Виткоф му одговара на Хамас дека нивните барања се „целосно неприфатливи“ - Канал 5

Свет

Виткоф му одговара на Хамас дека нивните барања се „целосно неприфатливи“

Американскиот пратеник за Блискиот Исток синоќа изјави дека барањата на Хамас за дополнување и измена на предлогот за привремен прекин на огнот со Израел во Појасот Газа се „тотално неприфатливи“.

Виткоф му одговара на Хамас дека нивните барања се „целосно неприфатливи“

Предлогот на специјалниот пратеник на Доналд Трамп за Блискиот Исток, Стив Виткоф, подразбира 60-дневно примирје и ослободување на 28 од 58-те заложници што сè уште се држат во Газа, во замена за ослободување на 1.200 Палестинци од израелските затвори и непречен проток на хуманитарна помош до енклавата.

Палестинската исламистичка група претходно изјави дека е подготвена да ослободи 10 живи заложници и 18 мртви во замена за ослободување на голем број Палестинци од израелските затвори, а исто така бара и крај на војната и повлекување на израелските трупи од енклавата, услови што Израел ги отфрла.

Хамас објави дека нивниот одговор на предлогот „има за цел постигнување траен прекин на огнот, целосно повлекување од Појасот Газа и обезбедување на проток на хуманитарна помош за нашите луѓе во Појасот“.

Потврдувајќи дека го добил одговорот од Хамас, Виткоф објави на X: „Тоа е целосно неприфатливо и само нè враќа назад“.

„Хамас треба да го прифати рамковниот предлог како основа за итни преговори што можеме да ги започнеме веднаш, во текот на следната недела“, напиша Виткоф.

Израелскиот премиер Бенјамин Нетанјаху вчера изјави дека Хамас сè уште го отфрла предлогот на претставникот на американскиот претседател Доналд Трамп за Блискиот Исток за прекин на огнот во Газа. Израел ќе ги продолжи своите операции во Газа со цел да ги врати заложниците и да го порази Хамас, рече Нетанјаху.

Израелскиот министер за надворешни работи, Гидеон Саар, вчера на X објави дека Хамас е одговорен за продолжувањето на војната во Газа, бидејќи одбива да ослободи заложници и да се разоружа.

Палестински функционер запознаен со разговорите изјави дека Хамас бара, меѓу другото, ослободување на заложниците во три фази за време на двомесечното примирје и дистрибуција на помош во различни делови од енклавата./МИА

Тагови: Виткоф Хамас

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер