Владата и ССМ потпишаа нов општо колективен договор за јавниот сектор

Од КСС остануваат на ставот дека Општиот колективен договор што беше потпишан вчера нема да ги реши проблемите со примањата во јавниот сектор, бидејќи во здравството и образованието се уште има вработени кои земаат плати и под минималецот. 

Како аргумент плус, зошто овој договор е штетен – според нив е дека во 2024тата година нема да има никаков раст на платите, а се ускратува и законското право за усогласување согласно минималната плата. Од КСС велат дека револтот кај членството е голем и не исклучуваат протести и штрајкови.

„Имаме луѓе кои се болничари, транспортери никој од нив нема да види бенефит од ова 10% зголемување, бидјеќи не се усогласени платите.. До 2025та ќе имаме околу 13% покачување за година ипол, а самите функционери само во 2024та со усогласување ќе добијат уште 17% зголемување..Тоа што споменуваат преку гранкови дека може поединечно да преговараме, тоа ќе биде како на долг стап со морковот..“ изјави за Канал 5 Предраг Серафимовски, Синдикат за здравство / КСС.

Вчера ССМ и Владата ставија потпис за 10% зголемување на платите во септември, и 10 илјади К-15 до крајот на годината. Просечната плата ќе стане основица за пресметка на примањата, од март 2025тата а оттогаш и регресот за годишен одмор ќе изнесува 30% од просечната нето плата. Двете страни договорот го оценија како историски.

Експертите велат дека неизбежно беше да се интервенира во платите и кај буџетарите, бидејќи инфлацијата ги изеде и нивните примања. Но, ова нема да донесе поефикасна јавна администрација, сметаат универзитетските професори Борче Давитковски и Марјан Петрески.

„Поголема ефикасност сигурно ќе нема а и ефикасноста на јавните органи не верувам дека ќе се зголеми. Се додека јав.адм. е во функција на остварување на целите на актуелната власт, а не е сервис на граѓаните, се дотогаш ќе имаме партиска, нефункционална и бирократизирана администрација. Не е до платите, треба да се смени кодот на вработените во јавниот.адм. дека тие примаат плата од буџетот (од граѓаните), а не од Владата. Само со вистински реформи во јавниот сектор може да се очекува некој бенефит за граѓаните.“ Борче Давитковски, универзитетски професор.

„Структурата на платите е еден сегмент од проблемот на ефикасноста на јавната администрација и не треба да се поистоветува со општо зголемување на платите. Таа треба да се реформира во насока што ќе ги награди административците кои се продуктивни и се на клучни позиции, посебно оние сврзани со реформските процеси, и значајно над сегашното ниво, а ќе обесхрабри желба за работа во јавниот сектор затоа што “таму ништо не се работи” или затоа што “работата е лесна”. “ Марјан Петрески, професор економија.

Последното истражување на Институтот Фајненс тинк покажува дека продуктивноста на јавната администрација последнава деценија е значително опадната и пониска од онаа во приватниот сектор. Но, просечната плата во јавниот сектор и образованието заостанала зад онаа во приватниот и здравството.

Кортни Кокс (60) се сними како излегува од замрзнувачот: „Одлично се чувствувам“

Кортени Кокс, актерката позната по улогата на Моника во серијата Пријатели, минатиот месец го прослави својот 60-ти роденден.

Својата рутина ја објави на Инстаграм за која вели дека одржува одлична фигура, но дури и самата призна дека понекогаш претерува.

„Само што го прославив роденденот... Не ми се допаѓа кој број беше, но немам избор“, почна со овие зборови во видеото снимено во теретана. Кокс рече дека треба да дадете сè од себе, а рутината за вежбање која таа им ја претстави на своите следбеници вклучуваше вежби за раце, влечење, вежби за гради, стомачни мускули и кардио.

Кортни носеше црн спортски градник и хулахопки во иста боја кои ја истакнаа нејзината витка фигура. Иако нејзиниот сет за вежбање е прилично стандарден, кон крајот на видеото работите се сменија. Актерката ја замени својата црна облека за вежбање за бикини и се сними како излегува од замрзнувачот.

„Што, ова ли е криотерапија? се пошегува познатата актерка. Инаку, криотерапијата или студената терапија вклучува употреба на ниски температури во медицинскиот третман и е пофалена за придобивки во намалувањето на воспалението и промовирањето на закрепнувањето. Иако на јавноста не и е познато дали Кокс тоа го прави секој ден, таа претходно објави видео на кое се обидува да влезе во ледена бања.

Кокс претходно изјави за „Glamour“ дека мислела дека ќе го мрази трендот на велнес, но го засакала со текот на годините. „Се чувствувам одлично со часови по влегувањето во замрзнувачот“, објасни таа и додаде: „Колку и да се плашите да влезете, знајте дека потоа ќе се чувствувате многу добро“. Таа истакна дека го сака напливот на допамин што го добива кога влегува во замрзнувачот.

Извор: Индекс.хр

Алиев: Азербејџан би можел да извезува гас преку Украина

Азербејџанскиот претседател Илхам Алиев изјави денеска дека Украина и Европската унија се заинтересирани Азербејџан да ја снабдува Европа со природен гас преку Украина oткако ќе истече постоечкиот договор со Русија на крајот на годината.

„Продолжуваат разговорите со властите во Украина и ЕУ, како и со Русија, и се чини дека сите страни се заинтересирани за продолжување на снабдувањето. Ќе помогнеме ако можеме“, рече Алиев на прес-конференција, пренесе Блумберг.

Тој посочи дека производството на гас во неговата земја ќе се зголеми благодарение на новите и постоечките проекти во Каспиското Море. Во 2022 година, Азербејџан потпиша меморандум за разбирање со Европската комисија со намера да го удвои извозот на гас во Европа на 20 милијарди кубни метри до 2027 година.

„Земјата се движи кон целта. Извозот во Европа ќе се зголеми на близу 13 милијарди кубни метри оваа година од 11,8 милијарди кубни метри во 2023 година и осум милијарди кубни метри во 2021 година. Испораките ќе се испраќаат преку т.н. Јужен гасен коридор што го поврзува Азербејџан со Европа преку Грузија и Турција“, рече Алијев./MИА

Норис стартува прв на Хунгароринг

Возачот на Мекларен, Ландо Норис, ја освои пол-позицијата за Големата награда на Унгарија, откако постави најбрзо време во квалификациите благодарение на кругот што го извозе за 1:15.227 минути.

Првиот стартен ред го комплетира неговиот тимски колега Оскар Пјастри со заостанување од 0,022 секунди. Трет трката ќе ја започне актуелниот шампион Макс Верстапен, кој беше за 0,046 секунди побавен од возачот на Мекларен.

Исходот од квалификациите го реши несреќата на Јуки Цунода на две минути пред крајот. Возачот на РБ малку пошироко излезе од свиокот 3, помина преку тротоарот, „скокна“ во воздух и нанесе штета на својот автомобил, како и појавата на црвени знамиња.

Трката на Хунгароринг е закажана за в недела во 15 часот./МИА

притисни ентер