Шоу биз

Вил Смит работи на продолжение на својот научно-фантастичен хит (ВИДЕО)

Вил Смит, добитник на Оскар и еден од најплатените актери на денешницата, на Меѓународниот филмски фестивал Црвено Море потврди дека работи на продолжение на филмот „I Am Legend“ од 2007 година.

Во филмот би требало да глуми Мајкл Б. Џордан, ѕвездата на франшизата Creed, пишува Variety.

I Am Legend е научно-фантастичен филм инспириран од истоимениот роман на Ричард Метисон од 1954 година. Филмот го следеше Роберт Невил (Смит), последниот преживеан човек во Њујорк, кој е имун на вирус кој го уби најголемиот дел од човештвото. Филмот го режираше Френсис Лоренс по сценарио напишано од Марк Протошевич и Акива Голдсман.

„Јас сум легенда“ имаше два завршетоци. Првиот крај, кој беше објавен во кината, ја прикажуваше смртта на Роберт Невил. Во алтернативниот крај, достапен на ДВД изданието на филмот, Невил преживеа. Смит откри дека продолжението ќе се базира на алтернативниот крај.

„Утре имам интервју со Мајкл Б. Џордан. Многу сме блиску, штотуку го завршивме сценариото“, изјави Смит. „Ова го знаат само вистинските фанови на I Am Legend, но во првата верзија на филмот, прикажана во кината, мојот лик умира, додека во втората, ДВД верзија, има алтернативен крај каде што тој преживува. Ќе го следиме заплетот од верзијата на ДВД. Не можам да ви кажам ништо повеќе, но во филмот ќе биде Мајкл Б. Џордан“.

Смит, исто така, размислува за неговата кариера и борбите со кои се соочи во текот на изминатите неколку години кои влијаеја на неговата сегашна траекторија во животот.

„Морам да бидам јасен кој сум и што сакам да правам на овој свет, не можам да зависам од туѓите аплаузи за да останам фокусиран на мојата мисија“, изјави познатиот актер.

Смит исто така потврди дека моментално работи на Bad Boys 4, во кој тој и Мартин Лоренс ќе ги репризираат нивните улоги од хит комедијата од 1995 година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Моќна Барселона – најдобриот старт во историјата на клубот

Фудбалерите на шпанскиот шампион Барселона блескаат на почетокот на новата сезона и имаат седум победи на исто толку натпревари.

Гигантот од Ноу Камп, врза шест победи во Ла Лига и забележа уште една во Лигата на шампионите.

Досега, најдобрите учиноци беа остварени во сезоните 1929/30, 1960/61 и 2018/19, кога Каталонците забележаа шест победи по ред.

Овие седум победи под водство на Ханси Флик ѝ овозможија на Барселона да стекне убедлива предност во Ла Лига, со три бода предност пред Реал Мадрид.

Тие исто така поставија рекордни бројки во однос на постигнатите голови – 33 на седум натпревари, што претставува просек од пет гола по натпревар.

Тимот постигна „само“ два гола на натпреварот против Билбао, четири против Леванте, по пет против Елче, Рајо, Валенсија и Фејенорд, па дури и седум против Расинг.

Во моментотв Барса е и единствениот тим без пораз во Ла Лига по првите шест кола. До поразот од Севиља во средата, таков учинок имаше и Депортиво.

Тагови: БАРСЕЛОНА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Скопје или див запад? (ВИДЕО)

Деца јаваат коњ на улица Скупи во Скопје, и во еден момент едно од децата паѓа.

На социјалната мрежа Фејсбук е објавена видеоснимка на која се гледаат малолетни деца како јаваат коњ по фреквентна улица, без надзор од возрасно лице и без соодветна безбедносна опрема.

На снимката се забележува и момент во кој едно од децата паѓа од коњот. Засега нема информации за состојбата на детето, ниту дали при падот се здобило со посериозни повреди.

Случајот отвора прашања за безбедноста на децата и одговорноста на возрасните, особено имајќи предвид дека станува збор за улица на која се одвива јавен сообраќај.

Дополнително, се поставува прашањето дали ваквото однесување претставува сериозен ризик за учесниците во сообраќајот и кој би сносел одговорност доколку дојде до сообраќајна несреќа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Младите во Македонија остануваат во домовите на родителите до 30,7 години, а во ЕУ до 26,3

Младите во Македонија го напуштаат родителскиот дом на просечна возраст од 30,7 години, односно 4,4 години подоцна од просекот во Европската унија, покажуваат податоците на Евростат за 2025 година.

Во ЕУ младите во просек заминуваат од домот на родителите на 26,3 години, што е незначително зголемување во однос на 2024 година, кога просечната возраст изнесувала 26,2 години. Од 2002 година европскиот просек се задржува близу 26 години.

Најдолго со родителите живеат младите во Хрватска, каде што домот го напуштаат на просечна возраст од 31,5 години. Следуваат Грција и Словачка со по 30,9, како и Шпанија и Италија со по 30,2 години.

Најрано се иселуваат младите во Финска, на просечна возраст од 21,4 години, и во Данска, на 21,8 години.

Во регионот младите во Србија остануваат со родителите до просечна возраст од 30,1 година, во Босна и Херцеговина до 29,5, а во Бугарија до 27,9 години.

Податоците на Евростат укажуваат и на поврзаност меѓу вработеноста на младите и возраста на која тие го напуштаат родителскиот дом.

Во Македонија во 2025 година биле вработени 50,2 проценти од младите на возраст од 20 до 29 години, односно 15,3 процентни поени помалку од просекот во европската унија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.