Виктор Филиповски награден како најдобар млад џез-музичар од „Катар ервејс“ - Канал 5

Култура

Виктор Филиповски награден како најдобар млад џез-музичар од „Катар ервејс“

Признанието „Голден Орикс“ (Golden Oryx), што за достигнувања на полето на културата го доделува „Катар ервејс“, годинава му беше врачено на Виктор Филиповски, кој изминатиов период се истакна како тапанар на повеќе музички состави.

Виктор Филиповски награден како најдобар млад џез-музичар од „Катар ервејс“
Авиокомпанијата, што е поддржувач на Скопскиот џез-фестивал, во рамки на годинашното издание на манифестацијата. го прогласи Филиповски за најдобар млад џез-музичар во Македонија.

Алтај Шабан, комерцијален директор на канцеларијата на „Катар ервејс“ во Скопје му го врачи признанието на Виктор Филиповски

- „Катар ервејс“ е интернационална компанија, меѓу другото, годинава прогласена за најдобар авиопревозник во светот, меѓутоа, таа со гордост помага и на низа локални иницијативи, што ја збогатуваат нашата глобална заедница. Се надеваме дека оваа награда ќе му даде дополнителен поттик на Виктор, да продолжи по одличната патека како и досега, но и дека ќе инспирира нови генерации џез-музичари во Македонија, изјави Алтај Шабан, комерцијален директор на канцеларијата на „Катар ервејс“ во Скопје.

Филиповски е дипломец на џез-отсекот на музичката академија при факултетот „Гоце Делчев” во Штип. На истата институција во моментов е магистерски кандидат, но и најмлад инструктор вклучен во наставата по џез-тапани. Изминативе години е особено активен на македонската музичка сцена, како тапанар во голем број состави, преку кои во различни форми го прикажува својот огромен талент и разновиден стил. Тој е дел од изданијата на групи како џезерите „Фирс“, рокерите „Проект Орфеус“ и фанкерите „Барбарела“. Редовно настапува со искусни домашни и регионални џез-имиња како Васил Хаџиманов и Тони Китановски.

Тони Китановски (гитара), Виктор Филиповски (тапани), Кирил Кузманов (саксофон) и Иван Бејков (бас) имаа настап по доделувањето на наградата.

- Во развојот на еден млад џез-музичар и генерално, човек што се занимава со креативност и уметност, значаен е талентот и образованието, но подеднакво е битна и поддршката што ја добива во периодот кога се етаблира на сцената. Оваа награда од „Катар ервејс“ ја гледам не само како потврда за мојата досегашна работа, туку и како дополнителна поткрепа за предизвиците што допрва ќе ме пречекаат, истакна Виктор Филиповски, кој откако ја прими наградата настапи со својот состав во кафе-барот „Винил“ Скопје.

Годинашниот Скопски џез-фестивал ќе се одржи од 19 до 22 октомври во Македонската опера и балет и Младинскиот културен центар. Ќе настапат повеќе реномирани светски имиња меѓу кои се вокалистката Ди Александер, гитаристот Марк Рибо и пијанистот Крег Тејборн. Годинава, еден од главните поддржувачи на манифестацијата е и „Катар ервејс“, која од неодамна го поврза Скопје со Доха, но и со уште 150 дополнителни дестинации.

Виктор Филиповски, е дел од изданијата на џезерите „Фирс“, рокерите „Проект Орфеус“ и фанкерите „Барбарела“ и редовно настапува со искусни домашни и регионални џез-имиња

- Скопскиот џез-фестивал се заблагодарува на нашите пријатели од „Катар ервејс“ на чија иницијатива се доделува оваа награда за најдобар млад џез-музичар. Ние во Скопскиот џез-фестивал направивме комисија која едногласно одлучи таа годинава да оди во рацете на Виктор Филиповски. Ние сме особено среќни што „Катар ервејс“ на нивен предлог препозна еден ваков момент со кој што ќе оддадат признание на еден млад, надежен, талент. Ова ретко се случува кај нас, а „Катар ервејс“ тоа го направи токму со оваа плакета „Голден орикс“, рече Зоран Ингилизов од Скопскиот џез-фестивал.

