Свеченото пуштање на дел од автопат во србија од страна на српскиот претседател Вучиќ изграден од конзорциумот Бехтели Енка повторно ги скара власта и опозицијата. По објавата на веста дека Бехтел и Енка успешно реализираат проекти во соседството вицепремиерот Груби преку стаутс на својот фејсбук профил објави дека се работи за истиот конзорциум кој гради според исти договори.
„Со истиот посебен закон, со истиот договор, компанијата „Бехтел и Енка“ гради и во Србија, каде што денеска државните органи пуштија во употреба дел од автопатот. Посебен закон изгласа и Собранието, беше договорен и потпишан договор со истата фирма за изградба на коридорите 8 и 10-Д, а сега Владата плати 117 милиони евра за аванс и мобилизација. Лажните вести и блокадата на опозицијата во Собранието не можат да ја запрат градбата, само ја поскапуваат и ја пролонгираат“.
Ваквата објава од пратеникот Тони Јаревски од опозициската Вмро дпмне веднаш беше оценета како ширење на лажни вести од страна на Груби бидејќи според него Србија компанијата Бехтел и Енка ги избрала на тендер и таму се гради за многу пониска сума од кај нас. Во својата објава тој прави споредба.
1.„Бехтел и Енка“ во Србија се одбрани со тендер, кај нас директно, без тендер со договор напишан во 4 очи.
2.Автопатот со приближно иста должина во Србија вреди 750 милиони евра, во Македонија почетната вредност со истата „Бехтел и Енка“ вреди 1.350 милијарди евра.
4.Километар автопат во Србија од „Бехтел и Енка“ вреди 7 милиони евра, во Македонија 20 милиони евра.
5. Надзор во Србија е професионална фирма, надзор во Македонија е фирма за долна облека со 4 вработени.
Со став за договорот со кој Бехтел и Енка ќе градат автопати во земјава се огласија од невладиниот сектор од каде сметат дека јавноста има право да го види договорот кој се крие три месеци. Според професорката по право Мирјана Најчевска зад оправдувањето на владата дека во договорот има клаузула за тајност се крие голем сомнеж дека во него има некаква измама што секој може очигледно да ја види.
Откако ЈПДП потврди дека 117 милиони евра ќе бидат авансно платени за подготвителните работи на автопатите, дилема останува дали се точни тврдењата на Мицкоски дека до сабота на 6 мај од државната каса ќе треба да се исплатат и пенали во висина од 53 милиони евра, поради доцнењето на законот за 60-часовна работна недела... Власта негира дека пенали ќе има, но потврдува дека без законскит еизмени трошоците ќе бидат поголеми, а што точно предвивува договорот,кој е таен за јавноста, ќе имаат можност наскоро да видат само пратениците кои имаат безбедносни сертификати..