По критиките од опозициската СДСМ дека земјава не успеала да се избори за поголема сума од Планот за раст, тој вели дека со фактот што сме добиле повеќе пари од Црна Гора и Албанија, се демантираат нивните тези. Мицкоски е оптимист дека потврда за успешна реформска агенда ќе пристигне од самата унија.

-Очекувам оваа позиција да ја потврдиме и сега после јунскиот извештај и овие триесетина, триесет и еден милион коишто се директна буџетска поддршка на крајот од годината, да се доближиме до бројката 100. Директна буџетска поддршка кога на тоа ќе се додадат и финансирањата и средствата предвидени за проекти, таа бројка ќе биде неколку стотици милиони евра и така продолжуваме и во периодот којшто следи. / Се сеќавате како ликуваа кога излезе, за нив омилените бугарски медиуми, она интервју на известувачот Вајц, па потоа никаде ги нема тие глодари да излезат и да го коментираат интервјуто на господинот Вајц. / Имам лоша вест за овие глодари коишто сѐ би дале оваа Влада да не успее и Македонија да не успее. Ќе мора да ги гледате успесите на Владата уште долго време, а наскоро и само пред малите екрани, бидејќи ќе бидете политичко минато,- Христијан Мицкоски – претседател на Влада.

Лидерот на СДСМ Венко Филипче вели дека власта не може да прави споредби со земјите од регионот и обвинува дека сме ја пропуштиле шансата за да обезбедиме 200 милиони евра. СДСМ нема да ги поддржи реформските закони, дециден е филипче

- Објаснувањето е од кујната на ВМРО-ДПМНЕ за креирање лажна слика. Се работи за целосно различни програми, сите земји во регионот ниту имаат ист капацитет, ниту исто сработуваат. / Со криминалци не соработуваме. Тоа што сме земале само 60 милиони од можни 200 говори дека владата на Мицкоски воопшто не работи на европскиот пат. Единствениот вистински чекор се уставните измени, тоа треба да се случи во земјава и треба да престане Владата и Христијан Мицкоски да ја обвинува Европа дека ни го загрозува националниот идентитет. Венко Филипче – претседател на СДСМ.

Министерот за европски прашања Беким Сали на прес конференција изјави дека очекуваат до крајот на јуни од 10 обврски да бидат исполнети 9 ипол, а со исплатените пари како што кажа Македонија се позиционира како една од водечките во регионот во однос на исполнување на реформската агенда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.