Македонија

ВМРО-ДПМНЕ: Централен Комитет со едногласна поддршка за Мицкоски за формирање на влада

Реформиран Статут за поголема демократија и реформи во ВМРО-ДПМНЕ.

Вечерва заседаваше Централниот Комитет на ВМРО-ДПМНЕ при што донесе две важни одлуки.

Првата едногласно централниот комитет на ВМРО-ДПМНЕ е го овласти претседателот Христијан Мицкоски да преговара за формирање на ново парламентарно мнозинство, а со тоа и да ја состави новата влада.

Втората одлука, Централниот комитет на ВМРО-ДПМНЕ донесе одлука за измена на статутот на партијата во насока на поголема демократизација на партијата, пренесување на поголеми надлежности над членството и органите и телата на партијата следејќи ги современите искуства на големите европски десничарски партии, пред се Германската ЦДУ, австриската конзервативна партија и останати сестрински партии од европското семејство.

Новите измени се револуционерни во насока на поголема демократија во водењето на партијата, повеќе право на одлучување на комитетите и членовите во водењето на политиките на партијата и се плод на повеќегодишна анализа и соработка со напредните политички партии.

Новини се водењето сметка за европските вредности, воведувањето на непосреден избор на претседател на ОК и раководство на општинските комитети од страна на членството, демократски избор на идни државни функционери, кандидати за градоначалници од страна на партиските бази, воведување на нови органи и тела во партијата, како и ограничување на правото на реизбор на претседател на партијата и останати високи партиски функционери.

Воедно новиот Статут предвидува и Унија на ветерани, како и форум на интелектуалци на партијата.

Во таа насока ја информираме целокупната јавност дека се превземени следниве измени кои поминаа на ЦК на ВМРО-ДПМНЕ.

1. Значењето на европските принципи и вредности, државотворниот и демократски капацитет на партијата, како и конзервативната идеологија и заштитата на македонските национални интереси во новиот Статут на ВМРО-ДПМНЕ се истакнати уште на самиот почеток на истиот.

Имено во Член 2 од новиот Статут на ВМРО-ДПМНЕ се утврдува дека ВМРО-ДПМНЕ е народна, државотворна, демократска партија со конзервативна идеологија, која што ги застапува и штити македонските национални интереси, негува европски демохристијански традиции и промовира универзални хуманистички вредности.

ВМРО-ДПМНЕ ги прифаќа и споделува принципите, вредносните определби и практики на Европската народна партија. “

2. Целите и задачите на ВМРО-ДПМНЕ дефинирани со овој статут, ја продолжуваат заложбата на нашата државотворна партија за независна, суверена, самостојна, граѓанска, демократска држава која почитувајќи ги сите вака поставени цели и задачи ќе овозможи подобар живот на македонскиот народ и заедниците во рамки на една унитарна држава која што се стреми да стане членка на Европската унија.

3. Во овој статут особено важно е тоа што се потенцира на рамномерната застапеност на жените и мажите во рамки на органите и телата на партијата, како и воедно застапеноста на младите во внатрепартиските структури.

4. Со новиот Статут на ВМРО-ДПМНЕ се овозможува примена на начелото на непосредна демократија односно, партијата е должна да им овозможи на сите оние кои што се релевантна група на истомисленици да си го искажат своето мислење и воедно врз основа на таквиот нивен став партијата донесе партиски став кој што во иднина ќе се применува од страна на сите членови на партијата се со цел подобрување на целокупниот општествен живот во Република Македонија.

5. ВМРО-ДПМНЕ на Претседателот на партијата, Претседателите на Општинските Комитети, како и на претседателите и членовите на сите органи и тела кои се бираат на конгрес, согласно новиот Статут им го ограничува мандатот на 4 години, при што максимум на истата функција, кој и да било од овие функционери може да се задржи најмногу три мандати и тоа под услов да третиот мандат е избран од страна на партиските органи и тела со 2/3 мнозинство.

Исто така со овој Статут, мандатот на сите останати партиски функционери во сите органи и тела на партијата се ограничува на 2 години.

6. Барање за одржување на вонреден Конгрес освен претседателот на партијата сега може да поднесат и ½ од членовите на Централен Комитет кои што во споредба со сега се намалува потребниот број на членови на Централниот Комитет, досега беше 2/3 сега е доволен број на ½ за да може да се одржи вонреден Конгрес.

7. Се воведува нова партиска функција Претседавач на Централниот Комитет, кој што ќе треба да биде прв меѓу еднаквите на ниво на Централниот Комитет.

8. Чекор напред во непосредно демократско одлучување за избор на кандидати за советници во локалната самоуправа, е тоа што во новиот Статут нив директно ќе ги бира Собрание на општинските комитети, односно членовите во рамки на секоја општина. На овој начин ќе се избираат и новите кандидати за градоначалници на ВМРО-ДПМНЕ. А, воедно на овој начин ќе се предлагаат и новите претседатели на општинските комитети.

Ова се само дел од значајните измени на овој реформски Статут, кој што ќе треба во иднина да го сплоти ВМРО-ДПМНЕ, да ги зајакне демократските капацитети на една десничарска партија се со цел да дадеме понуда на граѓаните на Република Македонија со кое што ќе се овозможи подобар просперитет на сите нас во Република Македонија.

Новинарско прашање: Правите измени во статутот еве на пример околу мандатот кажувате на членовите на Централниот Комитет може да бидат три пати односно три мандат . Дали тоа значи последователно три пати или општо три пати во текот на работењето додека тие се во партијата и воопшто не споменавте за кои се измените за почесните претседатели? Дали има измени во овој дел, вие сте имале почесни претседатели речиси сите претседатели што ви биле, биле почесни претседатели последно бил Груевски. Еве што би се случило со него, ќе остане тој почесен претседател?

Одговор на новинарско прашање: Во однос на првото прашање ВМРО-ДПМНЕ е прва политичка партија на Балканот која што со статус го ограничува бројот на мандати на високи на функционери на партијата, а ова ограничување се однесува и на претседателот на партијата. Во иднина претседателот на ВМРО-ДПМНЕ ќе може да биде претседател само два мандати на регуларен избор, евентуално би можел да добие и трет мандат, но само доколку биде подржан од 2/3 од телата кои што го бираат во конкретниот случај кога говориме за претседателот на ВМРО-ДПМНЕ, тоа е конгресот. Во однос на почесни членови и почесни претседатели овој статут на ВМРО-ДПМНЕ такво нешто не предвидува односно ниту Никола Груевски, ниту било кој друг поранешен почесен претседател повеќе согласно овој статут не се почесни претседатели. Такво нешто статутот не предвидува.

Новинарско прашање: Господине Тошковски во смисла на давање оставка односно еве во контекст на барањата на некои членови на ВМРО-ДПМНЕ лидерот да си поднесе оставка, дали има измени во таа смисла во статутот, дали и како на кој начин ќе се дава оставка или нема да се дава оставка?

Одговор на новинарско прашање: Можам да кажам на ова прашање кое што го поставивте дека Христијан Мицкоски е првиот претседател на една политичка партија на Балкан коj што самиот себеси си ја ограничува можноста за да биде претседател на ВМРО-ДПМНЕ. Тој е првиот претседател овој пример не го измислуваме, ние овој пример е земен од aвстриската народна партија во комбинација со одредби од статутот на претседателот на Франција, Макрон, таму имаме такви европски одредби кои што дефинираат ограничување односно зголемување на демократскиот капацитет на самите партии така да мислам дека претседателот Христијан Мицкоски е пример за еден современ европски политичар како гледајќи го примерот на европските конзервативни и центар партии ја унапредува можноста да ВМРО-ДПМНЕ во иднина има така дефинирани одредби кои ќе бидат по примерот на европските партии.

Новинарско прашање: Споменавте повеќе права при изборот на функционери во општински изборни комисии и во партиски тела. Дали тоа значи, рековте дека ќе можат сами да си бираат. Дали тоа значи дека ќе има внатре партиски избори претходно или пак општинските изборни комисии ќе се бираат без тоа да има потреба од потврда од Централниот комитет?

Одговор на новинарско прашање: Апсолутно да, во иднина членовите на советите во едниците на локалната самоуправа ќе се бираат на ниво на општински комитети. Тоа е драстично демократизирање во сооднос со она кое што било до сега. Овој статут, најодговорно тврдам дека е најдемократскиот статут на било која партија.

Панче Тошковски, претседател на статутарната комисија при ВМРО-ДПМНЕ

Хороскоп

Неделен хороскоп за 6.- 13. мај 2024 година

Неделен хороскоп за периодот од понеделник, 6- 13. мај 2024 година. 

Бик 21.4- 20.5.

Љубов

Повременета оддалеченост , што ќе ја забележувате во личните односи , понекогаш ќе ве загрижува.Прифатете ја како шанса за да поработите на својата лична анализа. Ова е преодна фаза низ која полесно поминувате со хумор.

Кариера

Работата ќе ви изгледа се полесна. Сепак , тоа е само вашиот агол на гледање. Сега имате доволно причини безгрижно да работите , но напорот ќе ве стигне. Затоа организирајте се подобро. Понекогаш ќе треба да направите пауза.

Здравје и совет

Вежбајте техники за релаксирање.

Близнаци 21.5.-21.6.

Љубов

Пред вас е недела исполнета со интензивни излегувања и бројни шанси за љубов. Вашиот социјален живот ќе оживее и ќе стане толку богат , што во прв момент можеби нема да се снајдете. Прифаќајте ги поканите, дотерајте се и излегувајте меѓу луѓе.

Кариера

Излезете и во пресрет на една личност , која не е сигурна како да ја заврши работата. Бидете отворени , зашто на крајот ќе стане збор за заеднички резултати , што ќе дојдат нешто подоцна. Благодарноста што ќе дојде , ќе ви биде добар мотив за понатамошната работа.

Здравје и совет

Прифатете ги луѓето околу вас.

Рак 22.6-22.7.

Љубов

Малите грижи во приватниот живот ќе ги компензирате со добрите аспекти во другите сфери на животот. Многумина ќе бараат излез во својата работа или во друшттво на пријатели и таму ќе останат додека не најдат нешто што ќе ги привлече емоционално. Многу ќе разговарате со сите.

Кариера

Ќе се замислите над својата иднина , а посебно над своите таленти. Ќе увидите дека тие не се до крај изразени и искористени. Ќе барате начин како да ги вклопите во работата , а некои ќе се впуштат и во дополнителна работа надвор од работното место.

Здравје и совет

Бидете свесни за себе.

Лав 23.7-22.8.

Љубов

Деновиве ќе мешате два приватни стила- едниот е разновиден , атрактивен и со многу луѓе , а другиот е тивок , повлечен , обичен, секојдневен. Некогаш ќе бидете главна цел на додворување , а другиот ден обична личност што ја забележуваат само пријателите. Ќе се чувствувате добро.

Кариера

Можете повеќе отколку што мислите. Угледни луѓе ќе ве поддржат , но не стигнуваат потребните заслуги. Поради сето тоа ќе ви биде потребно трпение. И натаму ќе работите без премногу прашања , зашто наскоро ќе го добиете очекуваното. Бидете професионални и сериозни.

Здравје и совет

Вежбајте ја концентрацијата.

Девица 23.8.-23.9.

Љубов

Во текот на наредните денови ќе знаете да се опуштите. Ќе почнат да ве интересирата најразлични теми , за кои ќе сакате да комуницирате со личности од спротивниот пол. Саканата личност ќе ја забележи оваа дистанца ,а за да не ве сфати погрешно , повеќе разговарајте со неа.

Кариера

Соработката меѓу вас и колегите ќе се обнови со помош на нови информации , кои ги очекувавте. Се ќе биде поставено на нови основи , а вие ќе треба да се најдете во нова улога. Ќе ви треба некое време за да се приспособите. Не треба да брзате.

Здравје и совет

Игнорирајте ги предрасудите и бидете поотворени.

Вага 24.9.-23.10

Љубов

Ќе забележите дека вашите лични односи особено се подобруваат. Секој ден вие ќе станувате поподготвени за да споделувате со другите. Саканата личност повторно ќе биде отворена кон вас. Ќе ве освежи интересен излет или патување.

Кариера

Информациите што ви беа потребни , пристигнуваат. Поради чекањето доволно се нервиравте , па немојте повторно. Едноставно прифатете ги новите насоки и направете се што можете. Бидете реални во очекувањата.Резултатите ќе дојдат.

Здравје и совет

Бидете трпеливи и немојте да ги нервирате луѓето околу вас.

Шкорпија 24.10-22.11.

