Владата ќе ги обештети граѓаните кои претрпеа штети од невремето - Канал 5

Македонија

Владата ќе ги обештети граѓаните кои претрпеа штети од невремето

Она што го остави невремето позади себе се уште расчистува – се санираат кровни конструкции, се расчистуваат паркови....

Владата ќе ги обештети граѓаните кои претрпеа штети од невремето

Она што го остави невремето позади себе се уште расчистува – се санираат кровни конструкции, се расчистуваат паркови, а во Градскиот веќе започнаа да се садат и нови дрвја на местата на оние кои силниот ветер ги откорна. Предвидено е да се засадат 60 нови јавори и јасени.

Во меѓувреме се пребројуваат и штетите, а допрва ќе се знае и цената на последиците кои ги остави невремето ширум државата. Премиерот Мицкоски апелираше до граѓаните да ги пријават штетите во општинските комисии за да добијат надоместок согласно законот и прописите.

-Тие ќе направат проценка и веднаш во комитетот за проценки на штети ќе ги достават до Владата, а ние согласно закон и пракса ќе интервенираме и ќе ги обештетиме тие што ќе пријават штета. Апелирам до граѓаните, оние кои имаат претрпено штета, ги пријават тие штети да излезе комисија да ја констатира и да ние како Влада добиеме спецификации за да можеме да ги обештетиме,- - Христијан Мицкоски – Претседател на Влада.

Градоначалниците велат дека општинските штабови и екипите на терен се во полна пареа, се дорасчистува она што го остави невремето позади себе, а веќе целосно се ослободени сообраќајниците. Во меѓувреме градоначалниците на Центар и Аеродром велат дека веќе бројни граѓани пријавиле штети и дека во тек се проценките на истите.

-Ние ќе направиме проценки врз кои ќе ги обештетуваме и ние како општина, а истите проценки доколку бидат потребни и исплаќа финансиска помош и владата, ќе бидат испратени до самата Влада. Се уште немаме точна бројка на пријавени, верувам дека истото ќе се случи во други општини, зошто стигаат пријави телефонски, по вибер и маилови, тоа ќе се сумира во наредната недела,- -Горан Герасимовски – Градоначалник на О. Центар.

-Во однос на пријавување на штети, веќе објавивме јавен повик, сите оние кои имаат претпрено штета да достават пријава на соодветен образец до о. Аеродром, по што комисија за утврдување на штети ќе излезе и ќе направи увид на лице место, согласно најавите, владата ќе се вклучи во помош за надоместување на дел од штетите кои настанаа поради навремето и процедурата ќе биде спроведена согласно законита постапка,- Дејан Митевски – Градоначалник на О. Аеродром.

Инаку, граѓаните треба да поднесат образец за пријавување на штета, каде се наведуваат основни податоци и опис на фактичката состојба, во прилог треба да се достави и записник од МВР, што е потврда дека штетата е настаната како последица на невремето, веднаш потоа излегуваат комисии, вршат увид и прават проценка, па проценката се доставува до Влада, по што следува обештетување.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Македонија екипно на делба на петтото место на младинското ЕП во билијард!

За прв пат младинците имаа можност да настапат во екипна конкуренција, бидејќи пропозициите налагаат земјата да учествува со тројца играчи. 

Македонија екипно на делба на петтото место на младинското ЕП во билијард!

Билијардските спортови доживуваат невидена експанзија, како на светско, така и на локално ниво, па новата генерација млади македонски играчи со спортски жар и огромна желба за бранење на државните бои настапи на Европското првенство кое се одржа во Подчетртек, Словенија.

За прв пат младинците имаа можност да настапат во екипна конкуренција, бидејќи пропозициите налагаат земјата да учествува со тројца играчи. Бидејќи едниот од нив веќе имаше навршено 17 години, тие настапија во категоријата за младинци до 19 години, иако останатите двајца беа далеку помлади. Сепак, и со тој хендикеп, беа забележани две победи во квалификациската фаза, против Шведска и Холандија, за во елиминациската рунда (четвртфинале) да бидат поразени од Германија. Со тоа, на крајот е забележан пласман со делба на петтото место, но мислите и желбите за уште подобар резултат идната година артикулираат уште од сега.



