Нивниот проект „The Blackout Room“ веќе стана еден од најбараните настани во градот – без мажи, само за девојки кои сакаат да се забавуваат без притисок.

Адел Казинс (42) и Шејрис Содерберг (37), и двете мајки со полн работен ангажман, успеале да создадат безбеден простор за жените кои сакаат да се забавуваат без непосакувани ситуации, флерт или непријатности.

Настаните се одржуваат во хотелот „Абердин“ и билетите се продаваат по цена од 29 австралиски долари, со бесплатен шот на влез. Иако почнале како малку поинаква идеја, денес настаните се распродадени со над 300 присутни.

– На 42 години, не се чувствував веќе добредојдена во клубовите, а сè уште сакав да танцувам. Само не сакав да се справувам со погрешни погледи или да ме вознемируваат – изјави Адел.

Организаторките велат дека нивната публика најчесто е меѓу 30 и 40 години, но присуствуваат жени од сите возрасти – па дури и млади кои сакаат ова да биде нивно прво клубско искуство.

Иако настаните добиваат позитивни реакции од женската публика, на социјалните мрежи не изостануваат критики од мажи, од кои дел прашуваат „Кој ќе ги купува пијалаците?“. Адел на тоа одговара:

– Сакавме свој простор, и го создадовме. Никого не исклучуваме трајно, ова се само повремени настани. Мажите се слободни да си направат свој клуб.

Жените, пак, во коментарите велат дека конечно имаат простор каде што можат да танцуваат, да се чувствуваат слободно и безбедно.

Настанот се случува во време кога низ Австралија се водат дискусии и правни битки за потребата од женски простори – меѓу кои и уметничката изложба „Ladies Lounge“ во музејот Мона, која по правна постапка мораше да биде отворена и за мажи.

Иако предизвикува дебати, концептот на „женски излегувања“ продолжува да добива поддршка – и од жени, и од мажи кои велат дека на нивните партнерки конечно им е пријатно да излегуваат без грижа, пишуват австралски медиуми.

Тој, во видео порака, навести дека ќе се соочи со демократскиот кандидат Мамдани, за кого рече дека „нуди паметни слогани, но нема вистински решенија“.

-Борбата за спасување на нашиот град не е завршена, рече Куомо, додавајќи дека „само 13 проценти од жителите на Њујорк гласаа на прелиминарните избори во јуни. Изборите се во ноември и јас ќе се кандидирам за победа“.

Актуелниот градоначалник Ерик Адамс, исто така, ќе се кандидира како независен кандидат, а републиканците како свој кандидат го номинираа Куртис Слива, основачот на грашанските патроли против криминалите на „Ангели чувари“ во 1970-тите, јавуваат американските медиуми.

Главниот државен ревизор Максим Ацевски утринава изјави дека само 4 партии од вкупно 60 биле блокирани од министертвото за правда и оти не можеле да ги добијат средствата бидејќи немале поднесено финансисики извештаи.