„Катар ервејс“на 17 јули почна да лета четири пати неделно од Доха до скопскиот аеродром „Александар Велики“. Дестинацијата е опслужувана од воздухоплов од моделот „Ербас А320“ што има 12 седишта од бизнис-класата и 120 од економската. Патниците можат да уживаат во системот за забава, Oryx One, којшто содржи огромен број опции и за кој авиопревозникот освои низа награди.

„Катар ервејс“ сообраќа до 15 дестинации во источна Европа, вклучувајќи ги Скопје, Прага, Киев, Истанбул, Белград, Софија, Будимпешта, Букурешт и Варшава. Авиокомпанијата, што досега има освоено голем број признанија, објави дека, почнувајќи од 31 октомври, ќе воспостави лет и до Сараево, и ќе го зголеми капацитетот на линиите до Варшава и до Прага. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 7. ноември 2026 година

Дневен хороскоп за сабота, 7. ноември 2026 година. 

Дневен хороскоп за 7. ноември 2026 година

Шкорпија 24.10-22.11.

Љубов

Откако се ви стана јасно , повторно запаѓате во преодна фаза на депресија и размислувања за смисолот на љубовта.

Кариера

Или вие ќе бидете премногу попустливи кон надредените или тие така ќе се постават кон вас.

Здравје и совет

Неизбалансираност на крвната слика.

Стрелец 23.11.-21.12.

Љубов

Она што можеби ве измачуваше, денеска ќе знаете да го искажете со многу чувства и искреност.

Кариера

Создадени се условите за една нова деловна соработка со соработници кои не се од истото место каде што работите.

Здравје и совет

Ќе бидете поспани.

Јарец 22.12.-20.1.

Љубов

Вашето семејстов како да ве окупира за себе , па денеска немате многу време за партнерот. Организирајте се.

Кариера

На дневен ред ќе се најде мала анализа за една заостаната работа . Се друго што се однесува на работата , се одвива во ред.

Здравје и совет

Контролирајте го количеството храна што го внесувате.

Водолија 21.1.-19.2.

Љубов

Со саканата личност ќе се обидете да изведете нешто ново во сексот. И на двајцата ќе ви биде мило за тоа.

Кариера

Ќе се уверите сдека вложувачите се сосема подготвени за да ги прифатат вашите идеи. Внимавајте само во целиот процес да не бидете насилни.

Здравје и совет

Бидете тактични.

Риби 20.2.- 20.3.

Љубов

Веројатно е дека вашата сакана личност ќе бара многу внимание. Прифатете го тоа како реалност.Посветете и се.

Кариера

Сега конечно се ви е јасно во врска со една деловна соработка и работите се подготвени за дас е склучи договор.

Здравје и совет

Остварете се што ќе замислите .

Овен 21.3-20.4.

Љубов

Ќе ги дефинирате своите љубовни очекувања.Ќе се обидете да бидете доследни и покрај искушенијата.

Кариера

Конечно ќе сфатите како да заработите повеќе пари , а се појавува и добра можност за тоа да го остварите.

Здравје и совет

Можна е преодна несоница.

Бик 21.4- 20.5.

Љубов

Денеска лесно ќе воспоставувате контакти , а и денот е добар за тоа. Ако сте сами , излезете на кафе.

Кариера

Ќе размислувате дали да смените еден метод во работењето или пак да го смените целиот процес. И тука ги ширите контактите.

Здравје и совет

Излезете меѓу луѓе.

Близнаци 21.5.-21.6.

Љубов

Некои ќе го фаќаат последниот воз за да се додворувата на една личност која исклучително им е драга.

Кариера

По мало надмудрување со спонзорите , ќе успеете да постигнете каков- таков договор.

Здравје и совет

Некои работи веќе ја губат смислата.

Рак 22.6-22.7.

Љубов

Добро ќе ја разберетње саканата личност и сега се обидувате да играте според правилата што сте ги поставиле. Добро е.

Кариера

Работите си одат по својот тек и добро е. Денеска занимавајте се со мали поттици со кои ќе ја пофобрите работата.

Здравје и совет

Посилни сте од повеќето.

Лав 23.7-22.8.

Љубов

Вашата врска добро функционира , а денеска ќе мора да изреагирате на една работа , што ќе ви одземе дел од времето што сте планирале да го минете со саканата личност.

Кариера

Состојбата е зрела за вашето напредување на работното место , па оваа шанса ќе ја искористите на најдобар можен начин.

Здравје и совет

Мала главоболка или тага.

Девица 23.8.-23.9.

Љубов

Денешниот ден најверојатно многу ќе ве насочи кон домот и семејството. Нешто тука би можело да созрее.

Кариера

Ќе се чувствувате распнати меѓу две опции , а ниту една нема да ви изгледа добро. Поминете преку тоа и имајте трпение.

Здравје и совет

Наскоро се ќе биде појасно.

Вага 24.9.-23.10

Љубов

Ќе имате силна фантазија , така што без проблем ќа ја надвладеете секоја празнина во личните односи.

Кариера

Ќе ви се јават соработници од странство со интересен предлог за кој ќе треба да размислите сериозно.

Здравје и совет

Она што го немате, ќе го измислите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Едноставна прошетка се претвори во драматичен инцидент за 19-годишник од Сантијаго, главниот град на Чиле.

Тркало отпадна од автомобил и со цела сила удри во момче, страшниот момент е снимен од надзорна камера (ВИДЕО)

Младиот човек безгрижно одел по тротоарот кога, од никаде, пред него се појавило тркало од автомобил и со голема брзина излетало од правец на улицата.

Тој поминал со полесни повреди

Снимка од надзорна камера го забележала драматичниот момент во кој момчето било соборено на земја од силата на ударот, по што загрижените сограѓани му се приближиле.

И покрај сè, 19-годишникот преживеал и бил пренесен во клиниката Санта Марија, каде што добил прва помош за повреди на челото, лицето и градите.

Надлежните органи го идентификувале возилото од кое се откинало тркалото, како и возачот, а започната е истрага за да се утврдат околностите на бизарниот инцидент.

Тркалото удрило и во два автомобила

Според изјавата на возачот, автомобилот бил паркиран во гаражата непосредно пред несреќата. Додека возел, едно од тркалата одеднаш се откинало, објавува Иефимерида.

Прво удри во два автомобила, потоа се одби и со голема брзина летна на широкиот тротоар на авенијата Лос Леонес. Во следниот момент, силно го удри 19-годишникот одзади, соборувајќи го на земја.

Тагови: момче тркало

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Апокалиптични снимки од Нов Зеланд: Десетици китови умираат на плажа (ВИДЕО)

Десетици китови-пилоти се пронајдени насукани на плажа на Северниот остров на Нов Зеланд, а спасувачите се обидуваат да ги вратат малкуте преживеани во морето, соопшти Одделот за заштита на природата.

Апокалиптични снимки од Нов Зеланд: Десетици китови умираат на плажа (ВИДЕО)

Најмалку 20 китови-пилоти се насукани по должината на брегот на Нгави, во близина на ’ртот Палисер, најјужната точка на Северниот остров, според „The Straits Times“.

Одделот соопшти дека соработува со локалното племе Маори и Проектот Џона, организација специјализирана за спасување на насукани китови. Досега, две животни се успешно вратени во морето.

Според локалните жители, дури 50 китови се насукале на брегот преку ноќ, објави Радио Нов Зеланд.

Повеќето од животните им подлегнале на повредите, додека волонтерите се обидуваат да ги одржат преживеаните китови во живот и да спречат нивно дехидрирање користејќи кофи со вода и крпи.

„Ужасно е. Оние што се уште се живи едвај дишат“, изјави жителот на Нгави, Роб Барг, за Радио Нов Зеланд.

Проектот Џона објави на Фејсбук на 5 ноември дека четири од китовите се уште се живи и дека спасувачите ќе се обидат да ги вратат во морето при плима. Насукувањето на китови е релативно честа појава во Нов Зеланд и соседна Австралија, поради големиот број китови-пилоти кои ги населуваат длабоките води околу двете островски земји. Причината за феноменот е сè уште непозната.

Тагови: китови Нов Зеланд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер