Вирозите ги наполнија болниците, ги испразнија училиштата - Канал 5

Здравје

Вирозите ги наполнија болниците, ги испразнија училиштата

Расте бројот на пациенти со вирусни и бактериски инфекции кои ги празнат училишните клупи, а ги полнат клиниките и амбулантите. 

Вирозите ги наполнија болниците, ги испразнија училиштата

Од детската клиника Козле велат дека во изминатите две недели имаат и над 100 прегледи дневно, а најчести се пациентите со горнореспираторни инфекции. Дел од родителите за Канал 5 велат дека има паралелки кои се речиси преполовени, но лекарите смируваат дека вирусните и бактериските инфекции секоја година засилено се шират со враќањето на децата од летните одмори во училиштата и градинките, каде најголемиот дел од денот тие се во колективен затворен простор. Д-р Славица Костадинова вели дека присутен е и Ковидот, но станува збор за ретки случаи со симптоми во полесна форма..

-Забележуваме зголемен број на респираторни инфекции како вирусни така и бактериски. Со почетокот на училишната година, крајот на одморите и враќање на малите дечиња во установи за колективен престој се остварува многу поблизок контакт меѓу децата. Секако тука влијае и променливото време во септември нас не служи добро време во тек на денот меѓутоа дневно-ноќните варијации на температури се поголеми. - Д-р Славица Костадинова – детска клиника Козле

Зголемен прилив на пациенти од училишна и предучилишна возраст забележуваат и педијатрите. Д-р Мира Атанасова вели дека најчестите симптоми кај пациентите се зголемена телесна температура, болки во грлото и коските..Нејзината препорака е симптоматска терапија како парацетамол и ибрупрофен, витамини и здрава исхрана.

- Таа акутна фаза и кај нив како што и кај возрасните ќе трае 2 до 3 дена. По тој период децата веќе се поактивни, стануваат од кревет, меѓутоа барем една недела навистина да отсуствуваат од настава. Најважното нешто тоа секој педијатар ќе каже тоа е витаминот Д3. Тој е докажано дека има многу фукции во организмот меѓутоа најважните му се антиинфламаторна и антивирусна фукција. - Д-р Мира Атанасова – педијатар

Д-р Атанасова потсетува дека доаѓаат и постудени денови, а со тоа и сезоната на грип. Таа посочува дека сезонскиот грип е особено ризичен за децата под 5 години и апелира по пример на западно европските земји во редовните вакцини кај децата да биде вклучена и вакцината против сезонски грип.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Во Франција е толку жешко, што луѓето пржат јајца на сонце (ВИДЕО)

Топол бран ја погоди Европа и со денови го нарушува секојдневниот живот во бројни земји. 

Во Франција е толку жешко, што луѓето пржат јајца на сонце (ВИДЕО)

Високите температури влијаеја на сообраќајот, училиштата, јавните настани и работата на службите за итни случаи.

Се чини дека Франција е особено погодена. Во Париз, поради екстремната топлина, беа воведени дополнителни мерки, вклучително и привремена забрана за консумирање алкохол на јавни места. Болниците и службите за итни случаи работат под голем притисок, а од истата причина Париската парада на гордоста, која ќе се одржи во септември наместо овој викенд, е одложена.

Вирални снимки од Франција

Некои избраа да ја прикажат топлината на посликовит начин. Видео, за кое се тврди дека е снимено во Франција, се прошири на социјалните мрежи и прикажува човек како пржи јајца и сланина на прозорец на директна сончева светлина.

Иако ваквите сцени не се нови и луѓето ги користат со години како графички доказ за екстремна топлина, снимката брзо привлече внимание среде топлотниот бран во Франција, каде што температурите достигнаа повеќе од 44 °C. Друга Парижанка покажа како чоколадото се стопило во нејзината соба за помалку од еден час. NextaTV наведува дека Париз едноставно не е изграден за овие температури: тесни улици, густо изградени населби, малку дрвја и метални покриви што брзо се загреваат претвораат делови од градот во вистински печки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Во Конго 1.155 заразени со ебола

Бројот на заразени со ебола во Демократска Република Конго се зголеми на 1.155, а 304 луѓе починаа, соопштија властите.

Во Конго 1.155 заразени со ебола

Бројот на болни и починати го претставува вкупниот број на потврдени случаи според извештајот за здравствената состојба во кој се документирани 37 нови случаи и пет нови смртни случаи во претходните 24 часа.

Здравствените власти во извештајот наведоа дека засилениот епидемиолошки и биолошки надзор овозможил порано откривање на случаи, потврдувајќи го континуираниот раст на преносот во заедницата од недела во недела.

Тагови: ДР Конго ебола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Фолксваген планира 100.000 откази

Фолксваген размислува за затворање на четири фабрики во Германија и отпуштање на до 100.000 работници како дел од масовно реструктуирање кое би можело да биде најголемото во историјата на автомобилскиот гигант. 

Фолксваген планира 100.000 откази

Плановите веќе им се презентирани на членовите на надзорниот одбор, а конечната дискусија се очекува на 9 јули, бидејќи компанијата се бори со зголемен притисок од кинеските конкуренти, пишува Ројтерс.

Сто илјади отпуштања и затворање на четири фабрики

Според два независни извори запознаени со ситуацијата, затворањето на фабриките во Хановер, Цвикау, Емден и фабриката на Ауди во Некарсулм би загрозило повеќе од 45.000 работни места. Ова би било дополнение на 50.000 отпуштања веќе договорени со синдикатите на крајот на 2024 година.

Извршниот директор на Фолксваген, Оливер Блуме, кој е на чело на компанијата речиси четири години, ги презентираше плановите пред вишиот менаџмент претходно оваа недела. Целта е да се обезбеди поддршка за длабоки намалувања на работните места кои веројатно ќе се соочат со силен отпор од синдикатите и сојузната покраина Долна Саксонија, вториот најголем акционер на Фолксваген. Плановите првпат ги објави списанието „Менаџер“.

Вториот најголем производител на автомобили во светот би можел да ги намали планираните инвестиции за околу 15 проценти, на нешто над 130 милијарди евра во следните пет години. Според списанието, Блуме и финансискиот директор Арно Антиц имаат намера темелно да ја реструктуираат 89-годишната компанија, што вклучува одвојување на основниот бренд „Фолксваген“ и бизнисот со делови во посебни деловни единици.

Менаџментот ја потврдува потребата од промени, синдикатите најавуваат отпор

Портпаролот на „Фолксваген“ одби да коментира за „доверливите документи“. „Целата групација, со сите свои брендови и подружници, мора да помине низ далекусежни промени“, рече портпаролот.

Работничкиот совет на „Фолксваген“ и моќниот германски синдикат ИГ Метал ветија дека ќе се спротивстават на ваквите мерки. „Доколку се обидат да се спроведат вакви планови, ќе направиме сè што е во наша моќ да ги спречиме“, рекоа тие во заедничка изјава во петокот.

„Порше СЕ“, инвестициската компанија на семејствата Порше и Пиех и најголемиот акционер на „Фолксваген“, одби да коментира за ситуацијата. Акциите на VW паднаа на 16-годишно најниско ниво во петокот наутро, што укажува дека инвеститорите се скептични во врска со успехот на планот. Во финансиската 2025 година, групацијата имаше 667.164 вработени низ целиот свет, од кои речиси 43% беа во Германија.

Зголемен притисок од кинеските конкуренти

Извршниот директор Блуме е под притисок да го оживее бизнисот на Volkswagen, кој беше оптоварен со царини, скап премин кон електрични возила и растечка конкуренција од кинеските производители, што се смета за можеби најголема закана.

Големите глобални производители на автомобили постепено го губат пазарниот удел во Кина во корист на локално произведените електрични возила. Според AlixPartners, пазарниот удел на странските производители на автомобили во Кина се намали од 57 проценти во 2020 година на само 32 проценти во 2025 година.

Откако со години беше водечки производител на автомобили во Кина, Volkswagen падна на второто место зад BYD во 2024 година и на третото место во 2025 година. Тој пад сега се шири на премиум производителите како што е BMW, кој минатата недела одеднаш предупреди за пад на профитот, делумно припишувајќи го на слабата продажба во Кина.

Кинески пробив на европскиот пазар

Кинеските производители на автомобили не застануваат само на домашниот пазар, туку се шират и на пазарите во развој и доживуваат брз раст на домашната територија на Фолксваген во Европа.

BYD, Chery, SAIC и Leapmotor го дуплираа својот комбиниран пазарен удел во Европа до мај во споредба со претходната година, според податоците на ACEA. Во исто време, десетици други кинески производители на автомобили веќе започнаа или планираат наскоро да започнат со работа во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер