„Lancia“ и нејзината судбина со години се обвиткани во црн превез, кој го навестуваше блискиот крај на овој бренд. Некогаш познатиот бренд се сведуваше на само еден мал и застарен модел (Ипсилон), и немаше знаци дека работите може да се подобрат.
И тогаш пристигна „Stellantis“ и одлучи „Lancia“ да остане, како премиум бренд што ќе произведува исклучиво електрични автомобили.
Првиот чекор кон таа цел се случи во понеделникот.
„Lancia Design Day“ не го откри дизајнот на новите модели кои ќе пристигнуваат на секои две години почнувајќи од 2024 година. Се мисли на моделите „Ypsilon“, „Aurelia“ и „Delta“.
Не, „Lancia“ откри скулптура со име „Pu+Ra Zero“ и најави нов стил на дизајнирање.
Како што сугерира името, комбинација од чистота (Pure) и радикален (Radical) пристап, а дизајниран е од „Lancia Centro Stile“.
Жан-Пјер Плуе го предводи тимот кој создаде нов дизајнерски израз „за следните 100 години“.
„Lancia“ се здружи и со производителот на мебел „Cassina“, но се уште не е јасно каков ќе биде резултатот од нивната соработка.
Наводно, заеднички ќе ја дизајнираат внатрешноста на идните автомобили и ќе применат некои детали од моделите „Gamma“, „Thema“ и „Flavia“.
Уште поинтересен е концептот „Pu+Ra Zero“, во кој многумина ги гледаат контурите на идниот „Stratos Zero“.
„Lancia“ го претставува и новото лого на брендот. Како и кај конкуренцијата, трендот е јасен - да се поедностави дизајнот до самите основи.
Впрочем, ова е „Lancia“, а тоа значи дека од сината боја нема лесно да се откаже.
Ова е осма верзија на логото во 116-годишната историја на брендот, а прв ќе ја носи новиот „Ypsilon“ од 2024 година.
Логото го задржа обликот на штитот, а е изработено од алуминиум. Во центарот на означениот круг е името на брендот со нов фонт, а вертикалната линија е таму како потсетник на амблемот од 1957 година.
Потсетуваме дека новиот „Ypsilon“ доаѓа во 2024 година, а топ моделот на брендот – „Aurelia“ - во 2026 година. Тоа ќе биде електричен кросовер, најелитниот модел на италијанскиот производител.
Конечно, во 2028 година, „Delta“ се враќа.