Во индивидуална конкуренција, минатогодишниот освојувач на бронзен медал, Андреј Ѓурчиновски, играше на сите четири турнири за младинци до 17 години (личен скор 18:4 – најдобар досега!), при што два пати стигна до четвртфинале (во дисциплините „осмица“ и „деветка“) и два пати до осминафинале (во дисциплините „осумка“ и „14.1“. Младиот Марио Минов кој за прв пат настапи во оваа конкуренција не успеа да стигне до победа, но стекна драгоцено меѓународно искуство. Илија Димовски за прв пат играше во конкуренција до 19 години, но за жал стигна само до шеснаесетфинале (личен скор 5:9).

Сите учесници се дел од државното првенство, каде што играат во сенорска конкуренција и веќе есенва ќе продолжат со настапите и усовршувањето за идниот континентален собир.

Тагови: билијард

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Градоначалникот Јанчев го прими Орденот „За заслуги“ – високо државно признание на Украина

Градоначалникот Митко Јанчев денес го прими Орденот „За заслуги“ – високо државно признание на Украина, доделено со указ на претседателот Володимир Зеленски.

Градоначалникот Јанчев го прими Орденот „За заслуги“ – високо државно признание на Украина

Во своето обраќање истакна дека ова одликување го доживува како признание не само за него лично, туку и за целиот град, за неговите соработници, Советот на Општината, институциите, хуманитарните организации и за сите граѓани кои несебично се вклучија во помошта за украинскиот народ. Тој нагласи дека од самиот почеток на воените случувања во Украина, градот покажа дека хуманоста, солидарноста и меѓусебната поддршка немаат граници, а денешното признание е потврда дека ваквите дела оставаат трајна вредност и придонесуваат за зајакнување на пријателството меѓу двата народа.

Посебен и емотивен момент на настанот беше кога децата од Украина, кои бесплатно престојуваат на детското одморалиште Михајлово, му подарија рози на градоначалникот во знак на благодарност за грижата, поддршката и топлото гостопримство што им го овозможи градот.

Градоначалникот упати искрена благодарност до претседателот на Украина, Володимир Зеленски, за укажаната чест, како и до Амбасадата на Украина за довербата и континуираната соработка. Посебна благодарност изрази и до своето семејство за безрезервната поддршка, љубов и разбирање.

Тој порача дека најголемите признанија не се оние што се носат на градите, туку оние што се заслужуваат преку дела, изразувајќи уверување дека пријателските односи меѓу Македонија и Украина ќе продолжат да се градат врз темелите на заемното почитување, солидарноста и мирот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ужас во Штутгарт: Жена е избодена со нож, па запалена среде трговски центар (ВИДЕО)

47-годишна жена е избодена, а потоа запалена во трговскиот центар „Миланео“ во Штутгарт, Германија.

Ужас во Штутгарт: Жена е избодена со нож, па запалена среде трговски центар (ВИДЕО)

Полицијата веднаш го блокираше трговскиот центар за да го спречи осомничениот да избега. Осомничениот беше уапсен пред трговскиот центар, беше објавено.

„Околу 10:15 часот наутро, оперативниот центар на полицијата во Штутгарт доби бројни повици од граѓани за напад врз 47-годишна жена во трговски центар во северниот дел на градот“, изјави портпаролот на полицијата Тимо Бренер за германски „Билд“.

Повредената жена беше итно префрлена во болница, каде што беше подложена на итна операција. Полицијата ги истражува околностите на нападот и мотивот за злосторството.

Осомничениот, 54, избегал од трговскиот центар по нападот, но брзо бил уапсен од полицијата.

„Околу 12:10 часот, нашите полицајци уапсија 54-годишен германски државјанин на Бокелштрасе. Мажот е сегашен или поранешен партнер на повредената жена“, изјави портпаролот на полицијата Тимо Бренер.

По нападот следеше голема полициска операција.

Трговскиот центар „Миланео“ беше целосно блокиран, сите влезови и излези беа затворени, а во потрагата по осомничениот беше вклучен и полициски хеликоптер.

Полицијата темелно го пребара трговскиот центар, но осомничениот беше пронајден и уапсен пред зградата.

Во тоа време, персоналот на итната медицинска помош ја лекуваше тешко повредената жена, која претрпе повреди опасни по живот и беше подложена на итна операција.

Полицијата соопшти дека, и покрај големата операција, нема опасност за јавноста.

Мотивот за нападот засега е непознат, а истражителите собираат докази и ги прегледуваат снимките од надзорните камери од трговскиот центар.

Истражителите веќе собираат докази и ги прегледуваат снимките од надзорните камери од зградата. Нападот се случил на првиот кат од трговскиот центар.

Тагови: жена Штутгарт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер