Видео: Огромен пожар во рафинерија на „Шеврон“ близу Лос Анџелес - Канал 5

Свет

Видео: Огромен пожар во рафинерија на „Шеврон“ близу Лос Анџелес

Пожар избувна синоќа во нафтената рафинерија на „Шеврон“ во Ел Сегундо, во близина на Лос Анџелес. Според локални медиуми, огнените јазици се гледале од километри.

Видео: Огромен пожар во рафинерија на „Шеврон“ близу Лос Анџелес

Властите ги повикаа жителите да останат во своите домови. Според градоначалникот, пожарот утринава е локализиран и не претставува закана за јавната безбедност, а евакуации не биле наредени.

„Пожарот сè уште не е целосно изгаснат и патиштата остануваат затворени“, се наведува во соопштение.

Компанијата соопшти дека нема повредени и дека целиот персонал е безбеден. Системите за набљудување покажале дека огнот не се проширил надвор од територијата на постројката. Причината за пожарот засега не е позната.

Полицијата и противпожарните служби не дадоа дополнителни детали. Од кабинетот на гувернерот на Калифорнија, Гавин Њусом, информираа дека внимателно ја следат состојбата и координираат активности со локалните власти.

Ел Сегундо се наоѓа на 1,6 километри јужно од меѓународниот аеродром во Лос Анџелес. Градоначалничката Карен Бас порача на „Икс“ дека аеродромот не е засегнат.

Рафинеријата работи од 1911 година и има капацитет за преработка на 290.000 барели сурова нафта дневно, вклучително бензин, млазно и дизел гориво, наведува компанијата.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Младите до 16 години да не користат социјални мрежи- нов предлог закон во Нов Зеланд

Пратениците во парламентот во Нов Зеланд ќе го разгледува поднесениот предлог закон за забрана на користење социјални мрежи за помлади од 16 години.

Младите до 16 години да не користат социјални мрежи- нов предлог закон во Нов Зеланд

Предлогот ќе ги обврзе платформите на социјалните мрежи да преземат разумни мерки за проверка на возраста на корисниците. Меѓу можните алатки се користење на веќе достапни податоци за корисничките сметки, технологија за препознавање лица и документи за дигитален идентитет.

За непочитување на обврските, платформите би можеле да бидат казнети со глоба до десет проценти од нивните глобални приходи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Приведен сопственикот на барот „на смртта“ во Кран Монтана, ја претепал сопругата

Жак Морети, сопственик на барот во Кран-Монтана, каде што катастрофален пожар однесе 41 живот на 1 јануари 2026 година, е приведен под сомнение дека физички ја нападнал својата сопруга Џесика Морети.

Приведен сопственикот на барот „на смртта“ во Кран Монтана, ја претепал сопругата

Според информациите од швајцарската телевизија, кои беа потврдени од јавниот сервис РТС, инцидентот се случил во текот на ноќта помеѓу 11 и 12 август во домот на двојката во кантонот Вале.

Морети е уапсен по наводниот напад и е задржан во притвор. Џесика Морети претрпела повреди поради кои била хоспитализирана. Точните околности на инцидентот, како и правната квалификација на делото за кое е обвинет Жак Морети, сè уште не се познати. Швајцарските медиуми објавуваат дека тој нема позната историја на слични инциденти и се смета за невин додека не се докаже дека е виновен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

64 годишен мотоциклист со тешки повреди пренесен во болницата Гостивар

64 годишен мотоциклист бил донесен со тешки телесни повреди во болницата во Гостивар.

64 годишен мотоциклист со тешки повреди пренесен во болницата Гостивар

Н.Ј од село Вруток гостиварско управувал мотоцикл во атарот на селото Јеловце. тој изгубил контрола и паднал на шумскиот пат во атарот на село Јеловце..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер