Владика од Вселенската патријаршија за Иванден во Бигорскиот манастир - Канал 5

Живот

Владика од Вселенската патријаршија за Иванден во Бигорскиот манастир

На манастирската слава во Бигорскиот манастир по повод раѓањето на Свети Јован Крстител – Иванден, допатува епископот Аморејски г. Никифор, кој е владика од клирот на Вселенската Патријаршија и актуелен игумен на манастирот Влатадон во Солун.

Владика од Вселенската патријаршија за Иванден во Бигорскиот манастир

Владиката Никифор молитвено претстоеше на сеноќното бдение во Бигорски, а утрово ќе сослужува на Литургијата со која ќе чиноначалствува Дебарско-кичевскиот Митрополит г. Тимотеј.

Пред Литургијата петмина браќа од Бигорскиот манастир ќе примат монашки чин.

При свечениот манастирски пречек, свое обраќање кон гостинот од Вселенската Патријаршија, имаше игуменот на Бигорскиот манастир, епископ Антаниски г. Партениј.

-Вашето доаѓање тука, во десетвековната Светиња на Крстителот Господов, не е случаен настан. Тоа е, всушност, сесветол зрак од Фенерот на Православието, милост и грижа од Мајката Црква во Константинопол, показ на единството во Христа преку Великата Христова Црква, Вселенската Патријаршија. Впрочем, Вие сте првиот архиереј кој доаѓа да сослужува со нас овде, во нашиот Манастир, по историската одлука на Првопрестолната Вселенската Патријаршија од 9 мај оваа година, со која Охридската Архиепископија беше примена во богослужбено и канонско единство со едната, света, соборна и апостолска Црква, по што следеше и помирувањето со Православната Црква на Србија и нејзината препорака за автокефалност. Неслучајно Чесниот Претеча Ве избрал токму Вас, затоа што Вие, низ изминатите години, додека сè уште бевме во длабока изолација од останатите помесни православни Цркви, покажавте сочувство и љубов кон нас, бевте наш сострадалник, докажавте дека имате искрена грижа за единството на Црквата Христова и на секој начин помогнавте да биде исцелена нашата повеќедецениска рана. Со благослов на Неговата Сесветост, Архиепископот на Новиот Рим и Патријархот Вселенски г. г. Вартоломеј, Вие посредувавте за средби и за остварување на добри врски меѓу претставници од нашата помесна Црква и од Вселенската Патријаршија, а Вашиот Свештен Патријаршиски Манастир, во чудесно убавиот и историски центар на градот Солун, го отворивте за наобразба и за школување на наши монаси и студенти, рече владиката Партениј.

Од своја страна, епископ г. Никифор, ја изрази својата благодарност за срдечниот пречек во манастирот.

-Притекнавме наваму, во оваа Света Обител на Чесниот Претеча, со срдечна радост и сето ова го сметаме за голема чест и благослов, по чудото што го доживеавме за време на пасхалниот период: да Го исповедаме Господа Христа Кој се јави во тело со заедничката чаша на животот и така навистина да станеме едно. Ние, всушност, сме едно, зашто еден е Христос. И како што знаете, Свети епископе Антаниски, од моментот кога Ве запознав, моето срце беше поробено од Вашата љубов, како и од љубовта на овие добри деца тука, така што не можев, а да не станам Ваш сопатник при тој тежок крст што Вие го подигнавте. И доколку случајно нешто добро сум направил, тоа беше само мое послушание, моја служба, којашто требаше да ја извршам. Затоа што вистината треба да излезе на површина и да биде прифатена. Имајќи ги овие размисли, а и повторно изразувајќи ги своите благодарности за честа со која нè пречекавте, верувам дека оваа чест му се оддава имено на великиот водач и предводник на Православните, Вселенскиот Патријарх. Оти, од првиот момент кога Му ги пренесов нашите разговори, тој го прими сето тоа во својот благозвучен ум, бидејќи во своето срце ја чувствуваше тежината од поделеноста и секогаш во своите молитви се застапуваше за да се реши ова прашање. Мислам дека истото тоа Ви го искажа и Вам. Следствено, на тој човек, кому сиот живот, целиот животен тек, му е едно себежртвување за Црквата, му ги оддаваме сите празнувања и почести. Навистина, предминатата недела додека бев во Фанар, кога му соопштив дека ќе дојдам кај Вас, со голема радост ми рече: Да му ги пренесеш мојот татковски благослов и молитви на Светиот Антаниски, на неговото братство, на неговите монашки заедници, сестринствата во женските манастири, но и на сите духовни чеда што ги возложиле своите срца во неговите раце, изјави г. Никифор.

