ВМРО-ДПМНЕ: Абази има концесии кон Заев, Ахмети и Филипче за напредокот во кариерата и сега дословно си одработува па стопира постапки против лица од СДС и ДУИ - Канал 5

Македонија

ВМРО-ДПМНЕ: Абази има концесии кон Заев, Ахмети и Филипче за напредокот во кариерата и сега дословно си одработува па стопира постапки против лица од СДС и ДУИ

​Шефот на Јавното обвинителството за гонење на организиран криминал и корупција, Ислам Абази со полна пареа си одработува за челното место на кое го ставија СДС и ДУИ.

ВМРО-ДПМНЕ: Абази има концесии кон Заев, Ахмети и Филипче за напредокот во кариерата и сега дословно си одработува па стопира постапки против лица од СДС и ДУИ

Како кадар на Али Ахмети, Зоран Заев, Венко Филипче, Абази ги спасува од одговорност криминалците во редовите на СДС и ДУИ, па така донесе одлука за стопирање на постапката за случајот „Мазут“ за сторен криминал тежок 167 милиони евра.

Повеќе од јасно е дека со ваквата скандалозна одлука, Абази е под лична и политичка концесија кон Ахмети, Заев и Филипче, како ментори на неговата професионална кариера во чие време стана шеф на ОЈО ГОКК.

Затоа Абази не виде криминал, којшто цела јавност го виде и слушна, во предметот за набавката на мазут вредна 167 милиони евра за потребите на ТЕЦ Неготино од лицата блиски до ДУИ и СДС, како што се Васко Ковачевски, Ерџан Сулкоски, Ратко Капушевски и Асмир Јахоски и нивните партнери.

И покрај тоа што стручни истражители од Министерството за внатрешни работи, обезбедиле релевантни докази за оваа коруптивна и криминална набавка, сепак Ислам Абази и неговата соработничка Коларевиќ од ОЈО ГООК, одлучуваат оваа истрага да биде прекината и за тоа кривично никој да не одговара.

Згора на тоа и АД ЕСМ излезе со јавна реакција во која вели дека обвинителството ги искривило исказите и наодите на вештите лица кои немаа надлежност да зборуваат за финансиската штета која е предизвикана на претпријатието.

Тоа што треба да се знае е дека Советот на јавните обвинители, по закон, има обврска да ја следи работата на обвинителите и согласно овие законски надлежности обвинителот Ислам Абази и неговата колешка Коларевиќ, треба да бидат темелно испитани и сослушани.

Заедно со нив, исто така, треба да биде истражена и постапката и начинот на којшто тие одлучуваат да го прекинат овој случај наречен „Мазут“ и обвинетите, уште пред да појдат на суд, да ги амнестираат од каква било одговорност или од какво било обвинение.

Тоа е предмет за кој постојат сериозни индиции и сомнежи за криминал, корупција, перење пари, но и загадување на животната средина и со тоа и труење на граѓаните и македонската јавноста има право да го дознае секој детал за оваа набавка која, веројатно, буџетот го оштетила за 167 милиони евра, а граѓаните ги труеше со мазут кој сериозно го загадувал воздухот.

Во спротивно, ќе испадне дека одредени истражувачки новинари беа поефикасни во истрагата за предметот од обвинителите Ислам Абази и Коларевиќ, на кои тоа им е работа.

Владеење на правото во државата мора да се воспостави, законот мора да важи еднакво за сите и секој кој се огрешил да одговара пред лицето на правдата.

Но, со вакви скандалозни и контроверзни одлуки за прекинување на истрагите, не се воспоставува правна држава, не зајакнува владеењето на правото и не се враќа и така ниската од 2% доверба на граѓаните во правосудството.

Затоа потребно е оставка од Ислам Абази и постапка од Советот на ЈО за него и Коларевиќ како ја донеле одлуката за стопирање на постапката за предмет од голем јавен интерес.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Форд ангажира огромна мечка за да упадне во нивиот џип (ВИДЕО)

Како да докажете дека вашиот нов безбедносен систем е доволно добар? 

Форд ангажира огромна мечка за да упадне во нивиот џип (ВИДЕО)

Форд одлучи да ги прескокне класичните презентации и да ангажира вистинска мечка.

Во промотивно видео, американскиот производител на автомобили го спореди својот нов F-150 Platinum со Тага, обучена мечка Кодијак со тежина од околу 360 килограми. Целта беше да се демонстрираат можностите на новиот безбедносен пакет, а резултатот е една од поневообичаените автомобилски демонстрации во последниве години.

Таг, кој се појави и во популарната серија Јелоустоун, немаше лесна задача. За време на тестот, го затресе камионот, ја изгреба каросеријата, го скрши стаклото и во еден момент дури успеа да ја отвори вратата од возилото.

Видеото повеќе личи на сцена од акционен филм отколку на промоција на автомобил, но токму тоа беше идејата. Форд сакаше да покаже како системот препознава обиди за неовластен пристап до возилото и веднаш го предупредува сопственикот.

Што може да направи новиот систем?

Новиот безбедносен пакет на Форд вклучува предупредувања за провала во кабината, отворање на вратата, неочекувано движење на возилото и обиди за оневозможување на одредени системи.

Сопствениците можат далечински да ги следат снимките од камерата, да складираат видеа во облакот, да го имобилизираат возилото и да контактираат со посебен безбедносен центар.

Секако, повеќето возачи веројатно никогаш нема да мора да го бранат својот автомобил од мечка.

YouTube video

Вистинската ѕвезда е мечката

Иако Форд сакаше да ја промовира безбедносната технологија, тешко е да не се заклучи дека најголемата ѕвезда во целата приказна беше Тагот.

Неговиот напад врз Ф-150 привлече големо внимание на социјалните медиуми и покажа дека понекогаш една мечка може да направи подобра реклама од целиот маркетинг оддел.

И ако ништо друго, сега знаеме дека пикапот на Форд може да преживее средба со гладна кафеава мечка. Ова не се информации што ќе ги најдете во официјалната брошура.

Тагови: мечка Форд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Брод е погоден со проектил во Ормутскиот теснец, покрај брегот на Оман

Британската Агенција за поморски трговски операции (УКМТО) извести за напад на брод што се случил на 7,5 наутички милји од брегот на Оман. 

Брод е погоден со проектил во Ормутскиот теснец, покрај брегот на Оман

Според извештајот, пловилото било погодено од неидентификуван проектил од десната страна, при што бил оштетен командниот мост. Во нападот нема повредени и не е забележано загадување.

Нападот уследи по предупредувањето од Иран

Инцидентот во Ормутскиот теснец се случи само неколку часа откако Иран предупреди дека бродовите што минуваат низ регионот без негово одобрение може да се соочат со „последици“.

Тагови: Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фановите за синот на Рис Витерспун: Тој е нејзина машка верзија (ФОТО)

Синот на Рис Витерспун и Рајан Филип, Дикон Филип, се појави на премиерата на „Ел“ во вторник во чест на својот татко.

Фановите за синот на Рис Витерспун: Тој е нејзина машка верзија (ФОТО)

Младиот музичар изгледаше речиси идентично како својот татко на премиерата на „Русокоса од Харвард“ во 2001 година, а настанот беше почит кон култната франшиза што се враќа на малите екрани, пишува Page Six.

Почит кон таткото по 25 години

Дваесет и двегодишниот Дикон избра црно одело, розова вратоврска и очила за сонце Ray-Ban за премиерата, пресоздавајќи ја комбинацијата што Рајан Филип ја носеше пред точно 25 години на црвениот тепих. А неговата мајка Рис ја избра розовата боја, исто како на премиерата на првиот филм.

Актерката носеше чипкана фустан со отворени рамена од Monse. Нејзиниот тогашен сопруг, Рајан, ја придружуваше на премиерата на првиот дел во 2001 година, а ја поддржа на премиерата на продолжението „Русокоса од Харвард 2“ две години подоцна.

Ќерката и помладиот син на Риса не беа на премиерата

Витерспун и Филип се разделија во 2006 година по седум години брак и ги делат Дикон и неговата 26-годишна сестра Ава, која не се појави на настанот во Њујорк. Исто така, отсуствуваше и 13-годишниот син на Рис, Тенеси, од нејзиниот втор брак со Џим Тот.

За што е серијата?

„Ел“, приквел на „Русокоса од Харвард“, ја следи помладата Ел Вудс низ нејзините средношколски години и пристигнува на Prime Video на 1 јули. На премиерата, Витерспун позираше со главната актерка во серијата, Лекси Минетри, која неодамна го позајми фустанот на Рис од премиерата во 2001 година за гостување во „Tonight Show“.

„Тој е машката верзија од неа“

Иако модниот избор на Дикон беше посветен на неговиот татко, корисниците на социјалните мрежи коментираа за необична сличност со неговата мајка. „Тој го има целото нејзино лице“, напиша еден обожавател на Инстаграм, додека друг додаде: „Тој е буквално машка верзија од неа“.

Дури и самиот Рајан Филип се согласи со ова во 2021 година, несогласувајќи се со тврдењата дека Дикон е намалена верзија од него. „Очигледно постои сличност татко-син. Но, тој всушност е многу повеќе како страната на семејството на Рис. Ава е повеќе како мојата“, изјави тој за E! News. Заедно со Ава и Дикон, Филип има и 14-годишна ќерка Каи со неговата поранешна партнерка Алексис Кнап.

Тагови: Рис Витерспун

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер