Никој од 347 патници и 18 членови на екипажот не е повреден, пренесува „Ројтерс“.
До инцидентот дошло кога пилотот на Боинг 777 објавил вонредна состојба и можен дефект на моторот, соопшти портпаролот на аеродромот во Лос Анџелес, додека еден од сведоците опишал дека од моторот се гледало како излегува оган.
Авионот по пријавувањето на дефектот се вратил на аеродромот безбедно, каде пламенот го изгасиле пожарникарите.
Се наведува дека принудното слетување на овој авион не ги загрозило другите летови.
За сега не е јасно заради што дошло до дефект на авионот.
Портпаролот на филипинската компанија соопштил дека екипажот на авионот забележал дим кој излегува од вториот мотор, како и дека патниците по инцидентот биле префрлени на друг лет.