ВМРО-ДПМНЕ: Фактите од Брисел ги разобличија дезинформациите на СДС, ИПАРД продолжува и не е блокиран, а Реформската агенда напредува - Канал 5

Македонија

ВМРО-ДПМНЕ: Фактите од Брисел ги разобличија дезинформациите на СДС, ИПАРД продолжува и не е блокиран, а Реформската агенда напредува

СДС континуирано шири лаги и лиферува неточни информации во јавноста само за политички поен плус. 

ВМРО-ДПМНЕ: Фактите од Брисел ги разобличија дезинформациите на СДС, ИПАРД продолжува и не е блокиран, а Реформската агенда напредува

СДС и Филипче се нервозни и во паника од константното топење на нивниот рејтинг и го губат тлото под нозете па секојдневно ја манипулираат јавноста, но секој пат нивните лаги набрзо се демантираат и вистината излегува на виделина.

СДС и Филипче, свесно создаваат погрешна перцепција кај граѓаните и нанесуваат штета на институциите и процесите што се спроведуваат.

Брисел и Вајц ги потврдија фактите за тоа што СДС ширеше невистини за ИПАРД и Реформската агенда. Со тоа целосно се демантираат повеќемесечните тврдења и обиди за ширење паника од страна на СДС и Венко Филипче, со кои свесно се манипулираше јавноста, особено земјоделците, преку неточни информации за наводно стопирање и губење на европски средства.

Брисел јасно потврди дека ИПАРД програмата не е блокирана и дека нејзината реализација продолжува непречено. Европратеникот Томас Вајц, дополнително истакна дека Македонија бележи напредок во спроведувањето на Реформската агенда.

Фактите покажуваат дека по случувањата во Платежната агенција, институциите реагираа навремено, процесите беа привремено стопирани исклучиво заради проверка, а Брисел беше целосно информиран и побарана беше темелна контрола. Извештаите потврдуваат дека системот функционира согласно законските прописи и дека не се утврдени злоупотреби.

Исто така, јасно е потврдено дека изјавите на кои се повикува СДС се извадени од контекст и се од постар датум, без допир со актуелната состојба.

СДС лажеа за мигранти, лажеа за Буџетот, лажеа за пензиите, за платите, за земјоделците. Нема за што не лажеа и беа демантирани.

СДС да престане со конструкции и лаги, јавната комуникација треба да се темели на проверени и точни информации, со цел да се избегне дезинформирање на граѓаните и непотребно внесување несигурност.

Владата предводена од ВМРО-ДПМНЕ и институциите продолжуваат со фокус на реформските процеси, стабилна реализација на европските програми и забрзување на евроинтегративниот пат на државата, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД воведуваат нови санкции за поддршка на воените програми на Иран

САД денес објавија нов пакет санкции насочени кон 11 лица и субјекти за поддршка на воените програми на Иран.

САД воведуваат нови санкции за поддршка на воените програми на Иран

Според соопштението од американската влада, санкционираните имале за цел да помогнат во набавката на оружје за Корпусот на иранската револуционерна гарда и редовната иранска армија, а штабот е во Кина, Хонг Конг, Иран и Белорусија.

Цел на Министерството за финансии

Канцеларијата за контрола на странски средства (OFAC) на Министерството за финансии на САД означи девет лица и компании со седиште во Кина и Хонг Конг. Тие се обвинети за учество во мрежа што ја олеснувала набавката на оружје за иранската војска.

Санкционирана е и компанија од Хонг Конг, за која се вели дека работи во рамките на тајната банкарска мрежа на Иран. Во посебен потег, Стејт департментот на САД санкционираше две компании и неколку лица од Иран и Белорусија. Според соопштението на Министерството за финансии, овие мерки се поврзани со активностите на Иран поврзани со конвенционалното оружје.

Извор: Индекс.хр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Воен хеликоптер се урна во Пакистан, нема преживеани (ВИДЕО)

Пакистански воен хеликоптер се урна во среда во делот на Кашмир контролиран од Пакистан, при што загинаа сите во леталото. Војската соопшти дека техничка грешка е причина за несреќата, објави „Euronews“.

Воен хеликоптер се урна во Пакистан, нема преживеани (ВИДЕО)

„Хеликоптер Ми-17 на воздухопловните сили на Пакистан се урна во близина на Музафарабад денес за време на полетувањето поради техничка грешка“, се вели во соопштението на медиумското крило на војската. Во соопштението се додава дека „сите лица во леталото постигнале шехада (мачеништво)“, но не се наведува точен број на жртви.

Несреќата се случила во близина на Музафарабад, регионалниот главен град, за време на протестите и штрајкот организиран од Заедничкиот акционен комитет Авами, неодамна забранет сојуз на неколку групи. Војската не соопшти дали има некаква врска помеѓу несреќата и протестите.

Истрага на несреќата

Сведоци рекоа дека леталото се урна кратко по полетувањето од хелиодромот. Итните служби брзо се упатија кон местото на настанот и ги однесоа жртвите во блиската болница. Војската соопшти дека „екипите за спасување и опоравување веднаш стигнале на местото на несреќата“ и дека е наредена истрага за да се утврди точната причина за несреќата.

Официјални реакции

Пакистанскиот претседател Асиф Али Зардари и премиерот Шехбаз Шариф изразија сочувство за несреќата и им оддадоа почит на жртвите. Во одделни изјави, тие им изразија сочувство на семејствата на жртвите. Началникот на пакистанската армија, фелдмаршал Асим Мунир, исто така, изрази длабока тага за загубата на животи и сочувство до семејствата на починатите, се вели во соопштението.

Спорен регион

Пакистанската војска и влада го сметаат Кашмир за исклучително чувствителна област по години чести судири и војни со Индија. Кашмир, регион со муслиманско мнозинство, е целосно побаруван и од Индија и од Пакистан, но е поделен меѓу нив откако стекнаа независност од британската власт.

Тагови: Пакистан хеликоптер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

На вечерашната седница на ЦК на ВМРО-ДПМНЕ беа потврдени одлуките за новите претседатели на ОК на ВМРО-ДПМНЕ, дополнително беа усвоени нови 3 членови на ИК на ВМРО-ДПМНЕ.

ЦК на ВМРО-ДПМНЕ ги потврди одлуките на ИК за нови претседатели на комитети и донесе одлука за избор на нови 3 членови на ИК

Нови членови на ИК на ВМРО-ДПМНЕ се Миле Лефков, Бобан Стефковски и Зоранчо Јованчев.

Миле Лефков е пратеник во македонското собрание, кој доаѓа од Кочани и претходно беше дел од извршниот комитет, искусен и докажан кадар на ВМРО-ДПМНЕ.

Бобан Стефковски е актуелен градоначалник на општина Гази Баба, кој донесе историски најдобар резултат на ВМРО-ДПМНЕ како кандидат за градоначалник и претседател на општинскиот комитет. Човек од збор кој има реализирани голем број на проекти во интерес на граѓаните.

Зоранчо Јованчев е пратеник во собранието и поранешен претседател на ОК Кавадарци. Докажан кадар кој со своето искуство ќе придонесе кон нови победи на партијата.

ВМРО-ДПМНЕ се реструктуира и реорганизира за да донесе нови успеси за Македонија.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер