Македонија

Владата го усвои Предлог законот за соодветна и правична застапеност

Владата го усвои Предлог законот за соодветна и правична застапеност. Тој прво ќе биде доставен до Венецијанската комисија, а потоа ќе влезе во собраниска процедура.

Предлог законот за правична застапеност го мина владиниот филтер, сега оди на мислење во Венецијанската комисија, па дури потоа во собраниска процедура.

Со личен документ в рака секој оној кој ќе аплицира ќе мора да покаже и докаже кој е, рече премиерот Христијан Мицкоски, кој по владината седница заедно со вицеремиерте Меџити и Фетаи на прес конфренеција соопштија дека целта на владата со новото законско решение е една а тоа е администрацијата да биде вистински сервис за сите граѓани.

Законот, како што посочија е во согласност и со Уставот и со Охридскиот рамковен договор, а околу методологијата, премиерот вели таа ќе се доизработи по формирање на координативното тело.

Пред да биде донесен, за предлог законот, од влада велат, ќе има и јавна дебата на која ќе бидат слушнати забелешките од сите засегнати.

„Таа ќе биде дополнително изработена откако ќе биде формирано координативното тело кое ќе го коориднира еден од потпретсдателите на Влада и во него ќе членуваат и членови на влада кој што ќе има за цел да го надзира имплементирањето на законот, но заедно со агенцијата ќе ...... “

Според Меџити иако ова прашање со закон требало да биде решено многу порано, вели, ова е историски момент, и за прв пат според него правичната и соодветанта застапеност како уставна категорија од 2001 година добиваат јасно и целосно законско решение.

„Предлог законот гаранитра еднаква пристапност во вработување и унапредување во јавната администрација, правична и соодветна засптапеност во сите институции но и обезебдеување во вработувањето врз основа на заслуги и квалифицкаиии на секој поединец...“

Претходно на панел дисусија по повод 100 дена влада, вецепремиерот Фетаи, кој беше дел од работната група што го изготви законот, рече дека методологијата, ќе се базира на последните резултати од пописот, но како што рече законот не определува дали се работи за резидентно или нерезидентно население. Одговорноста ќе ја имаат Координативно тело и Агенцијата за администрација. Од ДУИ пак и денеска реагираа за предложениеот закон. Според нив наместо балансерот се носи нејасна неефикасна и политички стерилна структура како што е координативното тело.

Македонија

Коментар: „Северномакедонецу“ Апасиев, ќе „гукнеш“ ли нешто за навредите од Бугарија?

Димитар Апасиев подобро познат како Димче е во „политичка нирвана“ додека сите сериозни македонски партии се огласија по повод негацијата на македонштината од страна на Бугарија во Европскиот парламент, и ти да не си во КАТАРЗА?

Просто е неверојатно како македонски академски граѓанин кој истовремено е и политичар и се обидува да го завземе централниот извршен трон на домицилната власт, не се осмелува да и одговори на бугарската политичка елита, која според мене, користи “модерни“ верзии на алатките на Гебелс а се' со цел - да го негира нашиот идентитет со сите негови атрибути.

И да, ако се прашувате, точно е, пишувам за Димитар Апасиев и неговите 5мина пратеници, јавачи на апо..пардон, на Dapple, магаренцето на Мигуел Сервантес од неговото најпознато дело.
Димитар, убеден сум дека имаш грст раце со новокреираниот стартап со посета на гробиштата, кој би требало да го именуваш како - „летен гробарски камп“ , при што веројатно најголеми барање ти и ќе ти доаѓаат за посета на гробот на Енвер Хоџа...сепак најди време да ги замолиш комрадите од Москва, ако ти се толку блиски како рускиот амбасадор овде, да им сугерираат на твоите нови „пријатели“ ( корегирај ме ако грешам за ова ) - Бугарите - да не те нарекуваат тебе и твоиве „Северномакедонци“.

Патем, те чекам во септември на „кавга“ кај мене во канал 5 ТВ, а во меѓувреме ти препорачувам да земеш по еден фуфкомицин дневно.

П.С. Гратис стартап идеја за тебе: Секој турист кој ќе се пријави за твојот бизнис - „летен гробарски камп“ а ќе биде носител на партизанска споменица, да му дадеш 50% попуст !

Уреднички коментар: Иван С. Мирчевски

Свет

Мерц го поздрави Европскиот фонд за обнова на Украина

-Огромните трошоци за обнова на Украина не можат да се покријат исклучиво од јавни средства, рече Мерц на почетокот на дводневната конференција на високо ниво во Рим, пренесуваат британските медиуми.

Германскиот канцелар Фридрих Мерц ја пофали идејата за лансирање на европскиот фонд насочен кон мобилизирање приватни инвестиции за обнова на Украина, нагласувајќи дека огромните трошоци за обнова не можат да се финансираат само од јавни извори.

-Огромните трошоци за обнова на Украина не можат да се покријат исклучиво од јавни средства, рече Мерц на почетокот на дводневната конференција на високо ниво во Рим, пренесуваат британските медиуми.

За да се обезбедат потребните средства за обнова, Германија, Франција, Италија и Полска, во соработка со Европската инвестициска банка и Европската комисија, ќе соберат средства од Европскиот фонд за обнова на Украина.

Мерц нагласи дека целосно ја поддржува целта на овој фонд - мобилизација на големи приватни инвестиции што ќе овозможат закрепнување и модернизација на украинската економија.

Отворањето на фондот означува значаен чекор во обезбедувањето одржливо финансирање за долгорочна обнова на Украина, која се соочува со предизвици поради уништувањето предизвикано од војната.

Приватните инвестиции ќе играат клучна улога во процесот на закрепнување на Украина, бидејќи ќе овозможат економски раст и развој на инфраструктурата, а во исто време ќе ја намалат зависноста од исклучиво јавно финансирање.

Тагови: ЕУ украина Фридрих Мерц

Македонија

Собранието донесе одлука за распишување оглас за избор на Народен правобранител

Собранието на денешната 59. седница донесе одлука за распишување оглас за избор на Народен правобранител.

На седницата беше прифатен предлогот за избор на член на Комитетот за односи меѓу заедниците, од редот на Ромската заедница, а беа донесени и законите за вработените во јавниот сектор, административни службеници и за стручно усовршување и обука на административните службеници.

Прифатени и на натамошно второ читање беа дадени предлог-законите за изменување и дополнување на законите за туристичката дејност, за заштита на културното наследство и за библиотеките, како и измените на Законот за државните награди. Пратениците не го прифатија предлог законот за дополнување на Кривичниот законик.

Собранието ги усвои извештаите за реализација на Годишната програма за работа и развој на Агенцијата за цивилно воздухопловство, годишните извештаи за работењето на Агенцијата за супервизија на осигурување и на Агенцијата за супервизија на осигурување за состојбата и движењата на осигурителниот пазар, сите за во 2024 година.

Седницата треба да продолжи во 13 часот и 50 минути.

На дневен ред останаа предлог законите за изменување и дополнување на Законот за возила и на Законот за здравствено осигурување двата по скратена постапка.

Пратениците во рамките на 59. седница треба да ги разгледаат и предлог законот за изменување и дополнување на Законот за основање на Јавно претпријатие Македонска радиодифузија, предлог закон за изменување на Законот за научно-истражувачка дејност, предлог на закон за изменување и дополнување на Законот за платежни услуги и платни систем и предлог на закон за изменување на Законот за воздухопловство сите по скратена постапка.

Тагови: Собранието