Од Бигорски истакнуваат дека оваа година за празникот Иванден дошле бројни архимандрити, свештеници, монаси и верници од соседните православни Цркви на Албанија, Бугарија, Грција и Србија, а православни Христијани допатувале специјално за бигорската слава дури и од Франција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Се породи Бони Блу, ѕвездата на OnlyFаns која спиеше со 1.000 мажи- сега се бара таткото (ВИДЕО)

Контроверзната британска инфлуенсерка и ѕвезда на „ОnlyFans“, Бони Блу, објави дека се породила, ставајќи крај на месеците шпекулации за бременост.

Се породи Бони Блу, ѕвездата на OnlyFаns која спиеше со 1.000 мажи- сега се бара таткото (ВИДЕО)

Бони, која во последните месеци привлекува огромно внимание од јавноста со своите контроверзни потези, сподели видео и фотографии од своето новородено бебе на Инстаграм, објави Гардијан.

Таа напиша со објавата: „А потоа имаше 1.058 од нас“, очигледна алудирајќи на нејзиниот претходен контроверзен потфат со повеќе од 1.000 мажи.

Веста за раѓањето дојде по период во кој многумина на социјалните мрежи се сомневаа дека нејзината бременост е вистинска. Бони претходно дури тврдеше дека целата приказна е измама, само за подоцна да потврди дека е бремена.

Сепак, сега таа покажа дека бебето е родено и сподели детали од породилиштето.

Во едно од видеата, кое го објави веднаш по породувањето, Бони зборува од болницата додека јаде тост. Таа откри дека имала царски рез и дека бебето, според неа, било „многу, многу здраво“.

„Имав царски рез. Бебето е супер, супер здраво. Подоцна си одам дома“, рече Бони, додавајќи дека породувањето било болно, но дека поминало подобро отколку што очекувала.

Таа исто така рече дека откако се чувствувала лошо наутро, се чувствувала многу непријатно поради свежите конци.

Фактот дека го снимила видеото додека седела на тоалетот, објаснувајќи дека се плашела да „турка“. Породувањето се случило во приватна лондонска болница, а Бони им препорачала на нејзините следбеници да се лекуваат приватно доколку можат да си го дозволат.

„Навистина одете приватно ако можете, бидејќи не е толку скапо како што мислите. Буквално е како хотел“, рече таа.

@greatbritishmc_ Bonnie Blue announces the birth of her first child #bonnieblue ♬ original sound - GBMC 🇬🇧

Нејзината објава доаѓа само неколку дена откако таа го лансираше контроверзниот нов предизвик „Final Stretch“, кој го претстави како начин за подготовка за породување. Овој потег предизвика реакции на интернет, особено затоа што таа ги поврза бременоста и сексуалните перформанси во својата содржина.

И покрај сè, Бони сега тврди дека породувањето е зад неа и дека сè е во ред со бебето. Таа ги објави и првите фотографии од своето новороденче на социјалните мрежи, но сè уште не го открила името или други детали за бебето.

Приказната за нејзината бременост е тема на дискусија на интернет со месеци, а идентитетот на таткото на детето сè уште е непознат за јавноста.

Тагови: OnlyFans Бони Блу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Во Црна Гора се појави опасната дрога со ликот на Доналд Трамп, полицијата алармира

Полициските службеници преземаат зголемени активности на територијата на Будва насочени кон спречување на злоупотреба на дрога, заштита на здравјето на граѓаните и туристите, како и откривање и гонење на лица вклучени во улична продажба на дрога.

Во Црна Гора се појави опасната дрога со ликот на Доналд Трамп, полицијата алармира

Како дел од горенаведените планирани активности, полициските службеници извршија 53 заплени на наркотици во Будва во текот на викендот, при што приведоа 19 лица, додека против 30 лица беа поднесени кривични и прекршочни пријави за злоупотреба на дрога,пренесе Телеграф.

По тој повод, беа запленети разни видови наркотици и психоактивни супстанции, вклучувајќи марихуана, кокаин, кетамин, амфетамин, хероин и екстази, како и таблети кои се на листата на психоактивни супстанции.

Појавата на таблетите екстази на пазарот на дрога со препознатливата слика на американскиот претседател Доналд Трамп привлече посебно внимание од полициските службеници.

Имено, таблетите со ист изглед беа предмет на здравствени предупредувања во некои европски земји поради присуството на многу опасни психоактивни супстанции, чијашто консумација може да претставува сериозен ризик за здравјето и животот на луѓето, вклучувајќи ненадејно зголемување на телесната температура, забрзано чукање на срцето и други опасни по живот последици.

Евидентирани се две лица кои, по консумирањето на гореспоменатите таблети екстази, имале здравствени компликации поради кои биле хоспитализирани, што дополнително укажува на сериозните ризици поврзани со употребата на оваа психоактивна супстанца.

Идентификувано е и лице осомничено за пласирање на овој вид опасна наркотична дрога на пазарот и продажба на територијата на Будва.

Службеници на Одделот за безбедност на Будва поднесоа четири кривични пријави против четири лица до Вишото државно обвинителство во Подгорица и Основното државно обвинителство во Котор, поради сомнение за сторени кривични дела неовластено производство, поседување и пуштање во промет наркотични дроги и овозможување на консумирање наркотични дроги.

По наредба на државниот обвинител при Вишото државно обвинителство во Подгорица, поради сомнение за сторено кривично дело неовластено производство, поседување и дистрибуција на наркотични дроги, поднесена е кривична пријава против К.Д. (22) од Подгорица, во чие поседување се пронајдени 10 пакувања кокаин, осум пакувања марихуана и 15 рачно изработени цигари со марихуана, за кои постои сомневање дека биле наменети за понатамошна улична продажба.

Кривична пријава за истото кривично дело е поднесена и против Р.М. (26) од Никшиќ, кај кого се пронајдени 17 таблети екстази, како и против М.Б. (31) од Подгорица, кај кого се пронајдени околу 150 таблети разни видови екстази.

Исто така, по наредба на ОДТ во Котор, Црна Гора, кривична пријава е поднесена против К.Е., хрватски државјанин, поради сомнение дека сторил кривично дело олеснување на консумирање наркотични дроги.

Тагови: дрога Црна Гора

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Превентивни активности за безбеден сообраќај и спречување на пожари

Во текот на изминатиот викенд, полициски службеници од Полициската станица за граничен надзор Попова Шапка на подрачјето на ПСГН Попова Шапка реализираа превентивни активности за спречување на пожари.

Превентивни активности за безбеден сообраќај и спречување на пожари

Полициските службеници преку непосредна комуникација со граѓаните им укажаа на потребата од одговорно однесување во природа, со посебен акцент на избегнување на палење оган, да не фрлаат отпушоци од цигари и доколку забележат пожар веднаш да пријават на телефонскиот број 112. На земјоделците пак, им беше потенцирана потребата од внимателно извршување на земјоделските работи, со акцент на опасностите од предизвикување пожари од палење на меѓи, стрништа со сува трева и смет на ниви. Исто така, им беше укажано дека предизвикувањето пожари е кривично дело, што соодветно законски се санкционира. На граѓаните им беше поделен и печатен едукативен материјал, изработен во соработка со ЈП „Национални шуми“.

Полициски службеници од Одделението за превенција при СВР Скопје и РЦ ГР Север во Скопје и на Граничниот премин Долно Блаце спроведоа превентивни активности за побезбеден сообраќај, укажувајќи им на возачите за потребата од почитување на сообраќајните правила и прописи, при тоа информирајќи ги за функционирањето на системот „Безбеден град“. На граѓаните им беше поделен и едукативен материјал.

Тагови: безбеден сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер