Од ВМРО-ДПМНЕ обвинуваат дека со закониските измени ќе има субјективен избор, мешање на власта во комисијата што ќе го врши испитот, но и злоупотреба на европското знаменце при носење на законот, за што со писмо бил известен и евроамбасадоротСамуел Жбогар.
„Излегоа и имиња на кандидати блиски до јавни личности за кои однапред не можеме да кажеме дали се лоши или добри меѓутоа со оглед на начинот на кои влегоа преку ваков избор, утре и да станат судии или јавни обвинители ќе си носат багаж, а како личности може воопшто и да не се криви за тоа. )
Министерката за правда смета дека опозицијата манипулира.Тврди дека комисијата немала простор за влијание бидејќи и досега се работело на истот начин. Дескоска оценува дека позитивно ќе биде тоа што за разлика од досега проверката на странскиот јазик за идните кандидати на академијата ќе биде дел од испитот.
„Сега ќе се тестираат за јазик сите подеднакво без можност некој да донесе било каков сертификат кој е стекнат на нечесен начин. Имаат квалификационен испит кој што го полагаат сите кој е еднаков за сите, практичен испит и на крај интервју. Ние дури го зголемивме бројот на бодови кои треба да бидат освоени за да може да се оствари упис на академијата.
Од власта велат дека измените на законот за Академијата на судии и јавни обвинители се дел од реформските закони од правосудството.