Влезници за „Златните глобуси“ се продаваат за над 60.000 евра - Канал 5

Шоу биз

Влезници за „Златните глобуси“ се продаваат за над 60.000 евра

Пред доделувањето на американските филмски награди „Златен глобус“ што ќе се одржи на 11 јануари во Лос Анџелес, се појави информација дека списанието „Роб репорт“ продава ВИП-влезници за 70.000 долари (60.700 евра).

Влезници за „Златните глобуси“ се продаваат за над 60.000 евра

Неочекуваниот потег, којшто вклучува луксузни привилегии и ексклузивен пристап до настан што вообичаено се смета за затворен за јавноста, предизвика реакција во индустријата. Многумина сметаат дека станува збор за „бесрамна комерцијализација“ на еден од најпознатите настани во Холивуд.

„Роб репорт“ соопшти дека продава само три парови од овие билети преку својата услуга „Волт“ (The Vault). Интересно е што тие се нудат како понуда на екстремно скапи и луксузни подароци, како што се брод од 4,5 милиони долари, часовник вреден 110.000 долари или винска турнеја што чини 200.000 долари.

Сепак, „Волт“ им овозможува на заинтересираните да пополнат прашалник, по што нивниот сервисен асистент ги поврзува со „соодветниот продавач“, што практично значи дека влезниците се продаваат индиректно. Според описот, пакетот од 70.000 долари вклучува: Покана за ексклузивната забава „Златна вечер“, седиште на официјалната маса на доделувањето на наградите на 11 јануари, влез за забавата по доделувањето, престижна торба за подароци со називот „Златен глобус“, сместување во хотелот „Пенисјула Беверли Хилс“, пригодна облека, вклучувајќи и машки костум по мерка. До вчера, не е продаден ниту еден пар билети.

Новитетите го поттикнуваат прашањето: Како се променија „Златните глобуси“ откако „Пенске медија“ ја презеде контролата врз нив и ги претвори во профитна организација? Ова не е првпат компанијата да биде критикувана - претходно имаше обвинувања дека продава ексклузивни вечери поврзани со свеченоста на „Златен глобус“, како и - дека новата категорија „Најдобар подкаст“ е воведена повеќе од деловни причини отколку за навистина да се препознаат подкастите како емисии.

Портпаролот на „Златните глобуси“ ги отфрли критиките, велејќи дека индустријата ги поддржува новитетите и дека интересот за новата категорија подкасти е голем.

Тагови: Златните глобуси влезници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево со мала до умерена облачност

Времето утре ќе биде сончево со мала до умерена локална облачност. Ќе дува слаб до умерен ветер од северен правец.

Утре сончево со мала до умерена облачност

Минималната температура ќе биде во интервал од 7 до 16, а максималната ќе достигне од 23 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 11, а максималната ќе достигне до 28 степени.

До крајот на новата работна седмица ќе се задржи посвежо и претежно сончево време со мала до умерена облачност во текот на денот. Во вторник наместа во северните делови ќе има услови за повремен дожд. До среда ќе дува слаб до умерен ветер од северозападен правец, а потоа ветерот ќе го смени правецот во југоисточен.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Пожарот на Брач ​​сè уште активен: Евакуирани речиси 700 луѓе

Пожарот е сè уште активен на хрватскиот остров Брач, две лица се повредени, а речиси 700 луѓе се евакуирани, додека населбата Милна е спасена од пожарот, изјави денес началникот на противпожарната служба Славко Туцаковиќ.

Пожарот на Брач ​​сè уште активен: Евакуирани речиси 700 луѓе

Тој рече дека постара жена, која паднала од чамец за време на евакуација и речиси се удавила, е во критична состојба, додека другото повредено лице е млад човек кој вдишал чад.

Туцаковиќ истакна дека ситуацијата на местото на пожарот на Брач ​​утрово била помирна, иако сè уште дува ветер, по тешката ноќ во која пожарникарите ги бранеле куќите од пожарот, и дека, и покрај нивните напори, неколку згради биле оштетени, објави Индекс.

Туцаковиќ рече дека четворица канадери учествуваат во гаснењето на пожарот од воздух.

Хрватската противпожарна служба претходно објави дека пожарот се приближил до Милна поради ветер и дека сите расположиви противпожарни сили се ангажирани во гаснењето на пожарот и спречувањето на ширењето на пожарот кон самото населено место. Ветерот влијаел врз ширењето на пожарот кон јужната страна на Брач ​​на тешко пристапен терен покриен со густа вегетација, се вели во соопштението.

Тагови: пожар Брач

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности на полицијата за унапредување на безбедноста на граѓаните

Денеска (13.09.2026), полициски службеници од СВР Тетово и СВР Битола спроведоа превентивни активности насочени кон подигнување на свеста кај граѓаните за одговорно однесување и почитување на безбедносните правила.

Превентивни активности на полицијата за унапредување на безбедноста на граѓаните

Полициски службеници од Отсекот за превенција и Полициската станица за безбедност на патниот сообраќај при СВР Тетово, на автопатот Скопје-Тетово-Гостивар, на наплатните рампи Желино и Тетово, спроведоа превентивна активност под мотото „Стави појас – вози одговорно“.

Преку делење едукативни летоци, возачите и сопатниците беа потсетени дека користењето на сигурносниот појас е пред сè за нивна лична безбедност и значително влијае врз последиците од евентуални сообраќајни незгоди. Воедно, беа информирани и за прекршочните одредби со кои се предвидува санкционирање за некористење сигурносен појас.

Во исто време, полициски службеници од СВР Битола, во содејство со Шумската полиција, спроведоа превентивни активности на подрачјето на Општина Могила и во селата Будаково, Трап и Ношпал, насочени кон превенција и заштита од пожари.

На граѓаните им беше укажано на опасностите од несовесно однесување и предизвикување пожари, како и на потребата од зголемена внимателност при престој во шумски и земјоделски подрачја.

Тагови: Превентивни активности

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер