Култура

Влатко Стефановски сними видео за сонгот „Деца на Сонцето“

Влатко Стефановски, кој го потпишува саундракот за долгометражниот игран филм „Деца на сонцето“ во режија на Антонио Митриќески, кој, кон крајов на летово беше снимен, а на кој му престои постпродукција, влезе во студио и го сними видеото за насловниот сонг во филмот.

„Многу сакам да работам по нарачка. Тоа е навистина благородна работа, отколку, кога самиот си задаваш тема. Така барем јас полесно се фокусирам. Го прочитав два пати сценариото за филмот „Деца на сонцето“ уште пред почетокот на снимањето и многу ме бендиса. Уживавав во техниката на апстрактно сублимирање на приказната од филмот. Преку текстот, кој прв го напишав, а музиката потоа ја залепив, се обидов на некој начин да го симнам дејството, но не и да го прераскажам, бидејќи тоа не е моја работа. Најчесто создавам со затворени очи и секогаш ја слушам интуицијата. Овој сонг е рефлексија на моите размислувања за светот околу мене, а сепак се однесува и на филмот. Се изразив во форма на поезија“ вели Стефановски.

И остатокот од музичката подлога за филмот е речиси готова. Освен насловниот сонг, кој има за цел да го облагороди и отслика филмот и во кој фигурира вокалот на Влатко, останатите парчиња се инструментални.

„Во овој сонг нема многу китење. Има гитара, усна хармоника, вокал и гудачки квартет. Во последно време музичкиот минимализам многу ме привлекува, наспроти презаситеноста на современиево со многу галама и бучава“ вели Влатко.

Стефановски, едновремено, го најавува и својот најнов албум насловен како „Сеир“ на кој работел цели 4 години и кој многу скоро ќе биде промовиран.

„Како мрзелив сликар го работев овој албум, како сликар, кој несака да ја заврши сликата. Долго време уживав во љубомората да не го поделам со јавноста. Едноставно уживав во процесот и многу сум задоволен од сработеното. На албумот се 11 песни, а сонгот „Деца на сонцето“ ќе биде како бонус трака. На албумот покрај мојот вокал и музика има и многу релевантни гости, мои пријатели, како Каролина Гочева, Раде Шербеџија, Зоран Маџиров, Васил Хаџиманов, Дамир Имери... Овој албум нема издавач и нема спонзор и ќе го издадам во скромен тираж, повеќе за да го обзнанам, отколку за да го објавам“ вели авторот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Нема пазарење со македонскиот јазик, нема отстапки без реципроцитет – патриотизмот се докажува со дела, а не со навреди!

Движењето ЗНАМ – За наша Македонија ги отфрла личните дисквалификации и политичките конструкции на Алијансата на Албанците и СДСМ упатени кон претседателот Максим Димитриевски.

Кога нема аргументи за суштината на прашањата, очигледно остануваат навредите и обидите за политичка дискредитација. Квалификацијата „патриот на батерии“ најдобро зборува за политичката култура на оние што ја употребуваат, но не и за Максим Димитриевски.

Во 2017 година, пред локалните избори, Димитриевски се откажа од пратеничкиот мандат и без политички калкулации влезе во изборната битка за градоначалник на Куманово. Не си остави резервна позиција во Собранието доколку ги изгуби изборите.

Наспроти тоа, дел од тогашното раководство на СДСМ, кандидати за градоначалници, ги задржаа пратеничките мандати како сигурна алтернатива.

Токму тука е разликата во политичкиот пристап и одговорноста.

Патриотизмот не се мери со навреди, туку со одлуки, постапки и преземена одговорност.

Нашиот став за правосудниот испит е јасен: тој треба да се полага на македонски јазик, согласно Уставот и законите. Македонскиот јазик не е предмет на политички пазарења и коалициски калкулации.

ЗНАМ е подготвен за разговори со владините партнери, но нема да отстапи од своите принципи.

