ВМРО-ДПМНЕ: Само за да дојде на власт Филипче е спремен да го прифати секое барање на Бугарија - Канал 5

Македонија

ВМРО-ДПМНЕ: Само за да дојде на власт Филипче е спремен да го прифати секое барање на Бугарија

Само за да дојде на власт Филипче е спремен да го прифати секое барање на Бугарија и да ги распродава националните интереси, како што Заев би продавал лубеници на пазар.

ВМРО-ДПМНЕ: Само за да дојде на власт Филипче е спремен да го прифати секое барање на Бугарија

Венко Филипче исто како и Зоран Заев, не постои барање од Бугарија кое тој не е спремен да го исполни без никаков приговор, само за да дојде на власт.

Како пиун на Румен Радев, уценетиот Филипче уште од опозиција си кажува на што е спремен и што се може да прифати и спроведе само за да има можност да седне на премиерската фотелја.

Така, Филипче стана главен лобист за прифаќање на бугарскиот диктат и е најгласен за спроведување на уставните измени, а од друга страна збор не кажува додека бугарските власти не нарекуваат „северномакедонци“.

Освен тоа, па уште тврди дека Бугарија не го негира нашиот национален идентитет, додека официјалните лица на Софија велат дека нашите револуционерни дејци, херои и великани, Гоце Делчев, Сандански и другите, се Бугари, а и дека македонскиот јазик потекнувал од бугарскиот.

Но што може да се очекува од пиунот на Радев, Филипче и СДС кога во своите редови го имаат Стево Пендаровски, Рубин Земун и останатите на кои ставовите не им се различни од бугарските.

Од главниот лобист за прифаќање на бугарскиот ултиматум, Филипче не може да се очекува да ги брани државните интереси, затоа што тој гледа проблем во тоа источниот сосед да не смета за држава од 1945 година па наваму, затоа со Зоран Заев ги бришеше одлуките на АСНОМ во уставот.

Пиунот на Румен Радев, Венко Филипче за да се додвори на Бугарија уште утре е спремен да ги распродава историјата, јазикот, културата и идентитетот, како што Заев би продавал лубеници и пиперки на пазарот во Горни Милановац.

Ова политика на уценетиот Филипче е погубна и за државата и за партијата СДС, затоа стигна до тоа да има рејтинг од само 3%, што е еден процент помал од партискиот кој изнесува исто така ниски 4%.

Поради желбата по секоја цена да дојде на власт, Филипче се претвори во главен промотор на бугарските барања и стана послушен пиун на Радев, со што СДС ја направи четврта партија Македонија и ја бетонираше на дното на политичката сцена.

Не би било изненадување, на следните избори да добијат едноцифрен број на пратеници, зошто таква предавничка и поданичка политика како на СДС и Филипче, граѓаните не прифаќаат.

Со почит,

Центар за комуникации на ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода скопјанец кој управувал возило со 2,13 промили алкохол и без возачка

Лишен од слобода скопјанец кој управувал возило со 2,13 промили алкохол во организмот и без возачка дозвола, возилото е одземено.

Лишен од слобода скопјанец кој управувал возило со 2,13 промили алкохол и без возачка

На 09.08.2026 во 00:01 часот на локалниот пат Илинден – Марино, полициски службеници од Мобилната единица за безбедност на сообраќајот на патиштата при Секторот за сообраќајни работи го лишиле од слобода Д.В.(41) од Скопје.

При извршената контрола било констатирано дека тој управувал патничко моторно возило „опел“ со скопски регистарски ознаки под дејство на алкохол, при што му биле измерени 2,13 промили алкохол во крвта, а управувал и без да поседува возачка дозвола.

За настанот е известен јавен обвинител, а возилото е одземено. По целосно документирање на случајот, против него ќе бидат поднесени соодветни пријави по член 297-а од Кривичниот законик.

Засилените сообраќајни контроли ќе продолжат и во наредниот период.

Апелираме до сите учесници во сообраќајот да ги почитуваат сообраќајните правила и прописи, со што заеднички ќе придонесеме за побезбедни патишта

Тагови: Алкохол

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски ја жртвува водата на граѓаните за туѓи дата центри и сопствени тендери

Европа се соочува со суша, намалување на водните ресурси и пресушување на реките, што создава проблеми за енергетскиот сектор и го зголемуваат ризикот од недостиг на електрична енергија и нов раст на цените.

СДСМ: Мицкоски ја жртвува водата на граѓаните за туѓи дата центри и сопствени тендери

А Македонија веќе е зависна од увоз на струја, додека во над 50 населени места граѓаните се соочуваат со проблеми со загадена вода.

Токму во вакви услови, Мицкоски и ВМРО-ОКГ сакаат водата и струјата на граѓаните да ги продадат и да ги стават во функција на странски дата центри за сопствени тендерски профити.

Големите дата центри трошат огромни количини електрична енергија и чиста вода, додека економскиот бенефит во однос на бројот на нови работни места и даночните приходи може да биде ограничен.

Еден голем дата центар може да троши меѓу 1 и 3 милиони литри вода дневно – количина споредлива со дневната потрошувачка на град со 15.000 до 30.000 жители.

Владата на Мицкоски не успева да обезбеди доволно чиста вода за пиење за граѓаните, а сега сака огромни количини вода да стави под ризицик за комерцијални дата центри.

Огромна потрошувачка на вода носи ризик од притисок врз водоснабдувањето, а огромната потрошувачка на електрична енергија отвора ризик од дополнителен увоз и повисоки цени.

Колку дополнителна струја ќе биде потребна за планираните дата центри и колку од неа ќе мора да се увезува?

И уште поважно – кој на крајот ќе ја плати таа струја?

Повторно граѓаните преку повисоки сметки.

Нема одговор ниту на прашањето од каде ќе доаѓа водата за дата центрите.

Колкава ќе биде потрошувачката? Дали ќе има испуштање затоплена вода назад во реките и какви последици тоа може да има врз биодиверзитетот и животната средина?

Водата и струјата не смеат да станат скапа авантура од која ќе профитираат блиските до Мицкоски и ВМРО-ОКГ, а цената ќе ја плаќаат граѓаните.

СДСМ е против ставање на водата и електричната енергија на граѓаните под ризик заради бизнис интересите на власта.

Затоа бараме мораториум за изградба на нови комерцијални дата центри кои користат системи за ладење со испарување на вода.

Водата и струјата се стратешки ресурси на граѓаните, а не нов извор за тендерски профити на ВМРО-ОКГ.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се урна хеликоптер во Бразил, има загинати (ВИДЕО)

Четири лица загинаа вчера во хеликоптерска несреќа во Рио де Жанеиро за време на 20-минутен панорамски лет во Националниот парк Тижука, објавија бразилските медиуми.

Се урна хеликоптер во Бразил, има загинати (ВИДЕО)

Пилотот и тројца колумбиски туристи загинаа, објави порталот „G1“.

Хеликоптерот се урна во тешко пристапна пошумена област.

Пожарникарите мораа да користат техники за пристап со јаже за да стигнат до местото на несреќата и да го изгаснат пожарот што избувна откако хеликоптерот се урна и ја зафати вегетацијата.

Тагови: Бразил хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер