Технологија

Видео: Руска ракета со ирански сателит успешно лансирана во земјината орбита

Русија денеска изврши успешно лансирање ирански сателит во земјината орбита.

Ракетата-носач „Сојуз“ со иранскиот сателит „Хајам“ е лансирана од космодромот „Бајконур“ во Казахстан што моментално го користи Русија.

Иран соопшти дека сателитот е опремен со камера со висока резолуција и останува под целосна иранска контрола. Уште се нагласува дека ниту една друга земја нема да има пристап до информациите што ќе ги обезбедува сателитот, како и оти истите нема да се користат за воени цели.

Доколку сателитот биде успешно оперативен, ќе му овозможи на Иран да го надгледува Израел и другите земји на Блискиот Исток.

Шефот на руската Државна вселенска компанија „Роскосмос“, Јуриј Борисов, изјави дека лансирањето е значаен момент во соработката меѓу Москва и Техеран.

Иран покрај цивилната има и воена вселенска програма, што предизвикува загриженост во САД дека Техеран би можел да го искористи сателитот за да ја унапреди својата програма за балистички ракети.

Изминатите години Иран имаше неколку неупешни обиди за лансирање сателити во орбитата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Крим без струја

Украина нападна неколку електрични трафостаници во Крим преку ноќ, оставајќи го полуостровот анексиран од Русија без струја, според извештаите на каналите на социјалните медиуми.

Транфостаниците Бахчисарај и Жимино беа цел на украинскиот ноќен напад, објави каналот Телеграм Ексиленова Плус. Проукраинскиот канал Кримски ветер претходно објави прекини на електричната енергија низ Крим како резултат на напади врз енергетската инфраструктура, пишува The Kyiv Independent.

Украина редовно изведува напади врз воената инфраструктура длабоко во руската територија и во окупираните области, во обид да ја намали способноста на Москва да ја продолжи војната.

Тагови: русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Познати десетте најмоќни пасоши во светот според „Global Citizen Solution“

Објавен е Global Citizen Solution индексот на пасоши за 2026 година. Шведска е на прво место, додека САД паднаа на 12, македонскиот пасош на 78 место. Меѓу земјите од регионот најдобро рангирана е Словенија.

Објавено е петтото издание на Глобалниот индекс на пасоши, кој ги рангира земјите врз основа на квалитетот на живот, слободата на патување и привлечноста за инвестирање.

Индексот на пасоши Henley е најпознатото рангирање на пасоши во светот и се објавува квартално, врз основа на бројот на земји во кои носителите на пасоши можат да патуваат без виза. Сепак, Global Citizen Solution, кое се објавува еднаш годишно, зема предвид три клучни критериуми, а најновата листа е објавена штотуку.

Покрај слободата на патување, односно бројот на дестинации во кои може да се влезе без виза, се анализира и привлечноста за инвестирање (даночна средина и конкурентност на економијата), како и квалитетот на живот (здравствен систем и социјална инфраструктура) во земјата што го издава пасошот.

Според овие критериуми, најмоќниот пасош во светот ѝ припаѓа на Шведска, која се рангираше на 11-то место по слободата на патување, на деветто по привлечноста за инвестиции и на второ место по квалитетот на живот.

Швајцарија се рангираше на второ место во генералниот пласман, како и на второ место по привлечноста за инвестиции. Финска е трета во генералниот пласман, четврта по слободата на патување и прва по квалитетот на живот.

Сингапур е само 115-ти по квалитетот на живот, но благодарение на првото место по слободата на патување (како што е потврдено од индексот на пасоши Henley) и првото место по привлечностa за инвестиции, се рангираше на десеттото место во генералниот пласман.

Десетте најмоќни пасоши во светот според Global Citizen Solution се следните:

1.Шведска

2.Швајцарија

3.Финска

4.Германија

5.Холандија

6.Данска

7.Ирска

8.Обединето Кралство

9.Норвешка

10.Сингапур

Една од најзабележителните промени е падот на САД, кои некогаш беа на врвот, а сега се наоѓаат на 12. место. Според извештајот, американскиот пасош бележи најголем пад меѓу земјите од Г7 во последните пет години.

Најсилниот пасош од поранешна Југославија е словенечкиот, на 37. место, по што следува хрватскиот на 42. место. Србија е далеку подолу, на 66. место (под Украина, која е на 65-то место). Сепак, Црна Гора (71. место), Македонија (78. место) и Босна и Херцеговина (83. место) се уште полошо рангирани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Берлин ѝ оддава почит на САД; Бранденбуршката порта осветлена во боите на американското знаме

Бранденбуршката порта, најпознатото обележје на Берлин, беше осветлена во саботата навечер во црвената, белата и сината боја на американското знаме за да се одбележи 250-годишнината од американската независност.

Светлосната проекција започна на зајдисонце и траеше до полноќ. „Како симбол на единство и слобода, Бранденбуршката порта силно ги одразува нашите заеднички вредности на 4 јули“, истакна градоначалникот на Берлин, Каи Вегнер, во соопштението. „Берлин топло им честита на Соединетите Американски Држави за нивниот 250-ти роденден“, додаде тој.

Порака за заеднички вредности Германскиот политичар Јохан Вадефул изјави дека годишнината од Американската декларација за независност е причина за прослава за Европа, Германија, а особено за Берлин.

„Вредностите вградени во Декларацијата за независност ги поставија темелите за слободна и демократска повоена Германија“, рече Вадефул. 4 јули се слави како Ден на независноста во Соединетите Американски Држави. Претставниците на 13-те американски колонии формално ја усвоија Декларацијата за независност на 4 јули 1776 година, со што ги прекинаа врските со Велика Британија и го означија раѓањето на Соединетите Американски Држави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.