Истиот принцип го застапуваме и во однос на евроинтеграциите. Македонија сака членство во Европската Унија, но не прифаќа постојани еднострани отстапки кон Бугарија без реципроцитет. Нашиот предлог за одложено дејство на уставните измени останува на маса.

Очекуваме почитување на правата на Македонците во Бугарија и спроведување на пресудите на Европскиот суд за човекови права во Стразбур.

Во однос на обвинувањата на СДСМ за наводни средби, лобирања и поврзаност со Алта банка, бараме да се соопштат конкретни докази, факти и документи.

Доколку постојат докази за незаконско постапување, надлежните институции треба да постапат.

Сериозни обвинувања не смеат да бидат средство за дневнополитичка пресметка.

ЗНАМ не отвора прашања за македонскиот јазик за да му обезбеди алиби на кого било, туку затоа што тоа е прашање од суштинско значење за државата.

А што се однесува до наводниот пад на рејтингот на ЗНАМ, потсетуваме дека во 2024 година, кога дел од аналитичарите ни предвидуваа поддршка од околу 1 процент, граѓаните ни дадоа 56.232 гласа, 5,59 проценти и шест пратенички мандати.

Тоа се официјални изборни резултати, а не нечии проценки.

Според интерната анкета на Движењето ЗНАМ, актуелната поддршка за партијата е над 4,5 проценти, што одговара на приближно 50.000 до 55.000 гласови доколку изборите би се одржале денес.

ЗНАМ нема да ги менува своите принципи според дневнополитичките потреби, нема да тргува со македонскиот јазик и нема да прифаќа еднострани отстапки без реципроцитет.

Македонија не е предмет на политички пазар. Таа е наша одговорност и обврска.

Патриотизмот се докажува со дела, со став и со подготвеност да се преземе одговорност за државните интереси.

Центар за комуникации и аналитика

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Пакистански астронаут ќе биде првиот странец на кинеската вселенска станица

Пакистански астронаут ќе се придружи на кинеската вселенска станица како прв странец за време на овогодишната мисија Шенжоу-24, како дел од билатералната соработка во рамките на иницијативата „Појас и пат“ на Пекинг.

Пакистански астронаут ќе се придружи на кинеската вселенска станица како прв странец за време на овогодишната мисија Шенжоу-24, како дел од билатералната соработка во рамките на иницијативата „Појас и пат“ на Пекинг, објавија кинеските државни медиуми во саботата.

Првиот странски посетител на вселенската станица ќе учествува во мисијата како специјалист за товар, објави CCTV, повикувајќи се на Кинеската агенција за вселенски летови со екипаж.

Идентитетот е непознат

Кина не го откри идентитетот на астронаутите, но функционер во вселенската агенција на Пакистан изјави за Ројтерс во септември дека пилотите Зишан Али и Курам Дауд поминале месеци обука во Кинескиот центар за истражување и обука на астронаути во Пекинг, подготвувајќи се за мисијата.

Пекинг сè уште не го објавил датумот на мисијата.

Историското значење на летот

CCTV известува дека астронаутот, по завршувањето на краткорочниот лет во орбитата, ќе се врати на Земјата со вселенското летало Шенжоу-23.

Ова е првиот заеднички вселенски лет во кој учествуваат кинески и странски астронаути во историјата на кинеската програма за вселенски летови со екипаж, и сè се одвива во рамките на „вселенската дипломатија“ на Пекинг.

Тагови: вселенска станица астронаут

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Со Дреново и Возарци ги заокружуваме средбите со граѓаните во урбаните и месните заедници

Последните средби на терен ги посветивме на разговори со жителите на овие две населени места, нивните потреби, предлози и конкретни иницијативи за подобрување на секојдневното живеење.

Со завршувањето на посетите, добиваме јасна слика за приоритетите во сите урбани и месни заедници, кои ќе бидат земени предвид при креирањето на Програмата за работа за 2027 година.

Нашата определба останува иста – развој со јасна визија, конкретни планови и еднаков пристап кон секое населено место.

Кавадарци го градиме заедно, со граѓаните и за граѓаните, објави на ФБ градоначалникот на кавадарци, Митко Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.