Љубов

Во текот на оваа недела вашите односи ќе напредуваат во позитивна насока , а вие ќе стануваат поотворени и порасположени за љубов. Саканата личност повторно ќе ве опсипува со нежности , а вие еднакво ќе и враќате. Самците ќе имаат се повеќе додворувачи.

Кариера

Неделава ќе ги добиете потребните информации , па затоа ќе работите со одредено олеснување. Мали напори ќе бидат поврзани со комуникациите , но се полесно ќе излегувате на крај и со овие проблеми. Ќе покажете дека сте дораснати на задачите. На некои ќе им бидете пример.

Здравје и совет

Најдете си ја вистинската мерка во животот.

Стрелец 23.11.-21.12.

Љубов

Фантазијата и реалноста речиси секојдневно ќе ви се мешаат во љубовниот живот. Можеби ќе ја идеализирате саканата личност , припишувајќи и особини , кои ги нема во реалноста или ќе барате нешто невозможно. Треба да се симнете на земја. Тоа е здраво.

Кариера

Ќе ги зацврстите стекнатите позиции и повремено ќе се однесувате како диктатор , иако не сте такви. Гледате дека вредело што сте се потрудиле и сега мирно може да продолжите. Посебно добро ќе им оди на оние кои во работата ја користат својата интуиција или треба да се борат.

Здравје и совет

Задржете некои работи за себе.

Јарец 22.12.-20.1.

Љубов

Ќе ве привлекуваат многу скриени работи. Некои ќе се измачуваат со искушение од тајна љубовна врска. Страста нема да ви даде мир и во себе ќе водите силна битка меѓу разумот и чувствата. Би било подобро да тргнете по разумот. Преиспитајте се.

Кариера

Работата од сенка ќе ви биде најрпријатната опција . Она што го работите, ќе го извршувате мирно без премногу стрес. Ќе уживате да истражувате непознати работи , но и во детали. некои своите амбиции ќе ги сведат на реална мерка и тоа ќе им одговара.

Здравје и совет

Не обрнувајте внимание на кошмарните соништа.

Водолија 21.1.-19.2.

Љубов

Малку е веројатно дека ќе ги отпуштите кочниците. Опуштањето е она што во овој момент добро би ви дошло , но вие цело време сакате нешто по секоја цена , па дури и на сила Кога малку би се олабавиле , се би изгледало поинаку , а и вам би ви било полесно.

Кариера

Утврдени се нови правила за работа и сега постапувате по нив. Тоа што е напорно , е напорно и намате каде.Прифатете ги новите предизвици и носете се со нив со помош на подобра организација. Така ќе бидете поефективни.

Здравје и совет

Добро би ви доѓло да повежбате во теретана .

Риби 20.2.- 20.3.

Љубов

Пред вас се убави љубовни денови , во кои ќе има многу шанси за зближување. вашиот социјален живот и натаму ќе биде богат ,а вие среќни и задоволни. Ако сте уште сами, немојте да седите дома. Одете меѓу луѓе , ве очекуваат.

Кариера

Вашите финансии постепено се стабилизираат . Истовремено ќе се отвори нова мрежа за деловна соработка, а некои од нив навистина ќе ви се допаднат. Поврзете се со можните колеги и соработувајте со секого кој за тоа ќе покаже интерес.

Здравје и совет

Опуштете се со добра музика.

Овен 21.3-20.4.

Љубов

Поголем дел од времето ќе се снаоѓате како што знаете . Еден ден ќе биде одлично , а другиот никако. Најдобро е оној другиот ден да останете дома. Не влегувајте во расправии , зашто лошо ќе завршат. Она убаво време меѓу вас и саканата личност , поминете го во љубов.

Кариера

Моментално не сте во најдобра форма за работа. Не само што не ви се работи , туку и ситуацијата не дава поттици. Недостатокот на мотивација ќе биде природна последица на ваквата состојба. Главно ќе го одработувате она што ви е обврска без премногу прашања.

Здравје и совет

Престојувајте во природа за да се освежите.

Свет

Бројот на загинати во поплавите во Кенија се искачи на 228

 Бројот на жртвите од поплавите што ја погодија Кенија поради обилните дождови се зголеми на 228, соопшти денеска Министерството за внатрешни работи на земјата.

Дождовите кои предизвикаа големи поплави и лизгање на земјиштето низ земјата во последните недели се очекува месецов да се интензивираат.

Поплавите уништија домови, патишта, мостови и друга инфраструктура низ најголемата економија во Источна Африка.

Македонија

Успешни Македонци во светот

Нашинецот од Австралија Златко Димовски со порака до Канал 5.

Моето име е Златко Димоски, ви пишувам и се надевам дека нашата успешна приказна можеби ке ви биде интересна.

Со моето семејство пред седум години заминавме во Австралија , ние сме спортско карате семејство, бевме многу успешни во Македонија и неколку пати сме биле гости во вашата ТВ ( семеен ручек на Вести и др емисии ). Како карате семејство успеавме да постигниме врвни спортски резултати на два континенти во Европа за македонија и на Океанија за Австралија.

Со мојата сопруга Елизабета Димоска бевме репрезентативци на Македонија а потоа успешни тренери и судии на Светската Карате Федерација .

Нашите керки близнаќки Мишела и Маријана Димоски беа едни од најдобрите и најуспешните каратисти на Македонија, ( две години по ред беа добитници на Спортски оскар за најуспешна шенска екипа во македонскиот спорт 2014 и 2015), освоија многу медали за Македонија на Светски и Европски првенства , К1 Премиер Лиги Балкански првенства.Заради нашите светски резултати на секој од нашето семејство Австралија ни понуди иселеничка виза за врвни достигања во спорт а нашите керки близначки добијаа две годишна олимписка стипендија од АИС- Австралиски Институт за Спорт и се првите во Австралија кои за карате беа спонзорирани од владата на Австралија.

Тие се единствените сестри во историјата на Светската Карате Федерација кои успеаа да се сретнат во финале на Светскиот Куп во Атина 2013 година,каде за Македонија освоија злато (Маријана) и сребро (Мишела) и 2013 беа прво и второ рангирани на Светската ранг листа. Покрај другите медали имаат освоено и сребрен медал од Светско Првенство Индонезија 2015 што е сеуште единствениот сребре медал од официјално Светско првенство за Македонија како и два бронзени медала од Европските првенства во Лисабон-Португалија и Лимасол -Кипар. Заедно имаат освоено 10 медали од Светските Купови за Јуниори и Јуниори У21, 11 медали од Светските К1 Премиер Лиги од кои 6 за Македонија и пет за Австралија,и околу 30 медали од Балканските првенства каде се сретнаа во финале на Балканските првенства во Атина 2010, Дубровник 2015, Херцег Нови 2017, Ларнака 2011...

Јас бев селектор на карате репрезентацијата на Македонија 16 години, и сега веке седум години сум селектор и национален тренер на Австралија, бев и првиот судија од Македонија кој се стекнал со Светска судиска лиценца.Во 2023 на Светското првенство во Будимпешта добив награда сребрена значка од претседателот на Светската Карате Федерација за 20 годишно судење на светските првенства, што е исто така своевиден упсех бидејки сум првиот Македонец кој добил ваква награда). Мојата сопруга Елизабета е првата жена од Македонија која положи за Светски судија во борби и заедно ја претставуваме Македонија на многу Европски и Светски првенства, а исто така од 2017 ја претставувавме Австралија на Светските првенства како судии во Мадрид и Будимпешта како и на Премиер Лигите во Јапонија, Индонезија, Турција, Хрватска, Нов зеланд ..Нашите керки се шест години шампиони на Австралија во сениори и континентални прваци на Океанија .

Имаат 5 медали од Океанија шампионатите. А во 2018 се сретнаа во финале на континенталното првенство во Нов Зеланд. За Австралија имаат освоено две сребра и три бронзи на К1 Премиер Лигите во Дубаи, Салзбург, Шангај, Истанбул...

Мишела освои сребро прво и се уште единствено за Австралија на Светскиот Куп во Умаг 2018 Маријана освои бронза но во 2017 година.

За нив пишуваше и познатиот Сандеј Тајмс. Живееме во Перт каде имаме три наши школи за карате, Ронин Карате . www.ronikarate4u.com.au

Ова е накратко, а во прилог ви испракам фотографии и линкови , доколку сте заинтересирани да ви бидеме гости во некоја од васите емиссии на вашата тв со задоволство би ја разкажале нашата приказна . Ние ке бидеме во Македонија од 14 - 20 Јуни, стои во маилот на Димовски до Канал 5 .

притисни ентер