Видео: Лајпциг го изненади фаворизираниот Атлетико М. за дебитантско полуфинале во ЛШ

Дебитантот во елитното друштво Лајпциг е вториот полуфиналист во најсилното европско фудбалско натпреварување.

Германскиот претставник на завршниот турнир во Лисабон го изненади фаворизираниот Атлетико Мадрид и си обезбеди историско полуфинале во Лигата на шампионите.

Лајпциг во синиќешното второ четврфинале извојува заслужена победа над Атлетико од 2-1.

По првите 45 минути на дуелот во Лисабон мрежите мируваа.

Во 5 минута од вториот дел Дани Олмо ја погоди мрежата на Облак за водство на Лајмпциг од 1-0. 20 минути подоцна нововлезениот Жоао Феликс од пенал израмни на 1-1.

Но без разлика на израмнувањето фудбалерите на лајпциг продолжија да ја играат својата игра и да чекаат прилика за нов гол. Тоа им се овозможи во самиот финиш на мечот , во 88 минута една брза акција на Лајпциг заврши со гол, по шутот на Тајлер Адамс топката го закачи Стефан Савиќ, Јан Облак по втор пат е совлада, дебитантот од Германија е во полуфиналето.

Лајпциг е противникот на Пари Сен Жермен во полифиналето на Лигата на шампионите. За двете екипи ова ќе биде нивното прво учество во едно полуфинале од шампионската лига.

Четвртфиналните пресметки во Лисабон од Лигата на шампионите продолжуваат вечерва со гигансткиот судир Баерн Минхен - Барселона, а утре за последниот полуфиналист ќе решаваат Манчестер Сити и Лион.

Средба Димитров – Рот: Македонија останува приоритет за германското претстедателство

 Вицепремиерот за европски прашања Никола Димитров, утрово во Брисел се сретна со германскииот министер за Европа, Мајкл Рот, чија земја претседава со ЕУ до крајот на годината.

Како што јави дописникот на МИА од Брисел, Димитров го информира Рот за приоритетите на македонската Влада во областа на евроинтеграциите и потенцирал дека „пристапниот процес е најдобрата алатка европските стандарди и принципи да ги воведеме дома".

–Македонија е цврсто решена да стане просперитетна европска демократија во која ќе владее правото, нагласи Димитров.

Германскиот министер за Европа престојува во Брисел каде учествува на министерскиот состанок за општи работи на ЕУ. Иако Македонија не е денеска формално на дневен ред, министрите се тие кои одлучуваат за усвојувањето на преговарачката рамка. Рот потврдил дека Македонија останува приоритет за германското претстедателство.

– Првата меѓувладина конференција со Македонија, почетокот на пристапните преговори, е еден од врвните приоритети на германското претседателство со ЕУ, истакнал Рот.

Вицепремиерот Димитров во Брисел денеска ќе се сретне и со еврокомесарот за проширување, Оливер Вархеји, како и со потпретседателот на Европската Комисија задолжен за миграциски политики, Маргаритис Схинас, а планирана е негова посета на Берлин следната недела, информираат од неговиот кабинет.

Може да се заработува од отпад, но тој прво мора да се селектира и редовно да се собира

 Од селекција на отпад, потоа негово рециклирање може да се заработува, и тоа да биде одржливо на долг рок. 

Денешните технологии тоа го овозможуваат, и тоа е процес кој веќе е реалност во други земји. Значењето е уште поголемо од аспект на заштитата на животната средина, во зачувување на природата, и пред се во добивањето почисти и поубави урбани средини, информираат од компанијата „Пакомак".

Добро организиран град во делот на управување со амбалажниот отпад, како што посочуваат, може многу други проекти да ги финансира од тоа.

Одлична можност е да се прават пари од отпад, но тој прво мора да се селектира, па да се собира. Неформалните собирачи на отпад треба да бидат вклучени во организираниот систем за негово собирање и селекција, за што е потребно заедничко делување на институциите, локалните самоуправи, комуналните претпријатија и компаниите. Мора да се обезбеди листа на улични собирачи, кои ќе треба да поминат обука, да имаат заштитна облека и ракавици и да работат во координација со комуналните претпријатија. За оние кои од разни причини нема да сакаат да станат дел од легални системи за селекција и собирање, институциите мора да применат казни доколку повторно продолжат со нелегално собирања отпад, истакнуваат од компанијата.

МВР: 597 прекршоци за неносење маски

Во текот на изминатото деноноќие (21/22.09.2020 година) на територијата на Република Македонија по однос на мерката за неносење лична заштита на лице регистрирани се 597 прекршоци. 

Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со Ковид -19.

притисни ентер