој доаѓа од Кочани и претходно беше дел од извршниот комитет, искусен и докажан кадар на ВМРО-ДПМНЕ.

Бобан Стефковски е актуелен градоначалник на општина Гази Баба, кој донесе историски најдобар резултат на ВМРО-ДПМНЕ како кандидат за градоначалник и претседател на општинскиот комитет. Човек од збор кој има реализирани голем број на проекти во интерес на граѓаните.

Зоранчо Јованчев е пратеник во собранието и поранешен претседател на ОК Кавадарци. Докажан кадар кој со своето искуство ќе придонесе кон нови победи на партијата.

ВМРО-ДПМНЕ се реструктуира и реорганизира за да донесе нови успеси за Македонија.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер